29 April 2019

* ਨਿਆਂ ਪਾਲਿਕਾ ਦੀ ਆਜ਼ਾਦੀ ਖਤਰੇ 'ਚ- ਚੀਫ਼ ਜਸਟਿਸ
# ਬੋਦੀ ਵਾਲਾ ਤਾਰਾ ਚੜ੍ਹਿਆ,
ਘਰ ਘਰ ਹੋਣ ਵੀਚਾਰਾਂ।

* ਚੌਕੀਦਾਰ ਚੋਰ ਹੈ ਕਹਿਣ 'ਤੇ ਰਾਹੁਲ ਗਾਂਧੀ ਨੂੰ ਅਫ਼ਸੋਸ- ਇਕ ਖ਼ਬਰ
# ਚੰਦਰੀ ਸਿਆਸਤ ਕੀ ਦਿਖਾਵੇ ਰੰਗ ਲੋਕੋ, ਲੀਡਰ ਆਪਣਾ ਹੀ ਥੁੱਕਿਆ ਚੱਟਦੇ ਜੀ।

* ਮੋਦੀ ਨੇ ਕੰਮ ਕੀਤੇ, ਰਾਹੁਲ ਤਾਂ ਅਨਾੜੀ ਐ- ਪ੍ਰਕਾਸ਼ ਸਿੰਘ ਬਾਦਲ
# ਉਹਦੇ ਨਾਲ ਕੀ ਬੋਲਣਾ ਜਿਹਨੂੰ ਪੱਗ ਬੰਨ੍ਹਣੀ ਨਾ ਆਵੇ।

* ਅਕਾਲੀ ਦਲ ਤੇ ਕਾਂਗਰਸ ਪਾਰਟੀਆਂ ਦੋ ਪਰ ਨੀਤੀ ਇਕ- ਖਹਿਰਾ
# ਐਵੇਂ ਦੋ ਕਲਬੂਤ ਬਣਾਏ ਕਿ ਤੇਰੀ ਮੇਰੀ ਇਕ ਜਿੰਦੜੀ।

* ਨਾ ਜੀ ਨਾ! ਜਗਮੀਤ ਬਰਾੜ ਤਾਂ ਬੁਲਾਰਾ ਹੀ ਬਹੁਤ ਵਧੀਆ ਐ- ਸੁਖਬੀਰ ਬਾਦਲ
# ਫੁੱਲ ਵੇ ਗੁਲਾਬ ਦਿਆ,
    ਸੀਨੇ ਨਾਲ ਤੈਨੂੰ ਲਾਵਾਂ,
    ਮੇਰੇ ਮਾਹੀਏ ਦੇ ਬਾਗ਼ ਦਿਆ।

* ਔਰਤ ਨੇ ਪਤੀ ਨਾਲ਼ ਮਿਲ ਕੇ ਪ੍ਰੇਮੀ ਦਾ ਕੀਤਾ ਕਤਲ- ਇਕ ਖਬਰ
# " ਘੋਰ ਕੁਲਯੁਗ" ਉਲਟੇ ਬਾਂਸ ਬਰੇਲੀ ਨੂੰ।

* ਚੋਣ ਨਤੀਜਿਆਂ ਦੀ ਉਮੀਦਵਾਰਾਂ ਨੂੰ ਕਰਨਾ ਪਵੇਗੀ ਲੰਮੀ ਉਡੀਕ- ਇਕ ਖਬਰ
# ਤੋੜ ਤੋੜ ਖਾਣ ਹੱਡੀਆਂ,
 ਰੱਤਾ ਪਲੰਘ ਚੰਨਣ ਦੇ ਪਾਵੇ।

* ਕਾਂਗਰਸੀਏ ਦੇਖਦੇ ਰਹਿ ਗਏ ਦਲ ਬਦਲੂ ਘੁਬਾਇਆ ਟਿਕਟ ਲੈ ਗਿਆ- ਇਕ ਖ਼ਬਰ
# ਬੱਗੀ ਤਿੱਤਰੀ ਕਮਾਦੋਂ ਨਿਕਲੀ,
ਉਡਦੀ ਨੂੰ ਬਾਜ਼ ਪੈ ਗਿਆ।

* ਲੋਕ ਕੈਪਟਨ ਸਰਕਾਰ ਨੂੰ ਸਿਖਾਉਣਗੇ ਸਬਕ- ਅਕਾਲੀ ਦਲ ਬਾਦਲ
# ਹੁੰਦੀਆਂ ਨਹੀਂ

21 April 2019

* ਨਵਜੋਤ ਸਿੱਧੂ ਖਿਲਾਫ਼ ਕੇਸ ਦਰਜ- ਇਕ ਖ਼ਬਰ
# ਜੀਣਾ ਮੌੜ ਵੱਢਿਆ ਨਾ ਜਾਵੇ,
   ਛਵੀਆਂ ਦੇ ਘੁੰਡ ਮੁੜ ਗਏ।

* ਪਾਕਿਸਤਾਨੀ ਔਰਤਾਂ 'ਤੇ ਡੋਰੇ ਪਾ ਰਹੇ ਹਨ ਚਾਈਨੀਜ਼ ਮਰਦ-ਇਕ ਖ਼ਬਰ
# ਲੱਤ ਮਾਰੂੰਗੀ ਪੰਜੇਬਾਂ ਵਾਲੀ,
ਪਰਾ੍ਂ ਹੋ ਜਾ ਚੱਟੂ ਵੱਟਿਆ।

* ਲਾਮ-ਲਸ਼ਕਰ ਨਾਲ 'ਯੋਧੇ' ਉੱਤਰੇ ਚੋਣ ਮੈਦਾਨ ਵਿਚ- ਇਕ ਖ਼ਬਰ
# ਬੂਹੇ ਆਣ ਲੱਥੀ ਜੰਞ ਖੇੜਿਆਂ ਦੀ,
ਅੰਦਰ ਹੀਰ ਦੀਆਂ ਹੋਣ ਤਿਆਰੀਆਂ ਜੀ।

* ਛੋਟੇਪੁਰ ਦੇ ਮੈਦਾਨ 'ਚ ਉਤਰਦਿਆਂ ਹੀ ਡੋਲਣ ਲੱਗ ਪਈ 'ਆਪ' ਦੀ ਬੇੜੀ- ਇਕ ਖਥਰ
# ਉਸ ਬਲੀ ਸ਼ਹਿਜ਼ਾਦੇ ਦਾ ਤੇਜ਼ ਭਾਰੀ,
ਜਿਸ ਕਿਲੇ੍ ਨੂੰ ਮੋਰਚਾ ਲਾਇਆ ਸੀ।

* ਲੌਂਗੋਵਾਲ ਦੇ ਨਿਜੀ ਸਕੱਤ੍ ਨੇ ਕੀਤੀ ਮਰਯਾਦਾ ਦੀ ਉਲੰਘਣਾ- ਇਕ ਖ਼ਬਰ
# ਸਿਰ ਫੌਜ ਦੇ ਰਿਹਾ ਨਾ ਕੋਈ ਕੁੰਡਾ,
ਹੋਵੇ ਸ਼ੁਤਰ ਜਿਉਂ ਬਾਝ ਮੁਹਾਰ ਮੀਆਂ।

* ਸਾਧਵੀ ਪ੍ੱਗਿਆ ਨੇ ਸ਼ਹੀਦ ਕਰਕਰੇ ਨੂੰ ਕਿਹਾ ਦੇਸ਼ਧੋ੍ਹੀ- ਇਕ ਖ਼ਬਰ
# ਜਿੱਥੇ ਮਰਜ਼ੀ ਨਿਸ਼ਾਨੇ ਲਾ, ਹੁਣ ਤੇਰੇ ਦਿਨ ਬੱਲੀਏ।

* ਜਗਮੀਤ ਬਰਾੜ ਅਕਾਲੀ ਦਲ 'ਚ ਸ਼ਾਮਲ- ਇਕ ਖ਼ਬਰ
# ਮਰਦੀ ਨੇ ਅੱਕ ਚੱਬਿਆ,
ਹਾਰ ਕੇ ਜੇਠ ਨਾਲ਼ ਲਾਈਆਂ।

* ਕਾਂਗਰਸ ਛੱਡ ਪਿ੍ਅੰਕਾ ਚਤੁਰਵੇਦੀ ਸ਼ਿਵ ਸੈਨਾ 'ਚ ਸ਼ਾਮਲ- ਇਕ ਖ਼ਬਰ
# ਘੁੰਡ ਵਿਚ ਅੱਗ ਮਚਦੀ,
ਚੁੰਨੀ ਸਾੜ ਨਾ ਲਈਂ ਮੁਟਿਆਰੇ।

*  ਮਹਾਰਾਜਾ ਸਾਹਿਬ! ਮੈਂ ਸੂਤ ਕਰਾਂਗਾ ਬਾਦਲਾਂਂ ਨੂੰ- ਜਗਮੀਤ ਬਰਾੜ
# ਏਥੇ ਕੋਈ ਨਹੀਂ ਕਿਸੇ ਨੂੰ ਸੂਤ ਕਰਦਾ,
ਸਭ ਰਲ਼ ਕੇ 'ਖੇਡਾਂ' ਖੇਡਦੇ ਨੇ।

* 'ਆਪ' ਤੇ ਪੀ.ਏ.ਪੀ. ਆਗੂ ਕਾਂਗਰਸ 'ਚ ਸ਼ਾਮਲ-ਇਕ ਖਬਰ
# ਰੁੱਤ ਯਾਰੀਆਂ ਲਾਉਣ ਦੀ ਆਈ, ਲੱਕ ਲੱਕ ਹੋ ਗਏ ਬਾਜਰੇ।

* ਪੰਜਾਬ ਦੇ ਲੀਡਰਾਂ ਦੀ ਨੀਅਤ ਖੋਟੀ,
ਖ਼ੁਦਕੁਸ਼ੀਆਂ 'ਤੇ ਸੇਕਦੇ ਨੇ ਰੋਟੀਆਂ।
# ਹੁੰਦੀ ਮੌਤ ਜਦ ਚਿੜੀਆਂ ਨਿਮਾਣੀਆਂ ਦੀ,
ਵਹਿਸ਼ੀ ਹਾਸਾ ਗੰਵਾਰ ਹੱਸਦੇ ਨੇ।

* ਕੈਪਟਨ ਨੇ ਦੋ ਸਾਲਾਂ 'ਚ ਪੰਜਾਬ 'ਚ ਕਿਤੇ ਗੇੜਾ ਨਹੀਂ ਮਾਰਿਆ- ਸੁਖਬੀਰ ਬਾਦਲ
# ਦੁੱਧ ਰਿੜਕੇ ਝਾਂਜਰਾਂ ਵਾਲ਼ੀ
ਕੈਂਠੇ ਵਾਲ਼ਾ ਧਾਰ ਕੱਢਦਾ।

* ਮੋਦੀ ਨੇ ਪੂਰਾ ਕਸ਼ਮੀਰ ਅਨਿਲ ਅੰਬਾਨੀ ਨੂੰ ਸੌਂਪਿਆ- ਰਾਹੁਲ ਗਾਂਧੀ
# ਤੇਰੇ ਅੱਗੇ ਥਾਨ ਸੁੱਟਿਆ,
ਚਾਹੇ ਸੁੱਥਣ ਸੰਵਾ ਲੈ ਚਾਹੇ ਲਹਿੰਗਾ।

24 March 2019

ਮੋਦੀ ਅਤੇ ਜੇਤਲੀ ਅਰਥ ਸ਼ਾਸਤਰ ਤੋਂ ਕੋਰੇ- ਸੁਬਰਾਮਨੀਅਮ ਸੁਆਮੀ
ਓਹਦੇ ਨਾਲ਼ ਕੀ ਬੋਲਣਾ ਜਿਹਨੂੰ ਪੱਗ ਬੰਨ੍ਹਣੀ ਨਾ ਆਵੇ।

ਮਸੂਦ ਮਾਮਲੇ 'ਚ ਚੀਨ ਨੂੰ ਗੰਭੀਰ ਚਿੰਤਨ ਦੀ ਲੋੜ-ਸਾਬਕਾ ਵਿਦੇਸ਼ ਸਕੱਤਰ ਜੈਸ਼ੰਕਰ
ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਕਾਂਗਰਸ ਨਾਲ ਮਹਾਂ ਗੱਠਜੋੜ ਬਣਾਉਣ ਦੀਆਂ ਕੋਸ਼ਿਸ਼ਾਂ ਨਿੰਦਣਯੋਗ- ਮੋਦੀ
ਨਾਰ ਬਿਗਾਨੀ ਦੀ, ਬਾਂਹ ਨਾ ਮੂਰਖਾ ਫੜੀਏ।

ਭਾਜਪਾ ਦੋਹਰੇ ਚਰਿੱਤਰ ਦੀ ਹੋਈ ਸ਼ਿਕਾਰ- ਅਖਿਲੇਸ਼
ਲ਼ੱਗੀਆਂ ਦੋਸਤੀਆਂ, ਹੁਣ ਨਹੀਂ ਪੁੱਛਦੀਆਂ ਜ਼ਾਤਾਂ।

ਸ਼ੱਤਰੂਘਨ ਸਿਨਹਾ ਦੀ ਟਿਕਟ ਕੱਟੀ, ਕਾਂਗਰਸ 'ਚ ਜਾਣ ਦੇ ਚਰਚੇ- ਇਕ ਖ਼ਬਰ
ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ, ਡੇਕ ਦਾ ਗੁਮਾਨ ਕਰਦੀ।

ਸਾਡੀ ਅਮਨ ਦੀ ਖ਼ਾਹਿਸ਼ ਨੂੰ ਸਾਡੀ ਕਮਜ਼ੋਰੀ ਨਾ ਸਮਝਿਆ ਜਾਵੇ-ਪਾਕਿ ਰਾਸ਼ਟਰਪਤੀ
ਲੜ ਜੂੰ ਭਰਿੰਡ ਬਣ ਕੇ, ਮੈਨੂੰ ਨਰਮ ਕੁੜੀ ਨਾ ਜਾਣੀ।

ਟਰੰਪ ਵਲੋਂ ਉੱਤਰੀ ਕੋਰੀਆ ਤੋਂ ਪਾਬੰਦੀਆਂ ਹਟਾਉਣ ਦਾ ਐਲਾਨ- ਇਕ ਖ਼ਬਰ
ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।

ਅਸੀਂ ਨਹੀਂ ਪਾਰਟੀ ਛੱਡੀ, ਸਾਨੂੰ ਪਾਰਟੀ 'ਚੋਂ ਕੱਢਿਆ ਗਿਆ- ਰਤਨ ਸਿੰਘ ਅਜਨਾਲਾ
ਕਰ ਕੂਚ ਹਜ਼ਾਰਿਓਂ ਛੱਡ ਭਾਈਆਂ, ਟਿੱਲੇ ਬਾਲ ਗੁਦਾਈ ਦੇ ਚੱਲਿਆ ਈ।

ਚੰਡੀਗੜ੍ਹ ਤੋਂ ਬਿਨਾਂ ਹੋਰ ਕਿਤੋਂ ਵੀ ਚੋਣ ਨਹੀਂ ਲੜਾਂਗਾ- ਪਵਨ ਬਾਂਸਲ
ਤੇਰੀ ਮੇਰੀ ਇਕ ਜਿੰਦੜੀ, ਨਿਤ ਸੁਫ਼ਨੇ ਦੇ ਵਿਚ ਮਿਲਦੀ।

ਮੋਦੀ ਨੂੰ ਪੰਜਾਬੀ ਤੇ ਦੱਖਣ ਭਾਰਤੀ ਲੋਕ ਪਸੰਦ ਨਹੀਂ ਕਰਦੇ-ਇਕ ਸਰਵੇਅ
ਟੁੱਟ ਜਾਊਗਾ ਬਲੌਰੀ ਚੂੜਾ, ਮਿੱਤਰਾ ਬਾਂਹ ਛੱਡ ਦੇ।

ਹੇਮਾ ਮਾਲਿਨੀ ਲਈ ਵੋਟ ਮੰਗਣ ਤੇ ਪਰਚਾ ਭਰਵਾਉਣ ਲਈ ਮਥੁਰਾ ਯੋਗੀ ਖੁਦ ਆਉਣਗੇ।
ਪੂਣੀਆਂ ਮੈਂ ਤਿੰਨ ਕੱਤੀਆਂ, ਟੁੱਟ ਪੈਣੇ ਦਾ ਤੇਰ੍ਹਵਾਂ ਗੇੜਾ।

ਪੁਲਿਸ ਦੇ ਦਬਾਅ 'ਚ ਕੇਜਰੀਵਾਲ ਨੂੰ ਰੈਲੀ ਦੀ ਇਜਾਜ਼ਤ ਨਹੀਂ ਮਿਲੀ-ਸੰਜੇ ਸਿੰਘ
ਸਰਵਣ ਵੀਰ ਦੇ ਬਿਨਾਂ, ਮੇਰੀ ਰੁਲ਼ਦੀ ਵਣਾਂ ਵਿਚ ਗੱਠੜੀ।

ਪਰੇਸ਼ ਰਾਵਲ ਵਲੋਂ ਲੋਕ ਸਭਾ ਚੋਣਾਂ ਨਾ ਲੜਨ ਦਾ ਐਲਾਨ- ਇਕ ਖ਼ਬਰ
ਢਾਬ ਤੇਰੀ ਦਾ ਗੰਧਲਾ ਪਾਣੀ, ਉੱਤੋਂ ਬੂਰ ਹਟਾਵਾਂ।

ਪੰਜਾਬ 'ਚੋਂ ਡੇਰਾ ਸਿਰਸਾ ਦੇ ਪੈਰ ਵੱਡੇ ਪੱਧਰ 'ਤੇ ਉੱਖੜੇ- ਇਕ ਖ਼ਬਰ
ਉਜੜੀਆਂ ਭਰਜਾਈਆਂ, ਵਲੀ ਜਿਹਨਾਂ ਦੇ ਜੇਠ।

ਭਾਜਪਾ ਵਲੋਂ ਉਮਾ ਭਾਰਤੀ ਪਾਰਟੀ ਦੀ ਉੱਪ ਪ੍ਰਧਾਨ ਨਿਯੁਕਤ- ਇਕ ਖ਼ਬਰ
ਮੈਨੂੰ ਸੋਨੇ ਦਾ ਤਵੀਤ ਕਰਾ ਦੇ, ਚਾਂਦੀ ਦਾ ਕੀ ਭਾਰ ਚੁੱਕਣਾ।

19 March 2019

ਬਠਿੰਡਾ ਤੋਂ ਚੋਣ ਲੜਨ ਦਾ ਮਕਸਦ ਸਿਰਫ਼ ਹਰਸਿਮਰਤ ਬਾਦਲ ਨੂੰ ਟੱਕਰ ਦੇਣਾ- ਖਹਿਰਾ
ਮੇਰਾ ਕੰਮ ਨਾ ਗਲ਼ੀ ਦੇ ਵਿਚ ਕੋਈ, ਆਵਾਂ ਜਾਵਾਂ ਤੇਰੇ ਬਦਲੇ।

ਪ੍ਰਿਯੰਕਾ ਗਾਂਧੀ ਪੂਰੇ ਜੋਸ਼ ਨਾਲ਼ ਉੱਤਰੀ ਉੱਤਰ ਪ੍ਰਦੇਸ਼ ਦੇ ਚੋਣ ਮੈਦਾਨ 'ਚ- ਇਕ ਖ਼ਬਰ
ਵੈਰਨ ਮੁੰਡਿਆਂ ਦੀ ਜਿਹੜੀ ਘੁੱਟਵੀਂ ਸੁੱਥਣ ਵਿਚ ਰਹਿੰਦੀ।

ਕੋਲਿਆਂਵਾਲੀ ਨੂੰ ਘੇਰਨ ਲਈ ਵਿਜੀਲੈਂਸ ਟੀਮਾਂ ਨੇ ਖਿੱਚੀ ਤਿਆਰੀ- ਇਕ ਖ਼ਬਰ
ਅੱਗੇ ਤਾਂ ਟੱਪਦਾ ਸੀ ਨੌਂ ਨੌਂ ਕੋਠੇ, ਹੁਣ ਨਹੀਂ ਟਪੀਂਦੀਆਂ ਖਾਈਆਂ।

ਅਕਾਲੀ ਦਲ ਇਕੱਲਿਆਂ ਲੜੇਗਾ ਲੋਕ ਸਭਾ ਚੋਣਾਂ, 'ਆਪ' ਨਾਲ਼ ਗੱਲਬਾਤ ਤੋੜੀ- ਬ੍ਰਹਮਪੁਰਾ
ਘੜਾ ਚੁੱਕ ਲਊਂ ਪੱਟਾਂ 'ਤੇ ਹੱਥ ਧਰ ਕੇ, ਖ਼ਸਮਾਂ ਨੂੰ ਖਾਣ ਕੁੜੀਆਂ।

ਪ੍ਰਧਾਨ ਦੀ ਚੋਣ ਸਮੇਂ ਮੰਦਰ ਬਣਿਆ ਯੁੱਧ ਦਾ ਅਖਾੜਾ- ਇਕ ਖ਼ਬਰ
ਗੁਆਂਢ ਦਾ ਰੂਪ ਨਹੀਂ ਆਉਂਦਾ, ਮੱਤ ਤਾਂ ਆ ਈ ਜਾਂਦੀ ਐ।

ਅਕਾਲੀ ਦਲ ਦੀ ਰੈਲੀ ਮਗਰੋਂ ਸ਼ਰਾਬ ਵਰਤਾਉਣ ਸਬੰਧੀ ਚੋਣ ਕਮਿਸ਼ਨ ਵਲੋਂ ਰਿਪੋਰਟ ਤਲਬ-ਇਕ ਖ਼ਬਰ
ਚੋਣ ਕਮਿਸ਼ਨ ਜੀ ! ਅਕਾਲੀ ਵਿਚਾਰੇ ਤਾਂ ਸਰਕਾਰੀ ਖ਼ਜ਼ਾਨੇ ਦੀ ਮਦਦ ਕਰ ਰਹੇ ਸੀ।

ਮਸੂਦ ਨੂੰ ਕੌਮਾਂਤਰੀ ਅੱਤਵਾਦੀ ਐਲਾਨਣ 'ਚ ਚੀਨ ਨੇ ਫਿਰ ਪਾਇਆ ਅੜਿੱਕਾ- ਇਕ ਖ਼ਬਰ
ਤੇਰੀ ਆਈ ਮੈਂ ਮਰ ਜਾਂ, ਤੇਰਾ ਵਾਲ਼ ਵੀ ਵਿੰਗਾ ਨਾ ਹੋਵੇ॥

ਸੌਦਾ ਸਾਧ ਦੇ ਹੱਕ 'ਚ ਮੁਜ਼ਾਹਰਾ ਕਰਨ ਵਾਲੇ ਲੌਂਗੋਵਾਲ ਤੋਂ ਮੰਗਿਆ ਅਸਤੀਫ਼ਾ-ਇਕ ਖ਼ਬਰ
ਕਾਦਰਯਾਰ ਕਹਿੰਦਾ ਰਾਜਾ, ਪਿੱਛੇ ਕੀ ਕਰਤੂਤ ਕਰ ਆਇਓਂ ਈ।

ਲੋਕ ਸਭਾ ਚੋਣਾਂ 'ਚ ਸ਼ਰਾਬ ਅਤੇ ਨਕਦੀ ਦੀ ਨਾਜਾਇਜ਼ ਵਰਤੋਂ ਨਹੀਂ ਹੋਣ ਦਿਤੀ ਜਾਵੇਗੀ- ਡੀ.ਸੀ.
ਯਾਨੀ ਕਿ ਜਾਇਜ਼ ਸ਼ਰਾਬ ਠੀਕ ਆ, ਜਿਵੇਂ ਕਿ ਜਗੀਰ ਕੌਰ ਨੂੰ ਟਿਕਟ ਮਿਲਣ ਦੀ ਖ਼ੁਸ਼ੀ 'ਚ।

ਹਾਰ ਮੰਨਣ ਲਈ ਤਿਆਰ ਨਹੀਂ ਬਰਤਾਨੀਆ ਦੀ ਪ੍ਰਧਾਨ ਮੰਤਰੀ ਟਰੀਜ਼ਾ ਮੇਅ- ਇਕ ਖ਼ਬਰ
ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

ਲੋਕ ਸਭਾ ਚੋਣਾਂ ਲਈ ਸਿਆਸੀ ਪਾਰਟੀਆਂ ਹੋਈਆਂ ਸਰਗਰਮ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਲੱਕ ਲੱਕ ਹੋ ਗਏ ਬਾਜਰੇ।

ਦਿੱਲੀ ਕਮੇਟੀ 'ਚ ਸੁਧਾਰ ਕਰਨ ਲਈ ਸਿੱਖ ਫੋਰਮ ਨੇ ਸੁਖਬੀਰ ਬਾਦਲ ਨੂੰ ਪੱਤਰ ਲਿਖਿਆ- ਇਕ ਖ਼ਬਰ
ਇਹ ਤਾਂ ਬਈ ਇੰਜ ਐ ਜਿਵੇਂ ਕੋਈ ਇੱਲਾਂ ਨੂੰ ਕਹੇ ਕਿ ਉਹ ਮਾਸ ਖਾਣਾ ਛੱਡ ਦੇਣ।

ਚੋਣਾਂ ਵਿਚ ਸੱਚ ਦੀ ਜਿੱਤ ਹੋਵੇਗੀ, ਮੋਦੀ ਤੇ ਨਫ਼ਰਤ ਦੀ ਹਾਰ ਹੋਵੇਗੀ। ਰਾਹੁਲ ਗਾਂਧੀ
ਉੱਥੇ ਅਮਲਾਂ ਦੇ ਹੋਣੇ ਨੇ ਨਿਬੇੜੇ, ਕਿਸੇ ਨਹੀਂ ਤੇਰੀ ਜ਼ਾਤ ਪੁੱਛਣੀ।

ਵਿਤੀ ਸੰਕਟ ਦੇ ਹੱਲ ਲਈ ਅਕਾਲੀ ਦਲ ਨੇ ਪਾਰਟੀ ਮੈਂਬਰਾਂ ਤੋਂ ਭੇਟਾ ਮੰਗੀ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਹੁਣ ਹੋ ਗਈ ਮੁਸ਼ਕਲ ਭਾਰੀ ਜੀ।

11 March 2019

ਮਾਰੇ ਗਏ ਦਹਿਸ਼ਤਗ਼ਰਦਾਂ ਦੀ ਗਿਣਤੀ ਬਾਰੇ ਮਾਇਆਵਤੀ ਨੇ ਮੋਦੀ ਨੂੰ ਘੇਰਿਆ-ਇਕ ਖ਼ਬਰ
ਮੈਂ ਅਲਬੇਲਾ ਜੋਗੀ, ਤੇਰੇ ਹਾਥ ਨੂੰ ਆਊਂ ਰੀ ਬੇਬੀ ਤੇਰੇ ਹਾਥ ਨਾ ਆਊਂ।

ਮਾਰੇ ਗਏ ਦਹਿਸ਼ਤਗ਼ਰਦਾਂ ਦੀ ਗਿਣਤੀ ਛੇਤੀ ਪਤਾ ਲੱਗ ਜਾਵੇਗੀ- ਰਾਜਨਾਥ ਸਿੰਘ
ਬਈ ਬੰਦੇ ਭੇਜੇ ਹੋਏ ਐ ਗਿਣਨ ਲਈ, ਥੋੜ੍ਹਾ ਸਬਰ ਕਰੋ।

ਦਿੱਲੀ 'ਚ 'ਆਪ' ਨਾਲ਼ ਗੱਠਜੋੜ ਨਹੀਂ ਕਰੇਗੀ ਕਾਂਗਰਸ- ਸ਼ੀਲ਼ਾ ਦੀਕਸ਼ਿਤ
ਮੈਂ ਮਾਝੇ ਦੀ ਜੱਟੀ, ਗੁਲਾਬੂ ਨਿੱਕਾ ਜਿਹਾ।

ਭਾਰਤ ਦਾ ਤਰਜੀਹੀ ਦਰਜਾ ਰੱਦ ਕਰਨ ਦੇ ਰੌਂਅ ਵਿਚ ਟਰੰਪ- ਇਕ ਖ਼ਬਰ
ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।

ਦੁਨੀਆ ਵਿਚ 20ਸਭ ਤੋਂ ਵੱਧ ਪ੍ਰਦੂਸ਼ਿਤ ਸ਼ਹਿਰਾਂ 'ਚੋਂ 15ਭਾਰਤ ਵਿਚ - ਇਕ ਖ਼ਬਰ
ਯੇਹ ਕਹਾਨੀ ਹੈ ਭਾਰਤ ਮਹਾਨ ਕੀ, ਮਿਹਰਬਾਨੀ ਹੈ 'ਸਵੱਛਤਾ ਅਭਿਆਨ' ਕੀ।

ਕਾਂਗਰਸ ਤੇ ਭਾਜਪਾ ਨਾਲ਼ ਲੜਨ ਲਈ ਤਿਆਰ ਹੈ 'ਆਪ'-ਕੇਜਰੀਵਾਲ
ਤੁਸੀਂ ਨਿਕਲੋ ਵਿਚ ਮੈਦਾਨ ਦੇ, ਅਸੀਂ ਲਏ ਲੰਗੋਟੇ ਕੱਸ।

ਅਪਰਾਧੀ ਬਿਰਤੀ ਵਾਲ਼ੇ ਲੋਕਾਂ ਨੂੰ ਆਸਟ੍ਰੇਲੀਆ ਵੀਜ਼ਾ ਨਹੀਂ ਦੇਵੇਗਾ- ਇਕ ਖ਼ਬਰ
ਯੂ.ਕੇ. ਵਲ ਨੂੰ ਭੇਜ ਦਿਉ ਬਈ, ਦਰਵਾਜ਼ੇ ਖੁੱਲ੍ਹੇ ਈ ਆ।

ਮੋਦੀ ਕੈਮਰੇ ਲਈ ਜਿਊਂਦੇ ਹਨ- ਰਾਹੁਲ
ਮੇਰੀ ਗੱਜਦੇ ਦੀ ਫੋਟੋ ਖਿੱਚ ਕੁੜੀਏ।

ਯੂ.ਪੀ. 'ਚ ਬੀ.ਜੇ.ਪੀ. ਸੰਸਦ ਮੈਂਬਰ ਤੇ ਬੀ.ਜੇ.ਪੀ. ਵਿਧਾਇਕ ਜੁੱਤੀਓ ਜੁੱਤੀ-ਇਕ ਖ਼ਬਰ
ਕੂੰਡੇ ਭੱਜ ਗਏ ਘੋਟਣੇ ਟੁੱਟ ਗਏ, ਤਕੀਏ ਮਲੰਗ ਲੜ ਪਏ।

ਭਾਰਤ ਵਿਚ ਬੇਰੋਜ਼ਗਾਰੀ ਦਰ 7.2ਫ਼ੀ ਸਦੀ ਤਕ ਪਹੁੰਚੀ- ਇਕ ਖ਼ਬਰ
ਛੱਡੋ ਬੇਰੋਜ਼ਗਾਰੀ ਨੂੰ, ਪਹਿਲਾਂ ਪਾਕਿ 'ਚ ਮਾਰੇ ਦਹਿਸ਼ਤਗਰਦਾਂ ਦੀਆਂ ਲਾਸ਼ਾਂ ਗਿਣੋ।

ਏਅਰ ਸਟ੍ਰਾਈਕ ਦਾ ਸਬੂਤ ਮੰਗਣ ਵਾਲਿਆਂ ਨੂੰ ਜਹਾਜ਼ ਦੇ ਹੇਠਾਂ ਬੰਨ੍ਹਣਾ ਚਾਹੀਦੈ- ਵੀ.ਕੇ. ਸਿੰਘ
ਬਦੀਆਂ ਨਾ ਕਰ ਵੇ, ਕੈ ਦਿਨ ਦੀ ਜ਼ਿੰਦਗਾਨੀ।

ਰਾਫੇਲ ਦੇ ਸੌਦੇ ਨੂੰ ਲੈ ਕੇ ਮੋਦੀ ਸਰਕਾਰ ਤੋਂ ਦੇਸ਼ ਦੀ ਜਨਤਾ ਦਾ ਵਿਸ਼ਵਾਸ ਉੱਠਿਆ- ਗੋਲਡੀ
ਲੋਟਣ ਪੱਚੀਆਂ ਦੇ, ਚਹੁੰ 'ਚ ਵੇਚ ਗਿਆ ਵੈਲੀ।

ਭਾਜਪਾ ਕੋਲ਼ ਏਨਾ ਪੈਸਾ ਕਿੱਥੋਂ ਆ ਰਿਹੈ- ਮਮਤਾ ਬੈਨਰਜੀ
ਨਾਮ ਦੇਵ ਨੂੰ ਗੁਆਂਢਣ ਪੁੱਛਦੀ, ਕਿੱਥੋਂ ਤੈਂ ਬਣਾਈ ਛੱਪਰੀ।

04 March 2019

ਮੈਂ ਨਾੜੀ ਵੇਖ ਕੇ ਮੰਤਰਾਂ ਨਾਲ਼ ਇਲਾਜ ਕਰ ਸਕਦਾ ਹਾਂ- ਸ਼ਿਵ ਸੈਨਾ ਸੰਸਦ ਮੈਂਬਰ
ਉਜੜੀਆਂ ਭਰਜਾਈਆਂ ਵਲੀ ਜਿਹਨਾਂ ਦੇ ਜੇਠ।

ਅਕਾਲੀ ਦਲ ਨੂੰ ਬਦਨਾਮ ਕਰ ਰਹੀ ਹੈ ਕਾਂਗਰਸ-ਸੁਖਬੀਰ
ਸੱਸ ਮੇਰੀ ਦਾ ਐਡਾ ਜੂੜਾ, ਵਿਚੋਂ ਕਿਰਦੀ ਰੇਤ। ਸੱਸੇ ਕੰਜਰੀਏ, ਸ਼ੀਸ਼ਾ ਲੈ ਕੇ ਦੇਖ।

ਬਿਜਲੀ,ਰੇਤ ਅਤੇ ਸ਼ਰਾਬ ਨੀਤੀ ਵਲ ਧਿਆਨ ਦੇ ਕੇ ਸਰਕਾਰ ਦੀ ਆਰਥਿਕ ਹਾਲਤ ਸੁਧਾਰੀ ਜਾ ਸਕਦੀ ਹੈ- ਚੀਮਾ
ਪਰ ਕਈਆਂ 'ਵਿਚਾਰਿਆਂ' ਦੀ ਆਰਥਿਕ ਹਾਲਤ ਵਿਗੜ ਵੀ ਜਾਣੀ ਐ।

ਕੈਨੇਡਾ ਦੀ ਐਨ.ਡੀ.ਪੀ. ਪਾਰਟੀ ਦੇ ਪ੍ਰਧਾਨ ਜਗਮੀਤ ਸਿੰਘ ਨੇ ਬਰਨਬੀ ਜ਼ਿਮਨੀ ਚੋਣ ਜਿੱਤ ਲਈ- ਇਕ ਖ਼ਬਰ
ਮੈਨੂੰ ਵੇਖ ਲੈਣ ਦੇ ਮੁੰਡਾ, ਨੀਂ ਆਹ ਲੈ ਫੜ ਮਾਏਂ ਪੂਣੀਆਂ।

ਸਕੂਲੀ ਬੱਚਿਆਂ ਨੂੰ ਦਿਤੀਆਂ ਜਾਣ ਵਾਲ਼ੀ ਵਰਦੀਆਂ 'ਚ ਘਪਲੇ ਦੇ ਦੋਸ਼-ਇਕ ਖ਼ਬਰ
ਇਹ ਤਾਂ ਕਫ਼ਨਾਂ 'ਚੋਂ ਪੈਸੇ ਖਾ ਜਾਂਦੇ ਐ, ਤੁਸੀਂ ਵਰਦੀਆਂ ਨੂੰ ਰੋਈ ਜਾਂਦੇ ਹੋ। 

ਲੋਕਤਾਂਤ੍ਰਿਕ ਗੱਠਜੋੜ 'ਚੋਂ ਟਕਸਾਲੀ ਅਕਾਲੀ ਹੋਏ ਬਾਹਰ- ਇਕ ਖ਼ਬਰ
ਤੇਰੀ ਮੇਰੀ ਨਹੀਂ ਨਿਭਣੀ, ਮੈਂ ਪਤਲੀ ਤੂੰ ਭਾਰਾ।

ਸੁਖਬੀਰ ਬਾਦਲ ਤੀਸਰੀ ਵਾਰ ਵੀ ਪਰਵਿਲੇਜ ਕਮੇਟੀ ਸਾਹਮਣੇ ਪੇਸ਼ ਹੋਣ ਤੋਂ ਇਨਕਾਰੀ-ਇਕ ਖ਼ਬਰ
ਜੇਠ ਤੋਂ ਸੰਗ ਲਗਦੀ, ਨੀ ਮੈਂ ਕਿਵੇਂ ਗਿੱਧੇ ਵਿਚ ਆਵਾਂ।

ਸੰਗਮ 'ਚ ਡੁਬਕੀਆਂ ਲਗਾਉਣ ਨਾਲ ਪਾਪ ਨਹੀਂ ਧੋਤੇ ਜਾਣੇ- ਮਾਇਆਵਤੀ
ਜੇ ਰੱਬ ਮਿਲਦਾ ਨ੍ਹਾਤਿਆਂ ਧੋਤਿਆਂ, ਤਾਂ ਮਿਲਦਾ ਡੱਡੂਆਂ ਮੱਛੀਆਂ।

ਦੇਸ਼ ਦੀ ਮਜ਼ਬੂਤੀ ਲਈ ਭਾਜਪਾ ਨੂੰ ਹਰਾਉਣਾ ਜ਼ਰੂਰੀ- ਕੇਜਰੀਵਾਲ
ਬਾਪੂ ਮੈਨੂੰ ਮੱਝ ਲੈ ਦੇ, ਮੈਂ ਜੇਠ ਦੀ ਲੱਸੀ ਨਹੀਂ ਪੀਣੀ।

ਪਾਕਿ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੇ ਰੌਂ 'ਚ ਭਾਰਤ- ਟਰੰਪ
ਅੱਗ ਲਾ ਕੇ ਡੱਬੂ ਰੂੜੀਆਂ 'ਤੇ।

ਤਾਨਾਸ਼ਾਹਾਂ ਵਾਂਗੂੰ ਕੰਮ ਕਰ ਰਹੀ ਹੈ ਮੋਦੀ ਸਰਕਾਰ- ਸ਼ਤਰੂਘਨ ਸਿਨਹਾ
ਮੈਂ ਜਿਹੜੀ ਗੱਲੋਂ ਡਰਦੀ ਸੀ, ਅੱਜ ਉਹੀਓ ਭਾਣਾ ਵਰਤ ਗਿਆ।

ਅਮਿਤ ਸ਼ਾਹ ਨੇ ਨੰਗਾ-ਚਿੱਟਾ ਝੂਠ ਬੋਲਿਆ- ਕੈਪਟਨ
ਜੰਗ ਤੇ ਸਿਆਸਤ 'ਚ ਸਭ ਕੁਝ ਚਲਦੈ ਕੈਪਟਨ ਸਾਬ।

ਕਰਤਾਰ ਪੁਰ ਲਾਂਘਾ ਬੰਦ ਕਰਵਾਉਣ ਲਈ ਬਾਦਲਾਂ ਨੇ ਪਾਕਿ ਖ਼ਿਲਾਫ਼ ਮਤਾ ਵਿਧਾਨ ਸਭਾ 'ਚ ਰੱਖਿਆ- ਸਰਨਾ
ਧਰ ਢੋਲ ਹਰਾਮ ਸ਼ੈਤਾਨ ਵਾਲ਼ਾ, ਡੰਕਾ ਵਿਚ ਮੈਦਾਨ ਦੇ ਲਾਇਆ ਈ।

25 Feb. 2019

ਕੈਪਟਨ ਸਾਡੇ ਪਰਵਾਰ ਨੂੰ ਬਦਨਾਮ ਕਰ ਕੇ ਸਿਆਸੀ ਲਾਹਾ ਲੈਣ ਦੀ ਕੋਸ਼ਿਸ਼ 'ਚ- ਪ੍ਰਕਾਸ਼ ਸਿੰਘ ਬਾਦਲ
ਜੇਠ ਦੇ ਬੁਰੇ ਦਿਨ ਆਏ, ਕਿੱਕਰਾਂ ਨੂੰ ਪਾਵੇ ਜੱਫੀਆਂ।

ਪੱਛਮੀ ਪੰਜਾਬ ਦੇ ਸਕੂਲਾਂ 'ਚ ਪੰਜਵੀਂ ਜਮਾਤ ਤੱਕ ਪੰਜਾਬੀ ਭਾਸ਼ਾ ਲਾਗੂ ਕਰਨ ਦਾ ਅਦਾਲਤੀ ਫ਼ੈਸਲਾ-ਇਕ ਖ਼ਬਰ
ਕੰਨਾਂ ਦੇ ਵਿਚ ਮਿੱਠਾ ਮਿੱਠਾ, ਦਿੰਦੀ ਏ ਰਸ ਘੋਲ਼ ਪੰਜਾਬੀ।

'ਖ਼ਾਲਸਾ ਏਡ' ਕਸ਼ਮੀਰੀ ਵਿਦਿਆਰਥੀਆਂ ਲਈ ਬਣੀ ਸਹਾਰਾ- ਇਕ ਖ਼ਬਰ
ਗੁਰੂ ਜੀ ਤੇਰੀ ਫੌਜ ਰੰਗਲੀ, ਆਈ ਆ ਮੋਰਚਾ ਜਿੱਤ ਕੇ।

ਮਾਇਆਵਤੀ ਅਤੇ ਅਖ਼ਿਲੇਸ਼ ਵਿਚਕਾਰ ਸੀਟਾਂ ਦੀ ਵੰਡ ਮੁਕੰਮਲ- ਇਕ ਖ਼ਬਰ
ਭੋਂ ਦੇ ਵਿਚੋਂ ਅੱਧ ਸਾਂਭ ਲੈ, ਬਲ਼ਦ ਸਾਂਭ ਲੈ ਨਾਰਾ।

ਕਸ਼ਮੀਰੀ ਵਿਦਿਆਰਥੀਆਂ ਨਾਲ ਹੋ ਰਹੀ ਬਦਸਲੂਕੀ ਬਾਰੇ ਮੋਦੀ ਚੁੱਪ ਕਿਉਂ?- ਉਮਰ ਅਬਦੁੱਲਾ
ਹੁਣ ਤੂੰ ਕਿਧਰ ਗਿਆ, ਜੇਠ ਬੋਲੀਆਂ ਮਾਰੇ।

ਡਾ. ਮਨਮੋਹਨ ਸਿੰਘ ਨੂੰ ਅੰਮ੍ਰਿਤਸਰ ਤੋਂ ਲੋਕ ਸਭਾ ਸੀਟ ਲੜਾਉਣ ਲਈ ਤਿਆਰੀ 'ਚ ਕਾਂਗਰਸ- ਇਕ ਖ਼ਬਰ
ਬੱਗੇ ਬਲਦ ਖਰਾਸੇ ਜਾਣਾ, ਕੋਠੀ 'ਚੋਂ ਲਿਆ ਦੇ ਘੁੰਗਰੂ।

ਸ਼ਰਾਬ ਦੀ ਖਪਤ ਵਾਲ਼ੇ ਮੋਹਰੀ ਰਾਜਾਂ 'ਚ ਪੰਜਾਬ ਵੀ ਸ਼ਾਮਲ- ਇਕ ਖ਼ਬਰ
ਵੈਰੀਆਂ ਦਾ ਖੂਹ ਵਗਦਾ, ਮੈਨੂੰ ਤੇਰੀ ਵੇ ਜਾਨ ਦਾ ਧੋਖਾ।

ਅਕਾਲੀ-ਭਾਜਪਾਈਆਂ ਨੂੰ 'ਸ਼ੋਅਲੇ' ਦੇ ਗੱਬਰ ਸਿੰਘ ਵਾਂਗ ਨਵਜੋਤ ਸਿੱਧੂ ਸੁਪਨੇ 'ਚ ਵੀ ਦਿਸਦੈ- ਜਾਖੜ
ਅਰੇ ਸੁਸਰੋ ਸੋ ਜਾਉ, ਨਹੀਂ ਤੋ ਸਿੱਧੂ ਆ ਜਾਏਗਾ।

ਲੰਬੀ ਤੋਂ ਚੰਡੀਗੜ੍ਹ ਪਹੁੰਚੇ ਵੱਡੇ ਬਾਦਲ ਵਲੋਂ ਗ੍ਰਿਫ਼ਤਾਰੀ ਦੀ ਪੇਸ਼ਕਸ਼- ਇਕ ਖ਼ਬਰ
ਅੰਮ੍ਰਿਤਸਰ 'ਚ ਖੇਡੇ ਡਰਾਮੇ ਤੋਂ ਬਾਅਦ ਇਸ ਦਾ ਦੂਜਾ ਸੀਨ।

ਸ਼੍ਰੋਮਣੀ ਕਮੇਟੀ ਚੋਣਾਂ ਲਈ ਵਿਧਾਨ ਸਭਾ 'ਚ ਮਤਾ ਪਾਸ ਕਰਾਉਣਾ ਫੂਲਕਾ ਦੀ ਹਿੰਮਤ- ਬ੍ਰਹਮਪੁਰਾ
ਬਾਜ਼ੀ ਲੈ ਗਿਆ ਜੀ ਦਾਖੇ ਵਾਲ਼ਾ ਗੱਭਰੂ, ਬਾਕੀ ਰਹਿ ਗਏ ਹਾਲ ਪੁੱਛਦੇ।

ਜਸਟਿਸ ਰਣਜੀਤ ਸਿੰਘ ਕੇਸ 'ਚ ਹਾਈ ਕੋਰਟ ਵਲੋਂ ਸੁਖਬੀਰ ਅਤੇ ਮਜੀਠੀਆ ਨੂੰ ਪੇਸ਼ ਹੋਣ ਲਈ ਨੋਟਿਸ ਜਾਰੀ- ਇਕ ਖ਼ਬਰ
ਟੈਮ ਹੋ ਗਿਆ ਬਦਲ ਗਏ ਕਾਂਟੇ, ਗੱਡੀ ਆਉਣੀ ਸ਼ੂੰ ਕਰ ਕੇ।

ਤਖ਼ਤ ਪਟਨਾ ਸਾਹਿਬ ਦਾ 'ਜਥੇਦਾਰ' ਹੀ ਮਹੰਤਸ਼ਾਹੀ ਚਲਾ ਰਿਹਾ ਹੈ- ਹਿਤ
ਟੁੱਟ ਪੈਣੇ ਦਾ ਕੁਲੱਛਣਾ ਬੋਤਾ, ਚੜ੍ਹਦੀ ਨੂੰ ਵੱਢੇ ਦੰਦੀਆਂ।

ਸਮਝੌਤੇ ਤੋਂ ਦੂਜੇ ਦਿਨ ਹੀ ਭਾਜਪਾ-ਸ਼ਿਵ ਸੈਨਾ ਗੱਠਜੋੜ 'ਚ ਦਿਸੀਆਂ ਤਰੇੜਾਂ- ਇਕ ਖ਼ਬਰ
ਕੋਹ ਤੁਰੀ ਨਾ, ਬਾਬਾ ਤ੍ਰਿਹਾਈ।

ਪ੍ਰਕਾਸ਼ ਪੁਰਬ ਸਮਾਗਮਾਂ ਲਈ ਅਕਾਲੀ ਸਾਥ ਦੇਣ- ਕੈਪਟਨ
ਉਹਨਾਂ ਨੂੰ ਪ੍ਰਕਾਸ਼ ਪੁਰਬ ਸੁੱਝਦੈ, ਉਹਨਾਂ ਦੇ ਤਾਂ ਭਾਅ ਦੀ ਬਣੀ ਹੋਈ ਐ।

ਕੇਜਰੀਵਾਲ ਨੇ ਮੋਦੀ ਨੂੰ ਪੂਰਨ ਰਾਜ ਦੇ ਦਰਜੇ ਦਾ ਵਾਅਦਾ ਯਾਦ ਕਰਵਾਇਆ-ਇਕ ਖ਼ਬਰ
ਜਿਧਰ ਗਈਆਂ ਬੇੜੀਆਂ, ਉਧਰ ਗਏ ਮਲਾਹ।

18 Feb. 2019

ਸ਼੍ਰੋਮਣੀ ਅਕਾਲੀ ਦਲ ਦੇ ਦੋਸ਼ਾਂ ਦੀ ਮੈਨੂੰ ਕੋਈ ਪਰਵਾਹ ਨਹੀਂ- ਫੂਲਕਾ
ਪਰਵਾਹ ਨਾਹੀ ਕਿਸੈ ਕੇਰੀ ਬਾਝੁ ਸਚੇ ਨਾਹ।

ਨਵਜੋਤ ਸਿੱਧੂ ਨੂੰ ਕਪਿਲ ਸ਼ਰਮਾ ਸ਼ੋਅ ਵਿਚੋਂ ਬਾਹਰ ਕੱਢਿਆ-ਇਕ ਖ਼ਬਰ
ਡੇਕ ਦਾ ਗੁਮਾਨ ਕਰਦੀ, ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ।

ਵਿਧਾਨ ਸਭਾ ਸੈਸ਼ਨ ਦੌਰਾਨ ਤੀਲਾ ਤੀਲਾ ਨਜ਼ਰ ਆਏਗੀ 'ਆਪ'- ਇਕ ਖ਼ਬਰ   
ਇਸ ਘਰ ਕੋ ਆਗ ਲਗ ਗਈ, ਘਰ ਕੇ ਚਿਰਾਗ਼ ਸੇ।

ਨਸ਼ਿਆਂ,ਹਥਿਆਰਾਂ ਤੇ ਲਚਰਤਾ ਤੋਂ ਬਾਅਦ ਪੰਜਾਬੀ ਗਾਇਕੀ 'ਚ ਗਾਹਲਾਂ ਵੀ ਸ਼ਾਮਲ- ਇਕ ਖ਼ਬਰ
ਸ਼ਰਮ ਘੋਲ਼ ਕੇ ਪੀਤੀ, ਚੰਦਰੇ ਕਪੂਤਾਂ ਨੇ।

ਦਹਿਸ਼ਤਗ਼ਰਦਾਂ ਨੂੰ ਪਨਾਹ ਦੇਣਾ ਬੰਦ ਕਰੇ ਪਾਕਿਸਤਾਨ- ਅਮਰੀਕਾ
ਘਰ ਵਾਲ਼ਿਓ ਜਾਗਦੇ ਰਹੋ, ਚੋਰੋ ਘਰ ਲੁੱਟ ਲਉ।

ਸ਼੍ਰੋਮਣੀ ਕਮੇਟੀ ਨੂੰ ਬਾਦਲਾਂ ਦੇ ਚੁੰਗਲ 'ਚੋਂ ਛੁਡਵਾਉਣ ਲਈ ਟਕਸਾਲੀਆਂ ਦਾ ਫੂਲਕਾ ਨੂੰ ਸਮਰਥਨ- ਇਕ ਖ਼ਬਰ
ਵੇ ਮੈਂ ਪੰਜ ਪਤਾਸੇ ਵਾਰਾਂ, ਪੁੱਟ ਦੇਵੇਂ ਜੇ ਤੰਬੂ ਸ਼ਰੀਕਾਂ ਦੇ।

ਬਾਦਲ ਦਲ ਧਾਰਾ 25 ਦੀ ਸੋਧ ਲਈ ਪਾਰਲੀਮੈਂਟ 'ਚ ਮਤਾ ਵੀ ਪੇਸ਼ ਨਾ ਕਰ ਸਕਿਆ- ਹਰਵਿੰਦਰ ਸਿੰਘ ਸਰਨਾ
ਛੱਪੜੀ 'ਚ ਡੁੱਬ ਮਰਿਆ, ਮੁੰਡਾ ਚਹੁੰ ਪੱਤਣਾਂ ਦਾ ਤਾਰੂ।

ਵਿਧਾਨ ਸਭਾ 'ਚ ਕਾਂਗਰਸ, ਅਕਾਲੀ-ਭਾਜਪਾ ਤੇ 'ਆਪ' ਦੇ ਵਿਧਾਇਕਾਂ ਨੇ ਸਿਆਸੀ ਕਿੜਾਂ ਕੱਢੀਆਂ- ਇਕ ਖ਼ਬਰ
ਹੁਕਮ ਹੋਵੇ ਤਾਂ ਤੇਗਾਂ ਨੂੰ ਖਿੱਚ ਲਈਏ, ਵਿਚ ਲੜਨ ਦੇ ਨਹੀਂ ਕੁਝ ਦੇਰ ਮੀਆਂ।

ਵਿਰੋਧੀ ਧਿਰਾਂ ਵਲੋਂ ਮੋਦੀ ਸਰਕਾਰ ਜਮਹੂਰੀਅਤ ਲਈ ਵੱਡਾ ਖ਼ਤਰਾ ਕਰਾਰ- ਇਕ ਖ਼ਬਰ
ਦੱਸਿਆ ਆਇ ਕੇ ਰਾਣੀ ਨੂੰ ਗੋਲੀਆਂ ਨੇ, ਪੂਰਨ ਰਾਣੀਏਂ ਧ੍ਰੋਹ ਕਮਾਇ ਗਿਆ। 

ਤਿੰਨ ਸਿੱਖ ਨੌਜੁਆਨਾਂ ਨੂੰ ਉਮਰ ਕੈਦ ਦੀ ਸਜ਼ਾ 'ਤੇ ਸ਼੍ਰੋਮਣੀ ਕਮੇਟੀ ਦੀ ਚੁੱਪ ਪੰਥ ਲਈ ਖ਼ਤਰਾ- ਗੁਰਨਾਮ ਸਿੰਘ ਬੰਡਾਲਾ
ਵੈਰਨ ਮੁੰਡਿਆਂ ਦੀ, ਜਿਹੜੀ ਘੁੱਟਵੀਂ ਸੁੱਥਣ ਵਿਚ ਰਹਿੰਦੀ।

ਚੋਣ ਜੁਗਾੜ: ਹਰਿਆਣਾ 'ਚ ਨਵੀਂ ਬਣੀ ਪਾਰਟੀ 'ਤੇ ਡੋਰੇ ਪਾਉਣ ਲੱਗਾ ਬਾਦਲ ਅਕਾਲੀ ਦਲ ૶ਇਕ ਖ਼ਬਰ
ਆ ਜਾ ਕਰੀਏ ਦਿਲਾਂ ਦੇ ਸੌਦੇ, ਨੀਂ ਕੁੜੀਏ ਹਾਣ ਦੀਏ।

ਸਿੱਖ ਮਾਮਲਿਆਂ 'ਤੇ ਮਹਿਬੂਬਾ ਮੁਫ਼ਤੀ ਵਲੋਂ ਇਮਰਾਨ ਖ਼ਾਨ ਦੇ ਕੰਮਾਂ ਦੀ ਪ੍ਰਸ਼ੰਸਾ- ਇਕ ਖ਼ਬਰ
ਮੁੰਨੀਆਂ ਰੰਗੀਨ ਗੱਡੀਆਂ, ਬੋਤਾ ਬੰਨ੍ਹ ਦੇ ਸਰਵਣਾ ਵੀਰਾ।

ਪਾਰਸਲ ਪੋਸਟ ਕੀਤਾ ਫਰੀਦਕੋਟ ਨੂੰ ਤੇ ਪਹੁੰਚ ਗਿਆ ਚੀਨ- ਇਕ ਖ਼ਬਰ
ਡਿਜੀਟਲ ਇੰਡੀਆ।

ਖ਼ੁਦਕੁਸ਼ੀ ਕਰ ਗਏ ਕਿਸਾਨਾਂ ਦੇ ਪਰਵਾਰਾਂ ਵਲੋਂ ਸੁਖਬੀਰ ਦੀ ਅਗਵਾਈ 'ਚ ਵਿਧਾਨ ਸਭਾ ਅੱਗੇ ਧਰਨਾ- ਇਕ ਖ਼ਬਰ
ਭੋਲਿਉ ਲੋਕੋ! ਸੁਖਬੀਰ ਨੂੰ ਪੁੱਛੋ ਇਹਨਾਂ ਨੇ ਆਪ ਦਸਾਂ ਸਾਲਾਂ 'ਚ ਤੁਹਾਡੇ ਲਈ ਕੀ ਕੀਤਾ?

12 Feb. 2019

ਪੰਜ ਮੈਂਬਰੀ ਕਮੇਟੀ ਨੇ ਮੰਡ, ਦਾਦੂਵਾਲ ਤੇ ਅਜਨਾਲਾ ਸਿੱਖ ਸੰਘਰਸ਼ ਤੋਂ ਕੀਤੇ ਲਾਂਭੇ-ਇਕ ਖ਼ਬਰ
ਜੇ ਮਾਏਂ ਕੁਝ ਦਿਸਦਾ ਹੋਵੇ, ਕਰਾਂ ਅੰਦੇਸਾ ਥੋੜ੍ਹਾ।

ਕੇਜਰੀਵਾਲ ਨੂੰ ਦਿੱਲੀ 'ਚ ਮੋਦੀ ਹਟਾਉ, ਲੋਕਤੰਤਰ ਬਚਾਉ ਮੁਹਿੰਮ ਨੂੰ ਮਮਤਾ ਤੇ ਨਾਇਡੂ ਵਲੋਂ ਹਮਾਇਤ-ਇਕ ਖ਼ਬਰ
ਆਉਂਦਿਆਂ ਘੋੜੇ ਬੰਨ੍ਹੇ ਬੂਹੇ, ਦੱਸ ਗੋਰੀਏ ਸੱਟ ਕਿੱਥੇ ਲੱਗੀ ਆ।

ਜੇ ਮੈਨੂੰ ਕੁਝ ਹੋਇਆ ਤਾਂ ਪ੍ਰਧਾਨ ਮੰਤਰੀ ਜ਼ਿੰਮੇਵਾਰ ਹੋਣਗੇ- ਅੰਨਾ ਹਜ਼ਾਰੇ
ਹੱਥ ਪਕੜ ਜੁੱਤੀ ਮੋਢੇ ਮਾਰ ਬੁੱਕਲ, ਰਾਂਝਾ ਹੋ ਤੁਰਿਆ ਵਾਰਸ ਸ਼ਾਹ ਜੇਹਾ।

ਸੱਤਾ ਦੇ ਨਸ਼ੇ 'ਚ ਅੰਨ੍ਹੀਂ ਸਰਕਾਰ ਨੇ ਅਧਿਆਪਕਾਂ ਵਿਰੁੱਧ ਹਿੰਸਾ ਦੀ ਵਰਤੋਂ ਕੀਤੀ- ਸੁਖਬੀਰ ਬਾਦਲ
ਤੇ ਤੁਸੀਂ ਕਿਹੜਾ ਅਧਿਆਪਕਾਂ ਲਈ ਸੰਧਾਰੇ ਲੈ ਕੇ ਜਾਂਦੇ ਸੀ।

ਹਰਸਿਮਰਤ ਬਾਦਲ ਦਾ ਹਲਕਾ ਤਬਦੀਲ ਕਰਨ ਲਈ ਵਿਚਾਰਾਂ- ਇਕ ਖ਼ਬਰ
ਮੈਨੂੰ ਦੱਸੋ ਸਹੇਲੀਓ ਹਾਣ ਦੀਓ, ਕਿਹੜੇ ਰਸਤੇ 'ਬਾਗ਼' ਨੂੰ ਜਾਵਾਂ।

ਸਾਧ ਪਿੱਪਲੀ ਵਾਲੇ ਦੀ ਹਮਾਇਤ ਵਿਚ ਆਏ ਦੋ ਪੰਥਕ ਰਾਗੀ- ਇਕ ਖ਼ਬਰ
'ਮਹਿਰਮ' ਸਾਡੇ ਦੀ, ਕੋਈ ਖ਼ਬਰ ਲਿਆ ਦਿਓ ਸਾਨੂੰ।

ਕਾਂਗਰਸ ਸਰਕਾਰ ਪੰਜਾਬ ਦੇ ਲੋਕਾਂ ਨੁੰ ਲੁੱਟ ਰਹੀ ਹੈ- ਸੁਖਬੀਰ ਬਾਦਲ
ਸੱਸੇ ਮੇਰੀ ਕਰੇਂ ਬਦਨਾਮੀ, ਆਪਣੇ ਤੂੰ ਦਿਨ ਭੁੱਲ ਗਈ।

ਅਕਾਲੀ ਦਲ ਅਤੇ 'ਆਪ' ਹੋਈ ਖੇਰੂੰ ਖੇਰੂੰ- ਬੀਬੀ ਭੱਠਲ
ਗਲੀਆਂ ਹੋ ਜਾਵਣ ਸੁੰਨੀਆਂ ਤੇ ਵਿਚ ਮਿਰਜ਼ਾ ਯਾਰ ਫਿਰੇ।

ਸਾਡੀ ਸਰਕਾਰ ਆਉਣ 'ਤੇ ਸਾਰੇ ਕਿਸਾਨਾਂ ਦੇ ਕਰਜ਼ੇ ਮੁਆਫ਼ ਕਰਾਂਗੇ- ਰਾਹੁਲ ਗਾਂਧੀ
ਕਰਮੋ ਕਰ ਦਊਂ ਡੰਡੀਆਂ, ਕੇਰਾਂ ਦੇਖ ਲਾ ਛੜੇ ਨਾਲ਼ ਲਾ ਕੇ॥

ਪੰਜਾਬੀਆਂ ਨੂੰ ਅਕਾਲੀ-ਭਾਜਪਾ ਤੇ ਕਾਂਗਰਸ ਤੋਂ ਭਲੇ ਦੀ ਕੋਈ ਆਸ ਨਹੀਂ-ਬ੍ਰਹਮਪੁਰਾ
ਖ਼ਾਲੀ ਘੋੜੀ ਹਿਣਕਦੀ, ਉੱਤੇ ਨਹੀਂ ਦੀਂਹਦਾ ਵੀਰ।

ਖ਼ਾਲਿਸਤਾਨੀ ਏਜੰਡੇ ਕਾਰਨ ਟਕਸਾਲੀਆਂ ਦਾ ਮਾਨ ਨਾਲ਼ ਚਲਣਾ ਮੁਸ਼ਕਿਲ- ਬ੍ਰਹਮਪੁਰਾ
ਤੇਰੀ ਮੇਰੀ ਨਹੀਂ ਨਿਭਣੀ, ਤੂੰ ਤੇਲਣ ਮੈਂ ਸੁਨਿਆਰਾ।

ਦੇਸ਼ ਤੇ ਸੰਵਿਧਾਨ ਬਚਾਉਣ ਲਈ ਜਾਰੀ ਰੱਖਾਂਗੀ ਸੱਤਿਆਗ੍ਰਹਿ- ਮਮਤਾ ਬੈਨਰਜੀ
ਦੱਬ ਲਈ ਕਬੀਲਦਾਰੀਆਂ, ਜਿੰਦ ਗੁੱਡੀਆਂ ਸੀ ਖੇਲਣ ਵਾਲ਼ੀ।

2014 ਦੀਆਂ ਚੋਣਾਂ 'ਚ ਭਾਜਪਾ ਨੇ ਮੈਨੂੰ ਵਰਤਿਆ- ਅੰਨਾ ਹਜ਼ਾਰੇ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।

ਬਰਤਾਨੀਆ ਵਲੋਂ ਵਿਜੇ ਮਾਲਿਆ ਨੂੰ ਭਾਰਤ ਹਵਾਲੇ ਕਰਨ ਦੇ ਹੁਕਮ- ਇਕ ਖ਼ਬਰ
ਰਾਜਾ ਕਰਦਾ ਹੁਕਮ ਜੱਲਾਦ ਨੂੰ, ਇਹਨੂੰ ਛੇਤੀ ਕਰੋ ਹਲਾਲ।

ਕਾਲ਼ੇ ਧਨ ਬਾਰੇ ਰਿਪੋਰਟਾਂ ਦੇ ਖੁਲਾਸੇ ਅਸੀਂ ਨਹੀਂ ਕਰ ਸਕਦੇ- ਵਿਤ ਮੰਤਰਾਲਾ
ਗੋਰਾ ਰੰਗ ਵੰਡਿਆ ਨਾ ਜਾਵੇ, ਗੁੜ ਹੋਵੇ ਵੰਡਦੀ ਫਿਰਾਂ।

ਬੇਅਦਬੀ ਕਾਂਡ ਦੇ ਦੋਸ਼ੀਆਂ ਨੂੰ ਫੜਨ ਲਈ ਕੈਪਟਨ ਸਰਕਾਰ ਨੇ ਕੁਝ ਨਹੀਂ ਕੀਤਾ-ਸੁਖਬੀਰ ਬਾਦਲ
ਬਿਲਕੁਲ ਠੀਕ ਬਾਦਲ ਜੀ, 'ਅਸਲ' ਦੋਸ਼ੀਆਂ ਨੂੰ ਫੜਨ ਲਈ ਕੈਪਟਨ ਨੇ ਕੁਝ ਨਹੀਂ ਕੀਤਾ।

ਚੋਣ ਵਰ੍ਹੇ 'ਚ ਸਰਕਾਰ ਨੇ ਲੋਕ ਪਾਲ ਲਈ ਅਰਜ਼ੀਆਂ ਮੰਗੀਆਂ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।

ਢਾਈ ਸਾਲ ਪਹਿਲਾਂ ਬਣੇ ਰੇਲਵੇ ਓਵਰਬਰਿੱਜ ਦੀ ਸਲੈਬ ਦਬਣੀ ਸ਼ੁਰੂ- ਇਕ ਖ਼ਬਰ
ਢਾਈ ਸਾਲ ਕੱਢ ਗਈ ਸਲੈਬ ਏਨਾ ਥੋੜ੍ਹਾ। ਹੋਰ ਕੀ ਚਾਹੁੰਦੇ ਹੋ।

04 Feb. 2019

ਜਾਤ-ਪਾਤ ਦੇ ਆਧਾਰ 'ਤੇ ਵੰਡੀਆਂ ਪਾਉਣੀਆਂ ਠੀਕ ਨਹੀਂ- ਮੋਦੀ
ਹਾਥੀ ਕੇ ਦਾਂਤ, ਖਾਨੇ ਕੇ ਔਰ ਦਿਖਾਨੇ ਕੇ ਔਰ।

ਭਾਜਪਾ ਦੀਆਂ ਕਾਰਵਾਈਆਂ ਤੋਂ ਬਾਦਲ ਦਲ ਪੂਰੀ ਤਰ੍ਹਾਂ ਦੁਖੀ- ਇਕ ਖ਼ਬਰ
ਤੇਰੀਆਂ 'ਮੁਹੱਬਤਾਂ' ਨੇ ਮਾਰ ਸੁੱਟਿਆ, ਦੱਸ ਕੀ ਕਰਾਂ?

ਨਵਾਂ ਭਾਰਤ ਉਸਾਰ ਰਹੀ ਹੈ ਸਰਕਾਰ- ਰਾਸ਼ਟਰਪਤੀ ਕੋਵਿੰਦ
ਹਿਜ਼ ਮਾਸਟਰਜ਼ ਵਾਇਸ।

ਜੋ ਘਰ ਨਹੀਂ ਸੰਭਾਲ ਸਕਦਾ, ਉਹ ਦੇਸ਼ ਕੀ ਸੰਭਾਲੇਗਾ- ਨਿਤਿਨ ਗਡਕਰੀ
ਧੀਏ ਗੱਲ ਸੁਣ, ਨੂੰਹੇ ਕੰਨ ਕਰ।ਕਿਧਰ ਨੂੰ ਗਿਆ ਬਈ ਤੀਰ? ਭਲਾ ਬੁੱਝੋ।

ਸੁਖਬੀਰ ਬਾਦਲ ਦੀ ਕੋਟਕਪੂਰਾ ਮੀਟਿੰਗ ਬਾਰੇ ਸੌਦਾ ਸਾਧ ਦੇ ਚੇਲੇ ਨੇ ਅਕਾਲੀਆਂ ਨੂੰ ਟੈਲੀਫੂਨ ਕੀਤੇ- ਇਕ ਖ਼ਬਰ
ਨਾ ਜੀਵਾਂ ਮਹਾਰਾਜ, ਮੈਂ ਤੇਰੇ ਬਿਨ ਨਾ ਜੀਵਾਂ।

ਸਰਕਾਰ ਦੱਸੇ ਬੇਅਦਬੀ ਮਾਮਲੇ 'ਤੇ ਬਾਦਲਕਿਆਂ ਦੀ ਜੂਹ ਨੂੰ ਜਾਂਦੀਆਂ ਪੈੜਾਂ ਕਿਉਂ ਰੋਕੀਆਂ?- ਅਕਾਲੀ ਦਲ 1920
ਜੱਟੀਆਂ ਦੇ ਰੰਗ ਮੁਸ਼ਕੀ, ਲੈਣ ਬਿੜਕਾਂ ਦੇ ਲਾਲੇ।

ਸਿਰਸਾ ਪਹਿਲਾਂ ਬੀ.ਜੇ.ਪੀ. ਦੀ ਵਿਧਾਇਕੀ ਤੋਂ ਲਾਂਭੇ ਹੋਵੇ, ਫੇਰ ਗੱਲ ਕਰੇ-ਆਰ. ਐੱਸ. ਐੱਸ.
ਤੇਰਾ ਯਾਰ ਤਾਂ ਵੈਲੀ ਨੀਂ, ਤੈਨੂੰ ਦਿਨੇ ਦਿਖਾ ਦਊ ਤਾਰੇ।

ਅਕਾਲੀ ਦਲ ਨੇ ਮੰਨਿਐਂ ਕਿ ਗੁਰਦੁਆਰਾ ਪ੍ਰਬੰਧਾਂ 'ਚ ਸੰਘ ਦਾ ਦਖ਼ਲ ਵਧ ਰਿਹੈ- ਇਕ ਖ਼ਬਰ
ਹੁਣ ਗਈ ਵਸਤ ਨੂੰ ਝੂਰਦਾ, ਜਿਉਂ ਪੈਰਾਂ ਨੂੰ ਝੂਰੇ ਮੋਰ।

ਗਡਕਰੀ ਦੀਆਂ ਨਜ਼ਰਾਂ ਹੁਣ ਪ੍ਰਧਾਨ ਮੰਤਰੀ ਦੀ ਕੁਰਸੀ 'ਤੇ- ਕਾਂਗਰਸ
ਸੁੱਤੀ ਹੋਈ ਸੋਨ ਚਿੜੀ, ਲੈਣ ਲੱਗੀ ਅੰਗੜਾਈਆਂ।

ਅਕਾਲੀ-ਭਾਜਪਾ 'ਚ ਸਭ ਅੱਛਾ ਨਹੀਂ, ਦੂਰੀਆਂ ਵਧੀਆਂ- ਇਕ ਖ਼ਬਰ
ਜਾਵੋ ਨੀ ਕੋਈ ਮੋੜ ਲਿਆਵੋ, ਮੇਰੇ ਨਾਲ਼ ਗਿਆ ਅੱਜ ਲੜ ਕੇ।

ਕਾਂਗਰਸ ਸਰਕਾਰ ਬਣੀ ਤਾਂ ਕੋਈ ਵੀ ਭੁੱਖਾ ਤੇ ਗ਼ਰੀਬ ਨਹੀਂ ਰਹੇਗਾ- ਰਾਹੁਲ ਗਾਂਧੀ
ਬੋਤਾ ਵੇਚ ਕੇ ਘੜਾ ਦਊਂ ਕਾਂਟੇ, ਤੂੰ ਹੌਸਲਾ ਨਾ ਹਾਰ ਗੋਰੀਏ।

ਹੁਣ ਤੱਕ ਕਿੰਨੇ ਦਲਿਤਾਂ ਤੇ ਮੁਸਲਮਾਨਾਂ ਨੂੰ ਭਾਰਤ ਰਤਨ ਮਿਲਿਆ- ਓਵੈਸੀ
ਅੰਨ੍ਹਾ ਵੰਡੇ ਰਿਉੜੀਆਂ, ਮੁੜ ਮੁੜ ਆਪਣਿਆਂ ਨੂੰ ਦੇਹ।

ਬੇਅਦਬੀ ਕਾਂਡ 'ਚ ਸਰਕਾਰ ਵੱਡੇ ਮਗਰਮੱਛਾਂ ਨੂੰ ਬਚਾਅ ਰਹੀ ਹੈ- ਬ੍ਰਹਮਪੁਰਾ
ਹੀਰੇ ਲੱਭ ਲਈ ਅਸਾਂ ਗੱਲ ਤੇਰੀ, ਤੇਰਾ ਧਰਮ ਤੇ ਨੇਮ ਹੁਣ ਚੱਲਿਆ ਈ।

ਹੁਣ ਬੁਲੇਟ ਦੇ ਪਟਾਕੇ ਪਵਾਉਣ ਵਾਲ਼ਿਆਂ ਦੇ ਪੈਣਗੇ ਪਟਾਕੇ- ਇਕ ਖ਼ਬਰ
ਬਸ਼ਰਤਿ ਕਿ ਇਹ ਬੁਲੇਟ ਵੱਡਿਆਂ ਘਰਾਂ ਦੇ ਕਾਕਿਆਂ ਦੇ ਨਾ ਹੋਣ।

ਡੋਪ ਟੈਸਟ ਦੇ ਚੈਲੇਂਜ 'ਤੇ ਸੁਖਬੀਰ ਨੇ ਪੁੱਛਿਆ ''ਇਹ ਜ਼ੀਰਾ ਕੌਣ ਐ?''-ਇਕ ਖ਼ਬਰ
ਖਾਧੀ ਪੀਤੀ 'ਚ ਬੰਦਾ ਨਹੀਂ ਪਛਾਣਿਆਂ ਜਾਂਦਾ ਬਈ ਕਈ ਵਾਰੀ।

ਨਿਤਿਨ ਗਡਕਰੀ, ਮੋਦੀ ਦੇ ਬਦਲ ਵਜੋਂ ਪੇਸ਼ ਕੀਤੇ ਜਾਣ ਲੱਗ ਪਏ- ਇਕ ਖ਼ਬਰ
ਓ ਭਾਈ ਬਾਦਲ ਨੂੰ ਵੀ ਪੁੱਛ ਲਉ, ਉਹ ਤਾਂ ਕਹਿੰਦੈ ਕਿ ਮੋਦੀ ਦਾ ਬਦਲ ਹੀ ਹੈ ਨਹੀਂ।