ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
29.03.2022
ਰਾਜਧਾਨੀ ਚੰਡੀਗੜ੍ਹ ਉੱਪਰ ਪੰਜਾਬ ਦਾ ਹੱਕ ਖ਼ਤਮ ਕਰਨ ਦੀ ਕੋਸ਼ਿਸ਼- ਦਲਜੀਤ ਚੀਮਾ
ਅਕਾਲੀਉ ਤੁਸੀਂ ਤਾਂ ਬਹੁਤ ਦੇਰ ਦਾ ਚੰਡੀਗੜ੍ਹ ‘ਤੇ ਹੱਕ ਛੱਡ ਦਿਤਾ ਹੋਇਆ ਹੈ।
ਅਕਾਲੀ ਦਲ ਦੇ ਰਾਜ ‘ਚ 437 ਬੇਕਸੂਰ ਲੋਕਾਂ ‘ਤੇ ਹੋਏ ਕੇਸ ਦਰਜ- ਮੁਖ ਵਿਜੀਲੈਂਸ ਕਮਿਸ਼ਨਰ
ਦੇਖ ਲਉ ਕਰਤੂਤਾਂ ਮਹਾਰਾਜਾ ਰਣਜੀਤ ਸਿੰਘ ਵਰਗਾ ਰਾਜ ਦੇਣ ਵਾਲਿਆਂ ਦੀਆਂ।
ਵਿਧਾਨ ਸਭਾ ਦੇ ਸਪੀਕਰ ਕੁਲਤਾਰ ਸਿੰਘ ਸੰਧਵਾਂ ਨੇ ਗਊ ਮਾਤਾ ਤੋਂ ਅਸ਼ੀਰਵਾਦ ਲਿਆ- ਇਕ ਖ਼ਬਰ
ਸਪੀਕਰ ਸਾਹਿਬ ਕਿਤੇ ਵਿਧਾਨ ਸਭਾ ‘ਚ ਹੀ ਗਊ ਮਾਤਾ ਨਾ ਬੰਨ੍ਹ ਲੈਣ।
ਕੇਜਰੀਵਾਲ ਤੇ ਭਗਵੰਤ ਮਾਨ ਨੇ ਕੈਪਟਨ ਵਾਂਗ ਲੋਕਾਂ ਨੂੰ ਭਰਮਾ ਕੇ ਬਣਾਈ ਸਰਕਾਰ- ਪ੍ਰਕਾਸ਼ ਸਿੰਘ ਬਾਦਲ
ਤੁਸੀਂ ਵੀ ਆਟੇ ਦਾਲ਼ ਤੇ ਪੰਥ ਨੂੰ ਖ਼ਤਰੇ ਨਾਲ਼ ਹੀ ਸਰਕਾਰਾਂ ਬਣਾਉਂਦੇ ਰਹੇ ਹੋ ਜਨਾਬ।
ਬਾਦਲਾਂ ਕਾਰਨ ਅਕਾਲੀ ਦਲ ਦਾ ਹੋਇਆ ਨਿਘਾਰ- ਢੀਂਡਸਾ
ਬਥੇਰਾ ਚਿਰ ਮੌਜਾਂ ਮਾਣੀਆਂ ਤੁਸੀਂ ਵੀ ਏਸੇ ਅਕਾਲੀ ਦਲ ‘ਚ ਢੀਂਡਸਾ ਸਾਬ।
ਸੁਪਰੀਮ ਕੋਰਟ ਦੀ ਕਮੇਟੀ ਖੇਤੀ ਕਾਨੂੰਨਾਂ ਨੂੰ ਰੱਦ ਕਰਨ ਦੇ ਵਿਰੁੱਧ ਸੀ- ਇਕ ਖ਼ਬਰ
ਕਮੇਟੀ ਦੇ ਫ਼ੈਸਲੇ ਬਾਰੇ ਤਾਂ ਇਸ ਨੂੰ ਬਣਾਉਣ ਤੋਂ ਪਹਿਲਾਂ ਹੀ ਪਤਾ ਸੀ ਸਭ ਨੂੰ ਸਾਹਿਬ।
ਪੰਜਾਬੀਆਂ ਦੀ ਅਣਖ ਤੇ ਗ਼ੈਰਤ ਨੂੰ ਭਗਵੰਤ ਮਾਨ ਨੇ ਕੇਜਰੀਵਾਲ ਕੋਲ ਗਹਿਣੇ ਰੱਖਿਆ-ਪ੍ਰਕਾਸ਼ ਚੰਦ ਗਰਗ
ਲੋਟਣ ਪੱਚੀਆਂ ਦੇ, ਚਹੁੰ ‘ਚ ਵੇਚ ਗਿਆ ਵੈਲੀ।
ਜੇਲ੍ਹ ਵਿਚ ਮਜੀਠੀਆਂ ਦੀ ਸੁਰੱਖਿਆ ਵਲ ਧਿਆਨ ਦੇਵੇ ਪੰਜਾਬ ਸਰਕਾਰ- ਰੱਖੜਾ
ਅੱਧੀ ਉਮਰ ਮੇਰੀ ਤੈਨੂੰ ਲੱਗ ਜਾਵੇ, ਅੱਧੀ ਮਿੱਤਰਾ ਬਥੇਰੀ ਮੈਨੂੰ।
ਰਾਜ ਸਭਾ ਉਮੀਦਵਾਰਾਂ ਦੀ ਸੂਚੀ ਸਿਆਸੀ ਭ੍ਰਿਸ਼ਟਾਚਾਰ ਦਾ ਸੰਕੇਤ-ਬੀਰ ਦਵਿੰਦਰ ਸਿੰਘ
ਕੀ ਲਗਦੇ ਸੰਤੀਏ ਤੇਰੇ, ਜਿਹਨਾਂ ਨੂੰ ਰਾਤੀਂ ਖੰਡ ਪਾਈ ਸੀ।
ਹੁਣ ਪੰਥ ਵਿਰੋਧੀ ਤਾਕਤਾਂ ਸਾਡੇ ਗੁਰਧਾਮਾ ‘ਤੇ ਕਬਜ਼ਾ ਕਰਨਾ ਚਾਹੁੰਦੀਆਂ ਹਨ- ਪ੍ਰਕਾਸ਼ ਸਿੰਘ ਬਾਦਲ
ਬਾਦਲ ਸਾਹਿਬ ਤੁਹਾਡੇ ਨਾਲੋਂ ਵੱਡਾ ਪੰਥ ਵਿਰੋਧੀ ਹੋਰ ਕਿਹੜਾ ਹੋ ਸਕਦੈ?
ਭਗਵੰਤ ਮਾਨ ਨੇ ਸੂਬੇ ਲਈ ਇਕ ਲੱਖ ਕਰੋੜ ਦਾ ਪੈਕੇਜ ਮੰਗਿਆ ਮੋਦੀ ਤੋਂ- ਇਕ ਖ਼ਬਰ
ਤੁਸੀਂ ਕਰੋ ਅਸਾਡੀ ਕਾਰੀ ਜੀ, ਗੱਪ ਅਸੀਂ ਵਡੇਰੀ ਮਾਰੀ ਜੀ।
ਚੋਣਾਂ ‘ਚ ਹਾਰ ‘ਤੇ ਘੋਖ ਕਰਨ ਲਈ ਸੁਖਬੀਰ ਬਾਦਲ ਨੇ ਬਾਰਾਂ ਮੈਂਬਰੀ ਕਮੇਟੀ ਬਣਾਈ- ਇਕ ਖਬਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਕੌਣ ਕੌਣ ਹੋਈਆਂ ਰੰਡੀਆਂ।
ਨਵਜੋਤ ਸਿੱਧੂ ਦੇ ਬੇਹੱਦ ਕਰੀਬੀ ਕੌਂਸਲਰ ‘ਆਪ’ ਵਿਚ ਸ਼ਾਮਲ- ਇਕ ਖ਼ਬਰ
ਟਿਕਟਾਂ ਕੱਟ ਮੁੰਡਿਆ, ਅਸੀਂ ਤਿੰਨ ਮੁਟਿਆਰਾਂ ਖੜ੍ਹੀਆਂ।
ਥਾਣਿਆਂ ‘ਚ ਆਉਣ ਵਾਲੇ ਹਰ ਵਿਅਕਤੀ ਦਾ ਮਾਣ-ਸਤਿਕਾਰ ਕਰਨ ਦੇ ਆਦੇਸ਼-ਇਕ ਖ਼ਬਰ
ਸ਼ੁਕਰ ਐ ਕਿਤੇ ‘ਸੇਵਾ’ ਕਰਨ ਦਾ ਆਦੇਸ਼ ਨਹੀਂ ਦੇ ਦਿਤਾ।
ਕਾਂਗਰਸ ਵਲੋਂ ਜੀ-23 ਦੇ ਆਗੂਆਂ ਨੂੰ ‘ਸ਼ਾਂਤ’ ਕਰਨ ਦੀ ਤਿਆਰੀ- ਇਕ ਖ਼ਬਰ
ਅੜੀ ਵੇ ਅੜੀ ਨਾ ਕਰ ਬਹੁਤੀ ਤੂੰ ਅੜੀ, ਲੱਗੀ ਸਉਣ ਦੀ ਝੜੀ।
ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਮਾਨ ਦੇ ਬਿਆਨ ਨਾਲ ਭ੍ਰਿਸ਼ਟਾਚਾਰ ਰੁਕ ਜਾਊ-ਇਕ ਖ਼ਬਰ
ਬਾਦਲ ਸਾਬ ਤੁਸੀਂ ਇਸ ਦੀਆਂ ਜੜ੍ਹਾਂ ਹੀ ਬਹੁਤ ਡੂੰਘੀਆਂ ਲਗਾਈਆਂ ਹੋਈਆਂ ਹਨ।
ਚੁੰਝਾਂ-ਪ੍ਹੌਂਚੇ - - ਨਿਰਮਲ ਸਿੰਘ ਕੰਧਾਲਵੀ
21.03.2022
ਚੋਣ ਵਾਅਦੇ ਹਰ ਹਾਲ ਪੂਰੇ ਕਰਾਂਗੇ- ਕੇਜਰੀਵਾਲ
ਤੈਨੂੰ ਲੈ ਦਉਂ ਸਲੀਪਰ ਕਾਲ਼ੇ, ਭਾਵੇਂ ਮੇਰੀ ਮੱਝ ਵਿਕ ਜਾਏ।
ਸੋਨੀਆ ਗਾਂਧੀ ਦੇ ਹੱਥ ਹੀ ਰਹੇਗੀ ਕਾਂਗਰਸ ਦੀ ਕਮਾਂਡ- ਇਕ ਖ਼ਬਰ
ਜਿਤਨਾ ਚਿਰ ਭੋਗ ਨਹੀਂ ਪੈ ਜਾਂਦਾ।
ਬਾਦਲ ਪਰਵਾਰ ਅਕਾਲੀ ਦਲ ਤੋਂ ਕਬਜ਼ਾ ਛੱਡੇ- ਢੀਂਡਸਾ, ਰਾਮੂਵਾਲੀਆ
ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾਂ।
‘ਆਪ’ ਆਗੂਆਂ ਵਲੋਂ ‘ਲਾਮ ਲਸ਼ਕਰ’ ਨਾਲ ਗੁਰੂ-ਘਰ ਮੱਥਾ ਟੇਕਣਾ ਪ੍ਰੰਪਰਾ ਦੇ ਉਲਟ- ਚੰਦੂਮਾਜਰਾ
ਜਦੋਂ ਮਜੀਠੀਆ ਤੇ ਸੁਖਬੀਰ ‘ਲਾਮ ਲਸ਼ਕਰ’ ਨਾਲ ਜਾਂਦੇ ਐ, ਉਦੋਂ ਕਿਉਂ ਨਹੀਂ ਬੋਲਦੇ ਬਈ?
ਜਥੇਦਾਰ ਜੀ, ਅਕਾਲੀ ਫੂਲਾ ਸਿੰਘ ਬਣੋ ਤੇ ਬਾਦਲਾਂ ਨੂੰ ਸੱਦ ਕੇ ਅਸਤੀਫ਼ੇ ਮੰਗੋ-ਬੀਰ ਦਵਿੰਦਰ ਸਿੰਘ
ਨਾ ਖੰਜਰ ਉਠੇਗਾ ਨਾ ਤਲਵਾਰ ਹੀ ਉਠੇਗੀ, ਯੇਹ ਬਾਜ਼ੂ ਮਿਰੇ ਆਜ਼ਮਾਏ ਹੂਏ ਹੈਂ।
ਪੰਜਾਬ ਵਿਚ ਕਾਂਗਰਸ ਦੀ ਹਾਰ ਲਈ ਗਾਂਧੀ ਪਰਵਾਰ ਜ਼ਿੰਮੇਵਾਰ- ਕੈਪਟਨ
ਤੁਝੇ ਪਰਾਈ ਕਿਆ ਪੜੀ, ਤੂ ਅਪਨੀ ਨਿਬੇੜ।
ਈ.ਡੀ. ਅਧਿਕਾਰੀ ਭ੍ਰਿਸ਼ਟਾਚਾਰ ਦੇ ਕੇਸ ‘ਚ ਨਾਮਜ਼ਦ- ਇਕ ਖ਼ਬਰ
ਇਕ ਨੂੰ ਕੀ ਰੋਨੀਂ ਏਂ, ਊਤ ਗਿਆ ਈ ਆਵਾ।
ਵਿਧਾਇਕਾਂ ਵਲੋਂ ਸਹੁੰ ਚੁੱਕਣ ਤੋਂ ਪਹਿਲਾਂ ਹੀ ਅਧਿਕਾਰੀਆਂ ਨੂੰ ਦਬਕੇ ਮਾਰਨ ਦੀ ਚਰਚਾ- ਇਕ ਖ਼ਬਰ
ਭੁੱਖੇ ਜੱਟ ਕਟੋਰੀ ਲੱਭੀ, ਪਾਣੀ ਪੀ ਪੀ ਆਫਰਿਆ।
ਮਨਪ੍ਰੀਤ ਸਿੰਘ ਇਯਾਲੀ ਅਕਾਲੀ ਦਲ ਵਿਧਾਇਕ ਦਲ ਦੇ ਨੇਤਾ ਹੋਣਗੇ- ਇਕ ਖ਼ਬਰ
ਅਕਾਲੀ ਦਲ ਦਾ ਵਿਧਾਇਕ ਦਲ? ਕਿਹੜਾ ਦਲ ਬਈ?
‘ਆਪ’ ਦਾ ਨਾਮ ਵਰਤਣ ਵਾਲੇ ਮਰੀਜ਼ਾਂ ਤੋਂ ਸਰਕਾਰੀ ਡਾਕਟਰ ਪਰੇਸ਼ਾਨ- ਇਕ ਖ਼ਬਰ
ਪਿੰਡ ਪਏ ਨਹੀਂ, ਉਚੱਕੇ ਪਹਿਲਾਂ ਹੀ।
ਅਮਰੀਕਾ ਨੇ ਪੂਤਿਨ ਦੇ ਖ਼ਿਲਾਫ਼ ਭਾਰਤ ਤੋਂ ਸਹਿਯੋਗ ਮੰਗਿਆ- ਇਕ ਖ਼ਬਰ
ਸੱਪ ਦੇ ਮੂੰਹ ‘ਚ ਕੋਹੜ ਕਿਰਲੀ, ਖਾਵੇ ਤਾਂ ਕੋਹੜੀ ਛੱਡੇ ਤਾਂ ਕਲੰਕੀ।
ਭਾਜਪਾ ਅਕਾਲੀ ਦਲ ਨਾਲ਼ ਸਮਝੌਤਾ ਨਹੀਂ ਕਰੇਗੀ- ਕਾਲੜਾ
ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।
ਸੋਨੀਆ ਗਾਂਧੀ ਦੀ ਅਗਵਾਈ ‘ਤੇ ਕੋਈ ਸਵਾਲ ਨਹੀਂ- ਗੁਲਾਮ ਨਬੀ ਆਜ਼ਾਦ
ਤੇਰੇ ਦੁਆਰ ਖੜ੍ਹਾ ਇਕ ਯੋਗੀ, ਨਾ ਮਾਂਗੇ ਯੇਹ ਸੋਨਾ ਚਾਂਦੀ, ਮਾਂਗੇ ਦਰਸ਼ਨ ਦੇਵੀ।
ਚੋਣਾਂ ‘ਚ ਹਾਰ ਜਿੱਤ ਤਾਂ ਚਲਦੀ ਰਹਿੰਦੀ ਹੈ- ਪ੍ਰਕਾਸ਼ ਸਿੰਘ ਬਾਦਲ
ਭਾਈਆ ਹਾਰ ਅਤੇ ਨਮੋਸ਼ੀ ਭਰੀ ਹਾਰ ਵਿਚ ਬਹੁਤ ਫ਼ਰਕ ਹੁੰਦਾ ਹੈ।
ਜਾਖੜ ਨੇ ਅੰਬਿਕਾ ਸੋਨੀ ਖ਼ਿਲਾਫ਼ ਮੋਰਚਾ ਖੋਲ੍ਹਿਆ- ਇਕ ਖ਼ਬਰ
ਘੜਾ ਤਾਂ ਤੇਰਾ ਭੰਨ ਦਿਆਂ ਮੁਟਿਆਰੇ ਨੀਂ, ਲੱਜ ਕਰਾਂ ਟੋਟੇ ਚਾਰ ਬਾਂਕੀਏ ਨਾਰੇ ਨੀਂ।
ਆਖਰੀ ਸਾਹ ਤੱਕ ‘ਘਰ ਦੀ ਕਾਂਗਰਸ’ ਦੇ ਵਿਰੁੱਧ ਲੜਦਾ ਰਹਾਂਗਾ- ਕਪਿਲ ਸਿੱਬਲ
ਉਸ ਬਲੀ ਸ਼ਹਿਜ਼ਾਦੇ ਦਾ ਤੇਜ ਭਾਰੀ, ਜਿਸ ਕਿਲ੍ਹੇ ਨੂੰ ਮੋਰਚਾ ਲਾਇਆ ਜੀ।
ਬਾਦਲਾਂ ਦੀ ਚਿੰਤਾ ਛੱਡ ਕੇ ਸਮੁੱਚੀ ਕੌਮ ਦੀ ਅਗਵਾਈ ਕਰਨ ਜਥੇਦਾਰ- ਸੁਖਜਿੰਦਰ ਸਿੰਘ ਰੰਧਾਵਾ
ਪਹਾੜਾ ਸਿੰਘ ਸੀ ਯਾਰ ਫਰੰਗੀਆਂ ਦਾ, ਸਿੰਘਾਂ ਨਾਲ ਸੀ ਉਸ ਦੀ ਗ਼ੈਰਸਾਲੀ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
14.03.2022
ਸਮਝੌਤੇ ਤੋਂ ਪਾਸਾ ਵੱਟ ਰਹੀ ਹੈ ਕੇਂਦਰ ਸਰਕਾਰ- ਰਾਕੇਸ਼ ਟਿਕੈਤ
ਰਾਹ ਗਲ਼ੀ ਨਾ ਪਛਾਣੇ ਸਾਨੂੰ, ਗਈ ਮੁੱਕਰ ਕਰਾਰਾਂ ਤੋਂ।
ਗਿਆਨੀ ਹਰਪ੍ਰੀਤ ਸਿੰਘ ਨੂੰ ਅਕਾਲੀ ਦਲ ਦਾ ਨਹੀਂ, ਬਾਦਲ ਪਰਵਾਰ ਦਾ ਫ਼ਿਕਰ ਹੈ- ਮਾਝੀ/ਚੰਦੜ
ਮੇਰਾ ਰਾਂਝਣ ਮੇਰਾ ਮੱਕਾ, ਨੀਂ ਮੈਂ ਕਮਲ਼ੀ ਆਂ।
ਬੀਬੀ ਜਗੀਰ ਕੌਰ ਨੇ ਪ੍ਰਧਾਨਗੀ ਵੀ ਛੱਡੀ ਤੇ ਵਿਧਾਇਕੀ ਵੀ ਨਾ ਮਿਲੀ- ਇਕ ਖ਼ਬਰ
ਨਾ ਖੁਦਾ ਹੀ ਮਿਲਾ ਨਾ ਵਿਸਾਲੇ-ਸਨਮ, ਨਾ ਇਧਰ ਕੇ ਰਹੇ ਨਾ ਉਧਰ ਕੇ ਰਹੇ।
ਪੰਜਾਬ ‘ਚ ਸ਼੍ਰੋਮਣੀ ਅਕਾਲੀ ਦਲ ਦੀ ਹਾਰ ਲਈ ਸੁਖਬੀਰ ਬਾਦਲ ਜ਼ਿੰਮੇਵਾਰ- ਝੀਂਡਾ
ਤੈਨੂੰ ਜੋਗ ਦੀ ਜ਼ਰਾ ਵੀ ਸਾਰ ਹੈ ਨੀ, ਤੇਰੀ ਉਮਰ ਹੈ ਅਜੇ ਨਾਦਾਨ ਬੱਚਾ।
ਪੰਥਕ ਦਲ ‘ਜਥੇਦਾਰ’ ਤੋਂ ਬਾਦਲਾਂ ਨਾਲ਼ ਰਾਜਸੀ ਸਾਂਝ ਪਾਉਣ ਲਈ ਸਪਸ਼ਟੀਕਰਨ ਲੈਣਗੇ- ਇਕ ਖ਼ਬਰ
ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫੇਰ ਕੀ ਜਵਾਬ ਦੇਵੇਂਗਾ।
ਬਾਦਲ ਤੇ ਕੈਪਟਨ ਨੂੰ ਚੋਣ ਨਹੀਂ ਸੀ ਲੜਨੀ ਚਾਹੀਦੀ- ਲਕਸ਼ਮੀ ਕਾਂਤਾ ਚਾਵਲਾ
ਬੁੱਢੀਆਂ ਘੋੜੀਆਂ, ਲਾਲ ਲਗਾਮਾਂ।
ਅਮਰੀਕਾ ਤੇ ਰੂਸ ਦੇ ਝਗੜੇ ‘ਚ ਰਗੜਿਆ ਗਿਆ ਯੂਕਰੇਨ- ਬਲਰਾਜ ਸਿੱਧੂ
ਢਿੱਡ ਛਿੱਲ ਲਿਆ ਬੋਸਕੀ ਵਰਗਾ, ਰੋੜਾਂ ਵਾਲ਼ੀ ਕੰਧ ਟੱਪ ਕੇ।
ਮੈਨੂੰ ਭੰਡਣ ਦੀ ਥਾਂ ਆਪਣੀ ਪੀੜ੍ਹੀ ਹੇਠ ਸੋਟਾ ਫੇਰੇ ਕਾਂਗਰਸ- ਕੈਪਟਨ
ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
ਬਾਦਲਾਂ ਨੂੰ ਬੇਅਦਬੀਆਂ ਦੀ ਸਜ਼ਾ ਰੱਬ ਨੇ ਚੋਣਾਂ ਵਿਚ ਦੇ ਦਿਤੀ ਹੈ- ਨਵਜੋਤ ਸਿੱਧੂ
ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ।
ਮੈਨੂੰ ਭੰਡਣ ਦੀ ਥਾਂ ਆਪਣੀ ਪੀੜ੍ਹੀ ਹੇਠ ਸੋਟਾ ਫੇਰੇ ਕਾਂਗਰਸ- ਕੈਪਟਨ
ਕਿਤੇ ‘ਕੱਲੀ ਬਹਿ ਕੇ ਸੋਚੀਂ ਨੀਂ, ਅਸੀਂ ਕੀ ਨਹੀਂ ਕੀਤਾ ਤੇਰੇ ਲਈ।
ਬਾਦਲਾਂ ਨੂੰ ਬੇਅਦਬੀਆਂ ਦੀ ਸਜ਼ਾ ਰੱਬ ਨੇ ਚੋਣਾਂ ਵਿਚ ਦੇ ਦਿਤੀ ਹੈ- ਨਵਜੋਤ ਸਿੱਧੂ
ਹੁੰਦਾ ਰੱਬ ਨਹੀਂ ਕਿਸੇ ਦਾ ਵੈਰੀ, ਵੈਰੀ ਤੇਰੇ ਐਬ ਬੰਦਿਆ।
ਹਾਰ ਦੇ ਕਾਰਨਾਂ ‘ਤੇ ਆਤਮ-ਪੜਚੋਲ ਕਰਾਂਗੇ- ਸੂਰਜੇਵਾਲਾ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਕੌਣ ਕੌਣ ਹੋਈਆਂ ਰੰਡੀਆਂ।
ਬਾਦਲ ਨੂੰ ਹਰਾ ਕੇ ਦਿਲ ਦੀ ਖ਼ਾਹਿਸ਼ ਹੋਈ ਪੂਰੀ- ਗੁਰਮੀਤ ਸਿੰਘ ਖੁੱਡੀਆਂ
ਧਰਮੀ ਬੰਦੇ ਪਾਰ ਲੱਗ ਗਏ, ਪਾਪੀ ਬੈਠ ਕੇ ਕੰਢੇ ‘ਤੇ ਝੂਰਦੇ।
ਆਪਣਿਆਂ ਹੀ ਡੋਬੀ ਪੰਜਾਬ ਕਾਂਗਰਸ ਦੀ ਬੇੜੀ- ਇਕ ਖ਼ਬਰ
ਇਸ ਘਰ ਕੋ ਆਗ ਲਗ ਗਈ, ਘਰ ਕੇ ਚਿਰਾਗ਼ ਸੇ।
ਖੇਤੀ ਕਾਨੂੰਨਾਂ ਖ਼ਿਲਾਫ਼ ਅੰਦੋਲਨ ਨੇ ‘ਆਪ’ ਦੀ ਜਿੱਤ ਲਈ ਜ਼ਮੀਨ ਤਿਆਰ ਕੀਤੀ- ਯੋਗੇਂਦਰ ਯਾਦਵ
ਬੀਜੀ ਕਿਸੇ ਨੇ, ਵੱਢੀ ਕਿਸੇ ਨੇ।
ਸੂਬੇ ‘ਚ ਨਵੀਂ ਸਰਕਾਰ ਬਣਨ ਤੋਂ ਪਹਿਲਾਂ ਅਫ਼ਸਰਸ਼ਾਹੀ ‘ਚ ਭੱਜ-ਦੌੜ- ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀ ਦੇ ਬੇਰ ਪੱਕ ਗਏ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
07.03.2022
ਅਕਾਲੀ ਦਲ ਦੀ ਸਰਕਾਰ ਬਣਨ ਤੋਂ ਕੋਈ ਨਹੀਂ ਰੋਕ ਸਕਦਾ-ਪ੍ਰਕਾਸ਼ ਸਿੰਘ ਬਾਦਲ
ਬਾਬਾ, ਸਿੱਧਾ ਕਿਉਂ ਨਹੀਂ ਕਹਿੰਦਾ ਕਿ ਭਾਜਪਾ ਨਾਲ਼ ਪੀਂਘ ਝੂਟਣੀ ਐ।
ਸਿਆਸੀ ਭੇਤ: ਬੀ.ਬੀ.ਐਮ.ਬੀ. ਦੇ ਮਾਮਲੇ ‘ਚ ਚੰਨੀ ਦੀ ਭੇਤ-ਭਰੀ ਚੁੱਪ ‘ਤੇ ਸਵਾਲ-ਇਕ ਖ਼ਬਰ
ਮੈਨੂੰ ਬਹੁਤਾ ਨਾ ਬੁਲਾਉ ਕੁੜੀਉ, ਮੇਰਾ ਜੀਅ ਨਹੀਂ ਅੱਜ ਟਿਕਾਣੇ।
ਕੇਂਦਰ ਦੀ ਦਾਦਾਗਿਰੀ ਅੱਗੇ ਨਹੀਂ ਝੁਕੇਗਾ ਪੰਜਾਬ- ਚੰਦੂਮਾਜਰਾ
ਆਰ.ਐਸ.ਐਸ. ਦੇ ਪੈਰਾਂ ‘ਚ ਡਿਗੇ ਹੋਏ ਸੁਪਰ ਮੁੱਖ ਮੰਤਰੀ ਦਾ ਵੀਡੀਉ ਦੇਖ ਲੈਣਾ ਸੀ।
ਹੰਗਰੀ ਦੇ ਵਸਨੀਕਾਂ ਨੇ ਕਿਹਾ ਕਿ ਸਿੱਖਾਂ ਤੋਂ ਪ੍ਰਭਾਵਿਤ ਹੋ ਕੇ ਹੀ ਉਹਨਾਂ ਨੇ ਵੀ ਲੰਗਰ ਲਗਾਏ ਹਨ-ਇਕ ਖ਼ਬਰ
ਬਾਬੇ ਨਾਨਕ ਦੇ ਫ਼ਲਸਫ਼ੇ “ ਉੱਜੜ ਜਾਉ, ਵਸਦੇ ਰਹੋ “ ਦਾ ਪ੍ਰਤੱਖ ਪਰਮਾਣ।
ਸੁਮੇਧ ਸੈਣੀ ਦੀ ਗ੍ਰਿਫ਼ਤਾਰੀ ‘ਤੇ ਰੋਕ ਤੋਂ ਸੁਪਰੀਮ ਕੋਰਟ ਵੀ ਹੈਰਾਨ- ਇਕ ਖ਼ਬਰ
ਸੁਪਰੀਮ ਕੋਰਟ ਜੀ ਕਾਹਦੀ ਹੈਰਾਨੀ? ਤਾਅਲੁਕ ਕੰਮ ਕਰਦੇ ਐ ਜਨਾਬ।
ਭੁੱਲਰ ਦੀ ਰਿਹਾਈ ਰੋਕ ਕੇ ਕੇਜਰੀਵਾਲ ਨੇ ਸਿੱਖ ਵਿਰੋਧੀ ਹੋਣ ਦਾ ਸਬੂਤ ਦਿਤਾ- ਸੁਖਬੀਰ
ਤੁਹਾਡੇ ਬਾਪੂ ਨੇ ਤਾਂ ਭੁੱਲਰ ਨੂੰ ਪੰਜਾਬ ‘ਚ ਵੀ ਲਿਆਉਣ ਨਹੀਂ ਸੀ ਦਿਤਾ।
ਭਾਰਤ ਵਿਸ਼ਵ ਸ਼ਾਂਤੀ ਦਾ ਹਮਾਇਤੀ- ਰਾਜਨਾਥ
ਇਹ ਗੱਲ ਅਲੱਗ ਹੈ ਕਿ ਸਾਡਾ ਆਪਣਾ ਕੰਮ ਅਸ਼ਾਂਤੀ ਬਿਨਾਂ ਨਹੀਂ ਚਲਦਾ।
ਫਰਲੋ ਪੂਰੀ ਕਰਨ ਪਿੱਛੋਂ ਡੇਰਾ ਮੁਖੀ ਮੁੜ ਪਹੁੰਚਿਆ ਜੇਲ੍ਹ- ਇਕ ਖ਼ਬਰ
ਕੰਮ ਮੁੱਕ ਗਿਆ ਵੋਟਾਂ ਦਾ, ਹੁਣ ਚਲੋ ਸਾਧ ਜੀ ‘ਡੇਰੇ’।
ਚੋਣਾਂ ਦੇ ਨਤੀਜੇ ਜੋ ਮਰਜ਼ੀ ਆਉਣ, ਯੂ.ਪੀ.ਛੱਡ ਕੇ ਨਹੀਂ ਜਾਵਾਂਗੀ- ਪ੍ਰਿਯੰਕਾ ਗਾਂਧੀ
ਮੈਨੂੰ ਨਰਮ ਕੁੜੀ ਨਾ ਜਾਣੀ, ਲੜ ਜੂੰ ਭਰਿੰਡ ਬਣ ਕੇ।
ਰੂਸ ‘ਤੇ ਵਿਤੀ ਪਾਬੰਦੀਆਂ ਲਾਉਣ ’ਚ ਸ਼ਾਮਲ ਨਹੀਂ ਹੋਵਾਂਗੇ- ਚੀਨ
ਡੋਰ ਵੱਟ ਕੇ ਗਲ਼ੇ ਦੇ ਵਿਚ ਪਾਵਾਂ, ਮਿੱਤਰਾਂ ਤਵੀਤ ਬਣ ਜਾ।
ਪੰਜਾਬ ਚੋਣਾਂ ਦੇ ਨਤੀਜਿਆਂ ਤੋਂ ਪਹਿਲਾਂ ਸਿਆਸੀ ਹਲਚਲ ਤੇਜ਼- ਇਕ ਖ਼ਬਰ
ਨਿੰਮ ਨਾਲ਼ ਝੂਟਦੀਏ, ਤੋਤਾ ਪੀ ਗਿਆ ਗੁਲਾਬੀ ਰੰਗ ਤੇਰਾ।
ਪੰਜਾਬ ‘ਚ ਇਸ ਵੇਲੇ ਸਭ ਤੋਂ ਵੱਡਾ ਮੁੱਦਾ ਬੇਰੁਜ਼ਗਾਰੀ ਦਾ- ਇਕ ਖ਼ਬਰ
ਸਰਕਾਰਾਂ ਆਟਾ ਦਾਲ਼ ਤਾਂ ਲੋਕਾਂ ਨੂੰ ਦੇ ਰਹੀਆਂ, ਹੋਰ ਕੀ ਕਰਨ ਬਈ?
ਯੂਕਰੇਨ ‘ਚ ਭਾਰਤੀ ਦੂਤਾਵਾਸ ਮਹਿਜ਼ ਸਲਾਹਾਂ ਦੇ ਕੇ ਬੁੱਤਾ ਸਾਰਨ ਲੱਗਿਆ- ਇਕ ਖ਼ਬਰ
ਤੇਰੇ ਵਰਗੇ ਨੂੰ , ਗੱਲੀਂ ਰਾਤ ਲੰਘਾਵਾਂ।
ਜਿਹਲ ‘ਚ ਮੁਲਾਕਾਤਾਂ ਲਈ ਮਜੀਠੀਆ ‘ਤੇ ਮਿਹਰਬਾਨ ਹੋਈ ਪੰਜਾਬ ਸਰਕਾਰ- ਇਕ ਖ਼ਬਰ
ਉਧਰੋਂ ਰੁਮਾਲ ਹਿੱਲਿਆ, ਮੇਰੀ ਇੱਧਰੋਂ ਹਿਲੀ ਫੁਲਕਾਰੀ।
ਕਾਂਗਰਸ ਵਲੋਂ ਆਪਣੇ ਉਮੀਦਵਾਰਾਂ ਨੂੰ ਰਾਜਸਥਾਨ ਜਾਂ ਛੱਤੀਸਗੜ੍ਹ ਭੇਜਣ ਦੀ ਤਿਆਰੀ- ਇਕ ਖ਼ਬਰ
ਆਟੇ ਦੀ ਤੌਣ! ਅੰਦਰ ਚੂਹੇ ਖਾਂਦੇ, ਬਾਹਰ ਕਾਂ ਪੈਂਦੇ।
ਚੁੰਝਾਂ-ਪ੍ਹੌਂਚੇ - - ਨਿਰਮਲ ਸਿੰਘ ਕੰਧਾਲਵੀ
28.02.2022
ਘੱਟ ਵੋਟ ਫ਼ੀਸਦੀ ਕਰ ਕੇ ਸਰਕਾਰੀ ਹਲਕਿਆਂ ਵਿਚ ਘਬਰਾਹਟ- ਇਕ ਖ਼ਬਰ
ਆਂਙਣ ਦਿਸੇ ਨਾ ਖੇਡਦਾ ਬਾਲ ਮੈਨੂੰ, ਸੁੰਞੇ ਪਏ ਨੇ ਮਹਿਲ ਵੀਰਾਨ ਮੇਰੇ।
ਬੀ.ਬੀ.ਐਮ.ਬੀ. ਦਾ ਮਸਲਾ ਪ੍ਰਧਾਨ ਮੰਤਰੀ ਕੋਲ ਲਿਜਾਵਾਂਗੇ- ਭਗਵੰਤ ਮਾਨ
ਖੇਤ ਤਾਂ ਆਪਣਾ ਡਬਰਿਆਂ ਖਾ ਲਿਆ, ਮੇਰਾ ਕਾਲਜਾ ਧੜਕੇ।
ਵਿਵਾਦ ਸੁਲਝਾਉਣ ਲਈ ਮੋਦੀ ਨਾਲ ਟੀ.ਵੀ. ‘ਤੇ ਬਹਿਸ ਕਰਨੀ ਚਾਹਾਂਗਾ- ਇਮਰਾਨ ਖ਼ਾਨ
ਚੰਨਣ ਦੇਹੀ ਆਪ ਗਵਾ ਲਈ, ਬਾਂਸਾਂ ਵਾਂਗੂੰ ਖਹਿ ਕੇ।
ਸਾਧ ਗੁਰਮੀਤ ਰਾਮ ਰਹੀਮ ਨੂੰ ਮਿਲੀ ਜ਼ੈੱਡ ਸੁਰੱਖਿਆ- ਇਕ ਖ਼ਬਰ
ਕੈਦ ਕਰਾ ਦਊਂਗੀ, ਮੈਂ ਡਿਪਟੀ ਦੀ ਸਾਲ਼ੀ।
ਪੰਜ ਸਾਲ ਸੱਤਾ ‘ਚ ਰਹਿ ਕੇ ਕਾਂਗਰਸ ਨੂੰ ਹੁਣ ਨਸ਼ਾ ਮਾਫ਼ੀਆ ਦੀ ਹੋਈ ਚਿੰਤਾ-ਭਗਵੰਤ ਮਾਨ
ਨੌ ਸੌ ਚੂਹਾ ਖਾ ਕੇ ਬਿੱਲੀ ਹੱਜ ਨੂੰ ਚੱਲੀ।
ਹਰਿਆਣਾ ਸਰਕਾਰ ਦਾ ਵਿਤ ਪ੍ਰਬੰਧਨ ਸਭ ਸੂਬਿਆਂ ਤੋਂ ਅੱਵਲ- ਮਨੋਹਰ ਲਾਲ
ਘਰ ਦੀ ਬਿੱਲੀ, ਘਰੇ ਮਿਆਊਂ।
ਅਮਰੀਕਾ ਅਤੇ ਭਾਈਵਾਲ ਪੂਤਿਨ ਨੂੰ ਮੂੰਹ-ਤੋੜ ਜਵਾਬ ਦੇਣਗੇ-ਬਾਇਡਨ
ਅੱਗ ਲਾ ਕੇ ਆਪ ਡੱਬੂ ਕੰਧ ‘ਤੇ।
ਨਸ਼ਾ ਤਸਕਰੀ ਮਾਮਲੇ ‘ਚ ਬਿਕਰਮ ਮਜੀਠੀਆ ਨੂੰ ਨਿਆਇਕ ਹਿਰਾਸਤ ‘ਚ ਭੇਜਿਆ- ਇਕ ਖ਼ਬਰ
ਬੱਕਰੇ ਦੀ ਮਾਂ ਕਿੰਨਾ ਕੁ ਚਿਰ ਖ਼ੈਰ ਮਨਾਏਗੀ।
ਅਸੀਂ ਪਰਵਾਰ ਵਾਲੇ ਨਹੀਂ ਪਰ ਪਰਵਾਰਾਂ ਦਾ ਦਰਦ ਸਮਝਦੇ ਹਾਂ- ਮੋਦੀ
733 ਕਿਸਾਨਾਂ ਦੀਆਂ ਲਾਸ਼ਾਂ ਵੇਲੇ ਮੋਦੀ ਸਾਹਿਬ ਇਹ ਦਰਦ ਕਿੱਥੇ ਸੀ?
ਕੇਂਦਰ ਵਲੋਂ ਪੰਜਾਬ ਭਾਜਪਾ ਦੇ ਨੇਤਾਵਾਂ ਨੂੰ ਥੋਕ ਵਿਚ ਸੁਰੱਖਿਆ ਪ੍ਰਦਾਨ- ਇਕ ਖ਼ਬਰ
ਉੱਤੇ ਪਾ ਦੇ ਫੁੱਲ ਕਲੀਆਂ, ਮੰਜਾ ਬੁਣ ਦੇ ਜੁਗਿੰਦਰਾ ਯਾਰਾ।
ਭਾਰਤ ਵਿਚ 75% ਔਰਤਾਂ ਅਨੀਮੀਆ ਅਤੇ 85% ਕੁਪੋਸ਼ਣ ਦਾ ਸ਼ਿਕਾਰ ਹਨ- ਇਕ ਖ਼ਬਰ
ਡਿਜੀਟਲ ਇੰਡੀਆ ਦੇ, ਦੂਰੋਂ ਪੈਣ ਲਿਸ਼ਕਾਰੇ।
ਦੇਸ਼ ਅੰਦਰ ਆਪਣੇ ਹੀ ਲੋਕਾਂ ਨਾਲ਼ ਹੋ ਰਿਹੈ ਧੱਕਾ- ਜਾਖੜ
ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦੇ ਹੱਕ ਮਾਰ ਕੇ।
ਕੰਙਣਾਂ ਰਣੌਤ ਨੂੰ ਬਠਿੰਡਾ ਅਦਾਲਤ ਵਲੋਂ ਮੁੜ ਸੰਮਨ ਜਾਰੀ- ਇਕ ਖ਼ਬਰ
ਕਾਲ਼ੀ ਤਿੱਤਰੀ ਕਮਾਦੋਂ ਨਿਕਲੀ, ਉਡਦੀ ਨੂੰ ਬਾਜ਼ ਪੈ ਗਿਆ।
ਅਕਾਲੀ ਦਲ ਤੇ ਭਾਜਪਾ ਦਰਮਿਆਨ ਮੁੜ ਗੱਠਜੋੜ ਹੋਣ ਦੇ ਆਸਾਰ-ਇਕ ਖ਼ਬਰ
ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।
ਰਾਮ ਰਹੀਮ ਨੂੰ ਖ਼ਤਰੇ ਦੇ ਮੱਦੇ ਨਜ਼ਰ ਸੁਰੱਖਿਆ ਛੱਤਰੀ ਦਿਤੀ- ਖੱਟਰ
ਨੀਂ ਮੈਂ ਤਲ਼ੀਆਂ ‘ਤੇ ਚੋਗ ਚੁਗਾਵਾਂ, ਮਿੱਤਰਾਂ ਦੇ ਤਿੱਤਰਾਂ ਨੂੰ।
ਵੋਟਾਂ ਪੈਂਦਿਆਂ ਸਾਰ ਆਪਣਿਆਂ ਨੇ ਹੀ ਸਿੱਧੂ ਖ਼ਿਲਾਫ਼ ਚੁੱਪ ਤੋੜੀ- ਇਕ ਖ਼ਬਰ
ਅੱਗੇ ਬੀਬੀ ਟੱਪਣੀ, ਪਿੱਛੇ ਢੋਲਾਂ ਦੀ ਘੜਮੱਸ।
ਬਾਦਲਾਂ ਤੋਂ ਗੁਰਦੁਆਰੇ ਆਜ਼ਾਦ ਕਰਵਾਉਣ ਦੀ ਅਪੀਲ- ਸ਼੍ਰੋਮਣੀ ਅਕਾਲੀ ਦਲ (ਸੰਯੁਕਤ)
ਕਾਂ ਬਾਗ਼ ਦੇ ਵਿਚ ਕਲੋਲ ਕਰਦੇ, ਕੂੜਾ ਫੋਲਣੇ ਦੇ ਉੱਤੇ ਮੋਰ ਕੀਤੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
21.02.2022
ਪ੍ਰਧਾਨ ਮੰਤਰੀ ਮੋਦੀ ਨਾਲ ਮੇਰਾ ਬਹੁਤ ਪਿਆਰ- ਕੈਪਟਨ
ਨਾ ਜੀਵਾਂ ਮਹਾਰਾਜ, ਮੈਂ ਤੇਰੇ ਬਿਨ ਨਾ ਜੀਵਾਂ।
ਭਾਜਪਾ ਨੇ ਗੁਜਰਾਤ ਮਾਡਲ ਦਾ ਪ੍ਰਚਾਰ ਕਰ ਕੇ ਦੇਸ਼ ਨੂੰ ਲੁੱਟਿਆ- ਹਾਰਦਿਕ ਪਟੇਲ
ਹੋਕਾ ਵੰਙਾਂ ਦਾ, ਕੱਢ ਦਿਖਾਇਆ ਚੱਕੀਰਾਹਾ।
‘ਆਪ’ ਨੂੰ ਵੋਟ ਨਾ ਪਾਇਉ, ਭਾਵੇਂ ਕਾਂਗਰਸ ਨੂੰ ਪਾ ਦਿਉ- ਪੰਜਾਬ ਭਾਜਪਾ ਪ੍ਰਧਾਨ
ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।
ਨਰੋਏ ਪੰਜਾਬ ਦੀ ਸਿਰਜਣਾ ਹੀ ਭਾਜਪਾ ਦਾ ਮੁੱਖ ਟੀਚਾ- ਰਾਜਨਾਥ ਸਿੰਘ
ਹੁਣ ਵੋਟਾਂ ਵੇਲੇ ਆਏ ਸੱਜਣ ਜੀ, ਤੁਸੀਂ ਪਹਿਲਾਂ ਕਿਉਂ ਨਹੀਂ ਆਏ।
ਚੀਨ ਨਾਲ਼ ਭਾਰਤ ਦੇ ਰਿਸ਼ਤੇ ‘ਬੇਹੱਦ ਮੁਸ਼ਕਲ ਦੌਰ ਵਿਚ’- ਜੈਸ਼ੰਕਰ
ਛੜੇ ਬੈਠ ਕੇ ਸਲਾਹਾਂ ਕਰਦੇ, ਰੱਬਾ ਹੁਣ ਕੀ ਕਰੀਏ।
ਚੋਣਾਂ ‘ਚ ਕਿਸੇ ਵੀ ਪਾਰਟੀ ਦੀ ਹਮਾਇਤ ਨਹੀਂ ਕੀਤੀ- ਉਗਰਾਹਾਂ
ਨਾ ਕਾਹੂੰ ਸੇ ਦੋਸਤੀ, ਨਾ ਕਾਹੂੰ ਸੇ ਬੈਰ।
ਉਮੀਦਵਾਰਾਂ ਨੂੰ ਐਤਕੀਂ ਰਹੀ ਚੋਣ ਫੰਡਾਂ ਵਾਲੇ ਲਿਫ਼ਾਫ਼ਿਆਂ ਦੀ ਤੋਟ- ਇਕ ਖ਼ਬਰ
ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।
ਰਵਾਇਤੀ ਸਿਆਸੀ ਪਾਰਟੀਆਂ ਕਾਰਪੋਰੇਟ ਘਰਾਣਿਆਂ ਦੀਆਂ ਕਠਪੁਤਲੀਆਂ- ਚੜੂਨੀ
ਜਿਸ ਦਾ ਖਾਈਏ ਅੰਨ, ਉਸ ਦੀ ਲਈਏ ਮੰਨ।
ਪਟਿਆਲਾ ਸੀਟ ਜਿੱਤਣ ਲਈ ਕੈਪਟਨ ਵਲੋਂ ਕਾਲ਼ਾ ਕੱਟਾ ਦਾਨ- ਇਕ ਖ਼ਬਰ
ਪੌੜੀ ਪੌੜੀ ਚੜ੍ਹਦਾ ਜਾਹ, ਜੈ ਕੱਟੇ ਦੀ ਕਰਦਾ ਜਾਹ।
ਕੇਜਰੀਵਾਲ ਨੂੰ ਕਿਸੇ ਦੀ ਕਦਰ ਨਹੀਂ- ਜੱਸੀ ਜਸਰਾਜ
ਛੱਡ ਦੇ ਲੜ ਪ੍ਰਦੇਸੀ ਦਾ, ਤੈਨੂੰ ਨਿੱਤ ਦਾ ਰੋਣਾ ਪੈ ਜੂਗਾ।
ਮੋਦੀ ਤੇ ਕੇਜਰੀਵਾਲ ਦੋਵੇਂ ਆਰ.ਐੱਸ.ਐੱਸ. ਦੀ ਪੈਦਾਵਾਰ ਹਨ- ਪ੍ਰਿਅੰਕਾ ਗਾਂਧੀ
ਨੱਥਾ ਸਿੰਘ ਪ੍ਰੇਮ ਸਿੰਘ, ਵੰਨ ਐਂਡ ਦੀ ਸੇਮ ਥਿੰਗ।
ਦੇਸ਼ ਦੀ ਏਕਤਾ ਅਤੇ ਆਖੰਡਤਾ ‘ਚ ਸਿੱਖ ਸਮਾਜ ਦਾ ਵੱਡਾ ਯੋਗਦਾਨ- ਰਾਜਨਾਥ
ਜਿਨ ਮਨਿ ਹੋਰ ਮੁਖਿ ਹੋਰੁ ਸਿ ਕਾਂਢੇ ਕਚਿਆ।
ਵੋਟਰਾਂ ਦੀ ਚੁੱਪੀ ਕਾਰਨ ਸਿਆਸੀ ਧਿਰਾਂ ਦੇ ‘ਚੌਧਰੀ’ ਹੋਏ ਪ੍ਰੇਸ਼ਾਨ-ਇਕ ਖ਼ਬਰ
ਕੁਝ ਬੋਲ ਵੇ ਮਿੱਟੀ ਦਿਆ ਬਾਵਿਆ, ਤੇਰੀ ਚੁੱਪ ਨੇ ਸਾਨੂੰ ਖਾ ਲਿਆ।
ਸਰਕਾਰ ਬਣਨ ਦੇ ਅਗਲੇ ਦਿਨ ਬਲਬੀਰ ਸਿੱਧੂ ਨੂੰ ਡੱਕਾਂਗੇ ਜੇਲ੍ਹ ਅੰਦਰ- ਸੁਖਬੀਰ
ਕੈਪਟਨ ਵੀ ਇੰਜ ਹੀ ਕਹਿੰਦਾ ਹੁੰਦਾ ਸੀ ‘ਸਭ ਤੋਂ ਪਹਿਲਾਂ ਬਾਦਲਾਂ ਨੂੰ ਤੁੰਨੂੰ ਅੰਦਰ’
ਕੇਜਰੀਵਾਲ ਨੂੰ ਭਾਜਪਾ ਨੇ ਹੀ ਪੈਦਾ ਕੀਤਾ- ਅਜੈ ਮਾਕਨ
ਇਹਨੂੰ ਸਮਝੋ ਨਾ ਕੋਈ ਹੋਰ ਨੀ, ਇਹ ਮੋਰਾਂ ਦਾ ਹੀ ਛੋਹਰ ਨੀ।
ਚੰਨੀ ਵਰਗੇ ਕੰਮ ਕੋਈ ਮੁੱਖ ਮੰਤਰੀ ਨਹੀਂ ਕਰ ਸਕਿਆ-ਰਾਜੀਵ ਸ਼ੁਕਲਾ
ਤੇਗ਼ਾਂ ਮਾਰਦਾ ਦਲਾਂ ਨੂੰ ਜਾਵੇ ਚੀਰਦਾ, ਗੋਰਿਆਂ ਦੇ ਘਾਣ ਲੱਥ ਗਏ।
ਕੇਜਰੀਵਾਲ ਨੇ ਪੰਜਾਬ ਹਿਤੈਸ਼ੀਆਂ ਨੂੰ ਬਾਹਰ ਦਾ ਰਾਹ ਵਿਖਾਇਆ- ਡਾ. ਗਾਂਧੀ
ਲਾਲ ਸਿੰਘ ਤੇਜ ਸਿੰਘ ਜੀ, ਕਰ ਗਏ ਨੇ ਗ਼ਦਾਰੀ ਭਾਰੀ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
14.02.2022
ਚੰਨੀ ਨੇ ਘਨੌਰ ‘ਚ ਮਦਨ ਲਾਲ ਜਲਾਲਪੁਰ ਦੇ ਹੱਕ ‘ਚ ਕੀਤੀ ਚੋਣ ਰੈਲੀ- ਇਕ ਖ਼ਬਰ
ਉਹਦੀ ਦਾਰੂ ਦੀ ਫੈਕਟਰੀ ਦਾ ਉਦਘਾਟਨ ਵੀ ਨਾਲ ਹੀ ਕਰ ਆਉਂਦੇ !
ਪੰਜਾਬ ਦਾ ਕਰੋੜਾਂ ਦਾ ਜੀ.ਐਸ.ਟੀ. ਦਾ ਬਕਾਇਆ ਨਹੀਂ ਦੇ ਰਿਹਾ ਕੇਂਦਰ- ਚੰਨੀ
ਮੇਰਾ ਤੱਤੜੀ ਦਾ ਗਲ਼ ਖਾਲੀ, ਆਪ ਤੇ ਜਜ਼ੀਰੀ ਰੱਖਦਾ।
ਅਸ਼ੀਸ਼ ਮਿਸ਼ਰਾ ਨੂੰ ਜ਼ਮਾਨਤ ਮਿਲਣ ਨਾਲ਼ ਭਾਜਪਾ ਬੇਨਕਾਬ- ਕਿਸਾਨ ਮੋਰਚਾ
ਭਾਜਪਾ ਨੇ ਨਕਾਬ ਪਾਈ ਹੀ ਕਦੋਂ ਸੀ, ਤੁਸੀਂ ਹੀ ਭੁਲੇਖੇ ‘ਚ ਹੋ ਜਨਾਬ।
ਪ੍ਰਕਾਸ਼ ਸਿੰਘ ਬਾਦਲ ਨੇ ਕਿਹਾ ਕਿ ਉਹ ਪੂਰੀ ਤਰ੍ਹਾਂ ਤੰਦਰੁਸਤ ਹਨ- ਇਕ ਖ਼ਬਰ
ਜੇ ਤੰਦਰੁਸਤ ਹੋ ਬਾਬਿਓ ਤਾਂ ਹੁਸ਼ਿਆਰ ਪੁਰ ਦੀ ਅਦਾਲਤ ‘ਚ ਪੇਸ਼ ਕਿਉਂ ਨਹੀਂ ਹੁੰਦੇ?
ਐਨ.ਡੀ.ਏ. ਦੇ ਚੋਣ ਮਨੋਰਥ ਪੱਤਰ ਨਾਲ਼ ਪੰਜਾਬ ਦੇ ਸੁਨਹਿਰੇ ਭਵਿੱਖ ਦੀ ਆਸ ਬੱਝੀ- ਢੀਂਡਸਾ
ਨੀਂ ਉਹ ਲੰਬੜਾਂ ਦਾ ਮੁੰਡਾ ਬੋਲੀ ਹੋਰ ਬੋਲਦਾ।
ਬਸਪਾ ਨਾਲ ਗੱਠਜੋੜ ਆਖ਼ਰੀ ਦਿਨਾਂ ਤੱਕ ਨਿਭਾਵਾਂਗੇ- ਸੁਖਬੀਰ ਬਾਦਲ
ਜਿਵੇਂ ਦਾ ਇਨ੍ਹਾਂ ਨਾਲ਼ 1996 ’ਚ ਨਿਭਾਇਆ ਸੀ?
ਫਰਲੋ ਲੈਣਾ ਡੇਰਾ ਮੁਖੀ ਦਾ ਅਧਿਕਾਰ- ਅਜੈ ਚੌਟਾਲਾ
ਦੁੱਗਣੀਆਂ ਸਜ਼ਾਵਾਂ ਕੱਟ ਚੁੱਕਣ ਵਾਲਿਆਂ ਦੀ ਫਰਲੋ ਬਾਰੇ ਤੁਹਾਨੂੰ ਸੱਪ ਕਿਉਂ ਸੁੰਘ ਜਾਂਦੈ?
ਪੰਜਾਬ ਮਾਡਲ ਲਾਗੂ ਕਰਨ ਦੀ ਹੁਣ ਜ਼ਿੰਮੇਵਾਰੀ ਚੰਨੀ ਦੀ- ਸਿੱਧੂ
ਤੇਰੇ ਅੱਗੇ ਥਾਨ ਸੁੱਟਿਆ, ਚਾਹੇ ਸੁੱਥਣ ਸੰਵਾ ਲੈ ਚਾਹੇ ਲਹਿੰਗਾ।
ਸੁਨੀਲ ਜਾਖੜ ਨੇ ਸਰਗਰਮ ਸਿਆਸਤ ਤੋਂ ਕੀਤਾ ਕਿਨਾਰਾ- ਇਕ ਖ਼ਬਰ
ਹੱਥ ਪਕੜ ਜੁੱਤੀ ਮੋਢੇ ਮਾਰ ਬੁੱਕਲ, ਰਾਂਝਾ ਹੋ ਤੁਰਿਆ ਵਾਰਸ ਸ਼ਾਹ ਜੇਹਾ।
ਅੰਬਿਕਾ ਸੋਨੀ ਨੇ ਪੰਜਾਬ ਦੀ ਪਿੱਠ ‘ਚ ਛੁਰਾ ਮਾਰਿਆ- ਜਾਖੜ
ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਪਿਆ।
ਸ਼ਾਹ ਵਲੋਂ ਜਥੇਦਾਰ ਹਰਪ੍ਰੀਤ ਸਿੰਘ ਨਾਲ਼ ਬੰਦ ਕਮਰਾ ਮੀਟਿੰਗ- ਇਕ ਖ਼ਬਰ
ਆ ਹੁਣ ਬਣ ਜਾਈਏ, ਮੈਂ ਤੇਰਾ ਤੂੰ ਮੇਰੀ।
ਅਖਿਲੇਸ਼ ਲਈ ਪ੍ਰਚਾਰ ਕਰਨ ਵਾਸਤੇ ਮਮਤਾ ਯੂ.ਪੀ. ਪੁੱਜੀ-ਇਕ ਖ਼ਬਰ
ਵੀਰਾ ਤੇਰੇ ਫੁਲਕੇ ਨੂੰ, ਮੈਂ ਖੰਡ ਦਾ ਪ੍ਰੇਥਣ ਲਾਵਾਂ।
ਡੇਰਾ ਮੁਖੀ ਦੀ ਰਿਹਾਈ ਦਾ ਰਾਜਨੀਤੀ ਨਾਲ ਕੋਈ ਸਬੰਧ ਨਹੀਂ- ਖੱਟਰ
ਤੂੰ ਮੰਨ ਜਾਂ ਨਾ ਮੰਨ ਮਿੱਤਰਾ, ਗੜਬੜ ਹੋ ਗਈ ਲਗਦੀ ਆ।
ਸੂਬੇ ਦੇ ਵਿਕਾਸ ਲਈ ਪੰਜਾਬੀ ਅਕਾਲੀ ਦਲ ਨੂੰ ਜਿਤਾਉਣਗੇ- ਸੁਖਬੀਰ ਬਾਦਲ
ਕੈਲੇਫੋਰਨੀਆਂ ਤਾਂ ਪਹਿਲਾਂ ਹੀ ਬਣਾ ਛੱਡਿਐ ਤੁਸੀਂ, ਹੋਰ ਵਿਕਾਸ ਕਿਹੜਾ ਰਹਿ ਗਿਆ ਬਈ?
ਆਮ ਆਦਮੀ ਪਾਰਟੀ ਲੋਟੂਆਂ ਦਾ ਟੋਲਾ- ਚੰਨੀ
ਡਰਿਓ ਲੋਕੋ ਡਰਿਓ ਵੇ, ਲੰਬੜਾਂ ਦੀ ਸੇਪ ਨਾ ਕਰਿਓ ਵੇ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
07.02.2022
ਪ੍ਰਕਾਸ਼ ਸਿੰਘ ਬਾਦਲ ਦੀ ਆਮਦਨ ਪੰਜ ਸਾਲਾਂ ‘ਚ 52 ਲੱਖ ਘਟੀ- ਇਕ ਖ਼ਬਰ
ਚਿੜੀ ਚੋਂਚ ਭਰ ਲੇ ਗਈ, ਨਦੀ ਨਾ ਘਟਿਉ ਨੀਰ।
ਕਾਲਕਾ ਨੇ ਬਾਦਲ ਦਲ ਅਕਾਲੀ ਦਲ ਤੋਂ ਦਿਤਾ ਅਸਤੀਫ਼ਾ- ਇਕ ਖ਼ਬਰ
ਮੈਨੂੰ ਖੜ੍ਹਾ ਉਡੀਕੇ ਸਿਰਸਾ, ਕਮਲ ਫੁੱਲ ਫੜ ਕੇ, ਕਮਲ ਫੁੱਲ ਫੜ ਕੇ।
ਪੈਗਾਸਸ ‘ਤੇ ਕੋਈ ਵੱਖਰੀ ਚਰਚਾ ਨਹੀਂ ਹੋਵੇਗੀ- ਕੇਂਦਰ ਸਰਕਾਰ
ਕਾਲੇ ਦਾ ਇਕ ਛੱਪੜ ਸੁਣੀਂਦਾ, ਪਾਣੀ ਉਹਦਾ ਖਾਰਾ।
ਧਰਮ ਸੰਕਟ ਵਿਚ ਫਸੀ ਲੱਗ ਰਹੀ ਹੈ ਮਹਾਰਾਣੀ ਪ੍ਰਨੀਤ ਕੌਰ ਦੀ ਸਿਆਸੀ ਬੇੜੀ- ਇਕ ਖ਼ਬਰ
ਅੱਧੀ ਤੇਰੀ ਆਂ ਮੁਲਾਹਜ਼ੇਦਾਰਾ, ਅੱਧੀ ਆਂ ਗ਼ਰੀਬ ਜੱਟ ਦੀ।
ਪੰਜਾਬ ਭਰ ‘ਚ 18 ਤੋਂ 20 ਫ਼ਰਵਰੀ ਤੱਕ ਸ਼ਰਾਬ ਦੇ ਠੇਕੇ ਬੰਦ ਰਹਿਣਗੇ- ਇਕ ਖ਼ਬਰ
ਜਦ ਮੁਫ਼ਤ ਦੀ ਮਿਲੇਗੀ ਤਾਂ ਕਿਹੜਾ ਮੂਰਖ ਠੇਕੇ ਤੋਂ ਖ਼ਰੀਦੇਗਾ।
ਸਿੱਧੂ ਨੇ ਅਜੇ ਤੱਕ ਮੈਨੂੰ ਨਹੀਂ ਦਿਖਾਇਆ ਆਪਣਾ ਪੰਜਾਬ ਮਾਡਲ- ਮਨਪ੍ਰੀਤ ਬਾਦਲ
ਪਿੱਛੇ ਮੁੜ ਜਾ ਸੋਹਿਣਆਂ ਵੇ, ਸੌਖਾ ਨਹੀਂ ਇਸ਼ਕ ਕਮਾਉਣਾ।
ਕੇਜਰੀਵਾਲ ਤੇ ਕਾਂਗਰਸ ਤੋਂ ਸਾਵਧਾਨ ਰਹਿਣ ਪੰਜਾਬੀ- ਹਰਸਿਮਰਤ ਬਾਦਲ
ਬੀਬਾ ਜੀ ਕਿਆ ਚੰਗਾ ਹੁੰਦਾ ਜੇ ਨਾਲ ਬਾਦਲ ’ਕਾਲੀ ਦਲ ਵੀ ਕਹਿ ਦਿੰਦੇ।
ਕਾਂਗਰਸ ਦੇ ਰਾਜ ਵਿਚ ਨਸ਼ਾ ਤਸਕਰ ਤੇ ਗੈਂਗਸਟਰ ਵਧੇ- ਸੁਖਬੀਰ ਬਾਦਲ
ਇਹ ਬੀਜ ਤੁਹਾਡੇ ਹੀ ਬੀਜੇ ਹੋਏ ਹਨ ਬਾਦਲ ਸਾਬ।
ਕੇਂਦਰ ਦੇ ਸਹਿਯੋਗ ਤੋਂ ਬਿਨਾਂ ਸੂਬੇ ਨੂੰ ਚਲਾਉਣਾ ਮੁਸ਼ਕਿਲ- ਕੈਪਟਨ
ਠੀਕ ਕੈਪਟਨ ਸਾਬ, ਸਾਢੇ ਚਾਰ ਸਾਲ ‘ਚ ਤੁਸੀਂ ਸਾਬਤ ਕਰ ਦਿੱਤਾ ਜੀ।
ਤਾਲਾਬੰਦੀ ਦੇ ਨਿਯਮਾਂ ਦੀ ਉਲੰਘਣਾ ਲਈ ਬੋਰਿਸ ਜਾਹਨਸਨ ਦੀ ਤਿੱਖੀ ਆਲੋਚਨਾ- ਇਕ ਖ਼ਬਰ
ਕੁਛ ਤੋ ਲੋਗ ਕਹੇਂਗੇ ਲੋਗੋਂ ਕਾ ਕਾਮ ਹੈ ਕਹਿਨਾ,
ਛੋੜੋ ਬੇਕਾਰ ਕੀ ਬਾਤੋਂ ਕੋ ਕਹੀਂ ਬੀਤ ਨਾ ਜਾਏ ਰੈਨਾ।
ਬਾਜਵਾ ਦੇ ਰੋਡ ਸ਼ੋਅ ਦੌਰਾਨ ਭਾਜਪਾਈ ਆਪਸ ‘ਚ ਹੋਏ ਥੱਪੜੋ-ਥੱਪੜੀ- ਇਕ ਖ਼ਬਰ
ਕੂੰਡੇ ਟੁੱਟ ਗਏ ਘੋਟਣੇ ਭੱਜ ਗਏ, ਤਕੀਏ ਮਲੰਗ ਲੜ ਪਏ।
ਕੇਜਰੀਵਾਲ ਡਰਾਮੇਬਾਜ਼, ਕਾਂਗਰਸ ਦੇਸ਼ ਦੀ ਦੁਸ਼ਮਣ ਤੇ ਅਕਾਲੀ ਸੁਆਰਥੀ- ਮਨਜਿੰਦਰ ਸਿਰਸਾ
ਸਿਰਸਾ ਸਾਬ ਆਪਣੇ ਆਪ ਨੂੰ ਵੀ ਕਿਸੇ ਖਾਨੇ ‘ਚ ਫਿੱਟ ਕਰ ਲੈਂਦੇ।
ਅਜੇ ਤੱਕ ਪੰਜਾਬ ਦੇ ਮੁੱਦਿਆਂ ਦੀ ਗੱਲ ਕਿਸੇ ਨੇ ਕਿਉ ਨਹੀਂ ਛੇੜੀ?- ਇਕ ਸਵਾਲ
ਪੁੱਤ ਪੋਤਿਆਂ ਦੀਆਂ ਪੀੜ੍ਹੀਆਂ ਸਵਾਰੀਏ, ਪੰਜਾਬ ਕਿਹੜਾ ਭੱਜ ਚੱਲਿਐ!
ਧਰਮਵੀਰ ਗਾਂਧੀ ਨੇ ਨਵਜੋਤ ਸਿੱਧੂ ਦੇ ਹੱਕ ‘ਚ ਪ੍ਰਚਾਰ ਕਰਨ ਦਾ ਕੀਤਾ ਐਲਾਨ- ਇਕ ਖ਼ਬਰ
ਮੈਂ ਜਾਣਾ ਜੋਗੀ ਦੇ ਨਾਲ਼, ਕੰਨੀਂ ਮੁੰਦਰਾਂ ਪਾ ਕੇ ਮੈਂ ਜਾਣਾ ਜੋਗੀ ਦੇ ਨਾਲ਼।
ਸ਼੍ਰੋਮਣੀ ਅਕਾਲੀ ਦਲ ਨਾਲ਼ ਮੁੜ ਸਮਝੌਤੇ ਦੀ ਕੋਈ ਸੰਭਾਵਨਾ ਨਹੀਂ-ਪੁਰੀ
ਜੇ ਅੰਦਰੋ ਅੰਦਰੀ ਮਸਲੇ ਹੱਲ ਹੁੰਦੇ ਹੋਣ ਤਾਂ ਦਿਖਾਵੇ ਦਾ ਸਮਝੌਤਾ ਜ਼ਰੂਰ ਕਰਨਾ।
ਭਾਜਪਾ ਤੇ ਅਕਾਲੀ ਦਲ ਅੱਜ ਵੀ ਇਕੱਠੇ-ਹਾਰਦਿਕ ਪਟੇਲ
ਉਂਜ ਵੇਖਣ ਨੂੰ ਅਸੀਂ ਦੋ, ਕਿ ਤੇਰੀ ਮੇਰੀ ਇਕ ਜਿੰਦੜੀ।
ਸਾਡੀ ਸਰਕਾਰ ਆਉਣ ‘ਤੇ 12000 ਪਿੰਡਾਂ ਦਾ ਬੁਨਿਆਦੀ ਢਾਂਚਾ ਸੁਧਾਰਾਂਗੇ- ਸੁਖਬੀਰ ਬਾਦਲ
ਹੁਣ ਤੱਕ ਤਾਂ ਵਿਕਾਸ ਦੀਆਂ ਟਾਹਰਾਂ ਮਾਰਦੇ ਸੀ, ਅੱਜ ਬੁਨਿਆਦੀ ਢਾਂਚੇ ‘ਤੇ ਉੱਤਰ ਆਏ।
ਮੈਨੂੰ ਜਲਾਲਾਬਾਦ ਹਲਕੇ ਨਾਲ ਬਹੁਤ ਪਿਆਰ ਹੈ- ਸੁਖਬੀਰ ਬਾਦਲ
ਯਾਰ ਖਾਧੀ ਪੀਤੀ ‘ਚ ਕਹਿ ਹੋ ਜਾਂਦੈ, ਐਵੇਂ ਸੱਚ ਨਾ ਮੰਨ ਲਈਓ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
31.01.2022
ਪੈਗਾਸਸ ਮਾਮਲੇ ’ਚ ਕੇਂਦਰ ਦੀ ਚੁੱਪ ਚਿੰਤਾਜਨਕ-ਮਾਇਆਵਤੀ
ਵਿਹੜੇ ਵੜਦਾ ਖੜਕ ਨਹੀਉਂ ਕਰਦਾ, ਬਾਬੇ ਗਲ਼ ਟੱਲ ਪਾ ਦਿਉ।
‘ਆਪ’ ਦੇ ਵਿਰੋਧ ਪਿੱਛੇ ਅਕਾਲੀ ਦਲ ਦਾ ਹੱਥ- ਕੇਜਰੀਵਾਲ
ਉਡ ਕੇ ਚਿੰਬੜ ਗਿਆ, ਕਿਸੇ ਚੰਦਰੀ ਵਾੜ ਦਾ ਛਾਪਾ।
ਪ੍ਰਤਾਪ ਸਿੰਘ ਬਾਜਵਾ ਨੇ ਵੀ ਮੁੱਖ ਮੰਤਰੀ ਦੇ ਅਹੁੱਦੇ ਦਾ ਦਾਅਵਾ ਠੋਕਿਆ- ਇਕ ਖ਼ਬਾਰ
ਇਕ ਅਨਾਰ, ਸੌ ਬਿਮਾਰ।
ਅੰਮ੍ਰਿਤਸਰ ਪੂਰਬੀ ਤੋਂ ਮਜੀਠੀਆ ਤੇ ਸਿੱਧੂ ਹੋਣਗੇ ਆਹਮੋ-ਸਾਹਮਣੇ- ਇਕ ਖ਼ਬਰ
ਕੁੰਢੀਆਂ ਦੇ ਸਿੰਗ ਫਸ ਗਏ, ਕੋਈ ਨਿੱਤਰੂ ਵੜੇਵੇਂ ਖਾਣੀ।
ਭੁੱਲਰ ਦੀ ਰਿਹਾਈ ਵਿਚ ਕੇਜਰੀਵਾਲ ਸਭ ਤੋਂ ਵੱਡਾ ਅੜਿੱਕਾ-ਸੁਖਬੀਰ ਬਾਦਲ
ਤੇਰਾ ਭਾਪਾ ਤਾਂ ਭੁੱਲਰ ਨੂੰ ਪੰਜਾਬ ਵਿਚ ਲਿਆਉਣ ਦੇ ਵੀ ਵਿਰੁੱਧ ਸੀ।
ਜ਼ਮਾਨਤ ਰੱਦ ਹੁੰਦਿਆਂ ਸਾਰ ਹੀ ਮਜੀਠੀਆ ਹੋਏ ਰੂਪੋਸ਼- ਇਕ ਖ਼ਬਰ
ਉੜਨ ਖਟੋਲੇ ਪੇ ਉੜ ਜਾਊਂਗੀ, ਤੇਰੇ ਹਾਥ ਨਾ ਆਊਂਗੀ।
ਭਾਰਤ ਤੇ ਪੰਜਾਬ ਸਰਕਾਰਾਂ ਬੇਅਦਬੀਆਂ ਦੇ ਦੋਸ਼ੀ ਨੂੰ ਬੇਪਰਦ ਕਰਨ ਲਈ ਜਾਂਚ ਕਰਵਾਉਣ- ਜਥੇਦਾਰ ਅਕਾਲ ਤਖ਼ਤ
ਜਥੇਦਾਰ ਜੀ, ਜਸਟਿਸ ਰਣਜੀਤ ਸਿੰਘ ਦੀ ਹੁਣੇ ਹੁਣੇ ਲਿਖੀ ਕਿਤਾਬ ਪੜ੍ਹ ਲਉ।
ਪ੍ਰਕਾਸ਼ ਸਿੰਘ ਬਾਦਲ ਨੂੰ ਹਸਪਤਾਲ ਤੋਂ ਛੁੱਟੀ ਮਿਲੀ- ਇਕ ਖ਼ਬਰ
ਹੋ ਜਾ ਭਾਈਆ ਤਿਆਰ ਡਬਲ ਸ਼ਿਫ਼ਟ ਲਈ।
ਕੇਜਰੀਵਾਲ ਪੰਜਾਬ ਨੂੰ ਨਸ਼ਾ ਮੁਕਤ ਨਹੀਂ ਕਰਨਾ ਚਾਹੁੰਦੇ- ਜੀਵਨ ਗੁਪਤਾ
ਇਕੱਲਾ ਕੇਜਰੀਵਾਲ ਹੀ ਨਹੀਂ, ਕੋਈ ਸਰਕਾਰ ਵੀ ਨਹੀਂ ਚਾਹੁੰਦੀ।
ਸੁਖਪਾਲ ਖਹਿਰਾ ਨੂੰ ਜੇਲ੍ਹ ਜਾਣ ਦਾ ਕੋਈ ਮਲਾਲ ਨਹੀਂ- ਇਕ ਖ਼ਬਰ
ਖਾਤਰ ਧਰਮ ਦੀ ਸੀਸ ਕੁਰਬਾਨ ਹੁੰਦੇ, ਲਹਿੰਦੀ ਆਸ਼ਕਾਂ ਦੀ ਪੁੱਠੀ ਲੋਕੋ।
ਬਸਪਾ ਨੇ ਆਪਣਾ ਆਪ ਅਕਾਲੀ ਦਲ ਕੋਲ ਵੇਚਿਆ- ਚੰਨੀ
ਸੁੱਤੀ ਪਈ ਨੇ ਲੁਹਾਈਆਂ ਚੂੜੀਆਂ, ਅਜੇ ਵੀ ਘੁਰਾੜੇ ਮਾਰਦੀ।
ਪੰਜਾਬ ਮਹਿਲਾ ਕਾਂਗਰਸ ਨੂੰ ਇਕ ਵੀ ਟਿਕਟ ਨਹੀਂ ਮਿਲੀ- ਰਾਣੀ ਸੋਢੀ
ਨੀ ਐਡਾ ਤੇਰਾ ਕਿਹੜਾ ਦਰਦੀ, ਸੁੱਤੀ ਪਈ ਨੂੰ ਪੱਖੀ ਦੀ ਝੱਲ ਮਾਰੇ।
ਦਿੱਲੀ ਇਸਤਰੀ ਅਕਾਲੀ ਦਲ ਦੀ ਪ੍ਰਧਾਨ ਬੀਬੀ ਰਣਜੀਤ ਕੌਰ ਆਮ ਆਦਮੀ ਪਾਰਟੀ ‘ਚ ਸ਼ਾਮਲ- ਇਕ ਖ਼ਬਰ
ਲੈ ਚਲ ਵੇ ਮਿੱਤਰਾ, ਹੁਣ ਮੈ ਨਾ ਨਾਨਕੇ ਰਹਿੰਦੀ।
ਮਾਇਆਵਤੀ ਨੇ ‘ਸਪਾ’ਅਤੇ ਭਾਜਪਾ ‘ਤੇ ਨਿਸ਼ਾਨਾ ਸੇਧਿਆ-ਇਕ ਖ਼ਬਰ
ਅੱਖ ਕੁੜੀ ਦੀ ਕਹਿੰਦੇ ਟੂਣੇਹਾਰੀ, ਦੋ ਦੋ ਨਿਸ਼ਾਨੇ ਮਾਰਦੀ।
ਕੈਪਟਨ ਵਿਰੁੱਧ ਚੋਣ ਲੜਨ ਲਈ ਤਿਆਰ ਨੇ ਲਾਲ ਸਿੰਘ- ਇਕ ਖ਼ਬਰ
ਦਾਰੂ ਪੀ ਕੇ ਮਿੱਤਰਾਂ ਨੇ, ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ।
ਚੁੰਝਾਂ-ਪ੍ਹੌਂਚੇ - ਨਿਰਮਲ ਸਿੰਘ ਕੰਧਾਲਵੀ
24 ਜਨਵਰੀ 2022
ਮੰਦਰ ਉਸਾਰੀ ਲਈ ਦਾਨ ਨਾ ਦੇਣ ‘ਤੇ ਬਿਹਾਰ ‘ਚ ਮੁਹਾਲੀ ਦੇ ਸਿੱਖਾਂ ‘ਤੇ ਹਮਲਾ, ਛੇ ਜ਼ਖ਼ਮੀ- ਇਕ ਖ਼ਬਰ
ਜੋਰੀਂ ਮੰਗਹਿ ਦਾਨ ਵੇ ਲਾਲੋ.....................
ਪਿੱਛੇ ਹਟਣਾ ਸਾਡਾ ਸੁਭਾਅ ਨਹੀਂ, ਪੂਰੀ ਜਿੰਦ-ਜਾਨ ਨਾਲ ਚੋਣਾਂ ਲੜਾਂਗੇ- ਰਾਜੇਵਾਲ
ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।
ਪਾਰਟੀ ਪ੍ਰਤੀ ਵਫ਼ਾਦਾਰੀ ਕਰ ਕੇ ਰੇਤ ਮਾਫ਼ੀਆ ਵਲ ਧਿਆਨ ਨਾ ਦੇਣਾ ਮੇਰੀ ਗ਼ਲਤੀ ਸੀ- ਕੈਪਟਨ
ਮੁੰਡਾ ਗੱਲ ਅਸਲੀ ਨਹੀਂ ਦੱਸਦਾ, ਰੱਖਦਾ ਦਿਲੇ ਵਿਚ ਬੇਈਮਾਨੀਆਂ।
ਚਮਕੌਰ ਸਾਹਿਬ ਤੋਂ ਚੋਣ ਹਾਰ ਰਹੇ ਹਨ ਚੰਨੀ-ਕੇਜਰੀਵਾਲ
ਦਿੱਲੀ ਕੇ ਮਸ਼ਹੂਰ ਜੋਤਸ਼ੀ ਪੰਡਤ ਕੇਸਰੀਵਾਲ ਕੀ ਭਵਿਸ਼ਵਾਣੀ।
ਕੇਜਰੀਵਾਲ ਝੂਠੇ ਇਲਜ਼ਾਮ ਲਗਾ ਕੇ ਮੈਨੂੰ ਬਦਨਾਮ ਕਰ ਰਿਹਾ ਹੈ- ਚੰਨੀ
ਟੁੱਟ ਪੈਣੇ ਜੇਠ ਦਾ ਮੁੰਡਾ, ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ।
ਚੰਨੀ ਦੀ ਰੇਤ ਮਾਫ਼ੀਆ ਨਾਲ਼ ਰਹੀ ਹੈ ਸ਼ਮੂਲੀਅਤ- ਕੈਪਟਨ
ਤੇ ਜਨਾਬ ਅੱਖਾਂ ਮੀਟ ਕੇ ਸੀਤਾ ਫਲ ਖਾਂਦੇ ਰਹੇ ਤੇ ਚੀਕੂ ਚੂਪਦੇ ਰਹੇ।
ਵੱਡਿਆਂ ਘਰਾਂ ਦੀਆਂ ਨੂੰਹਾਂ, ਢੁੱਕੀਆਂ ਵੋਟਰਾਂ ਦੀਆਂ ਬਰੂਹਾਂ ‘ਤੇ- ਇਕ ਖ਼ਬਰ
ਸਾਡੇ ਪੈਰਾਂ ਹੇਠਾਂ ਰੋੜ, ਸਾਨੂੰ ਛੇਤੀ ਛੇਤੀ ਤੋਰ।
ਚੋਣਾਂ ਤੋਂ ਬਾਅਦ ਵਿਧਾਨ ਸਭਾ ਦੀ ਚਾਬੀ ਕਿਸਾਨਾਂ ਹੱਥ ਹੋਵੇਗੀ- ਚੜੂਨੀ
ਜੇਠ ਲਿਆਇਆ ਨੀਂ, ਦਿੱਲੀਉਂ ਸੁਰਮੇਦਾਨੀ।
ਸਾਬਕਾ ਜੇਲ੍ਹ ਮੰਤਰੀ ਸਰਵਣ ਸਿੰਘ ਫਿਲੌਰ ਨੇ ਕਾਂਗਰਸ ਦਾ ਹੱਥ ਛੱਡਿਆ- ਇਕ ਖ਼ਬਰ
ਕਲਹਿਰੀਆ ਮੋਰਾ ਵੇ, ਹੁਣ ਮੈਂ ਨਾ ਤੇਰੇ ਰਹਿੰਦੀ।
ਭਾਰਤ ਵਿਚ ਕਰੋਨਾ ਮਹਾਂਮਾਰੀ ਨੇ 16 ਕਰੋੜ ਲੋਕ ਗੁਰਬਤ ਵਲ ਧੱਕੇ- ਇਕ ਖ਼ਬਰ
ਪਰ ਕਰੋੜਪਤੀਆਂ ਤੇ ਅਰਬਪਤੀਆਂ ਦਾ ‘ਵਿਕਾਸ’ ਵੀ ਹੋਇਆ।
ਚੰਡੀਗੜ੍ਹ ਦੇ ਮੇਅਰ ਦੀ ਚੋਣ ਨੂੰ ਹਾਈ ਕੋਰਟ ਵਿਚ ਚੁਣੌਤੀ-ਇਕ ਖ਼ਬਰ
ਲੌਂਗ ਘੜਾ ਦਊਂਗਾ, ਗੁੱਸਾ ਛੱਡ ਮੁਟਿਆਰੇ।
ਈ.ਡੀ. ਦੇ ਛਾਪਿਆਂ ਦਾ ਭਾਜਪਾ ਨਾਲ਼ ਕੋਈ ਸਬੰਧ ਨਹੀਂ- ਅਵਿਨਾਸ਼ ਰਾਏ ਖੰਨਾ
ਅੱਜ ਕਲ ਸੁਹਣਿਉਂ, ਫਤੂਰ ਵਿਚ ਰਹਿੰਦੇ ਹੋ।
‘ਬਿਮਾਰ’ ਹੋਣ ਕਰ ਕੇ ਪ੍ਰਕਾਸ਼ ਸਿੰਘ ਬਾਦਲ ਹੁਸ਼ਿਆਰਪੁਰ ਦੀ ਅਦਾਲਤ ‘ਚ ਪੇਸ਼ ਨਹੀਂ ਹੋਏ- ਇਕ ਖ਼ਬਰ
ਓਏ ਲੋਕੋ ਬੁੱਢੇ ਵਾਰੇ ਹੁਣ ਸੁੱਖੇ ਲਈ ਵੋਟਾਂ ਮੰਗਾਂ ਕਿ ਕਚਹਿਰੀਆਂ ਭੁਗਤਾਂ?
ਰਿਸ਼ਵਤ ਲੈਂਦੀ ਮਹਿਲਾ ਪਟਵਾਰੀ ਵਿਜੀਲੈਂਸ ਟੀਮ ਵਲੋਂ ਗ੍ਰਿਫ਼ਤਾਰ- ਇਕ ਖ਼ਬਰ
ਟੁੱਟ ਪੈਣੇ ਨੇ ਜਲੇਬੀ ਮਾਰੀ, ਅੱਖ ਵਿਚ ਤੇਲ ਪੈ ਗਿਆ।
ਡੰਮੀ ਚਿਹਰੇ ਵਜੋਂ ਵਿਚਰਨਗੇ ਭਗਵੰਤ ਮਾਨ- ਸੁਖਬੀਰ ਬਾਦਲ
ਗਲੀ ਵਿਚੋਂ ਲੰਘੀ ਹੱਸ ਕੇ, ਪੈੜ ਨੱਪਦੇ ਫਿਰਨ ਪਟਵਾਰੀ।
