ਨਵੀਂ ਤਕਨੀਕ ਤੇ ਨਵੀਂ ਕਹਾਣੀ
   ਅੱਜਕਲ ਆਨਲਾਈਨ ਹੀ ਪੈਂਦੀ ਯਾਰੀ
   ਗੱਲਬਾਤ ਚ ਸਮਾਂ ਲੰਘਾਉਂਦੇ
   ਇਕ ਦੂਜੇ ਨੂੰ ਸਾਂਝ ਦਿਖਾਉਂਦੇ
   ਦਿਲ ਪਰਚਾ ਰਾਹ ਆਪਣੇ ਤੁਰ ਜਾਂਦੇ .....


   ਸੋਸ਼ਲ ਸਮਾਜ ਰੰਗ ਜਿੰਦਗੀ ਚ ਭਰ ਗਿਆ
   ਕੁਝ ਅਣਜਾਣ ਜਿਹਿਆਂ ਨੂੰ ਵੀ ਆਪਣਾ ਕਰ ਗਿਆ
   ਕੁਝ ਬਣ ਗਏ ਦਿਲਾਂ ਦੇ ਜਾਨੀ
   ਕੁਝ ਦੋਸਤ ਤੇ ਕੁਝ ਜਿੰਦਗੀ ਦੇ ਹਾਣੀ
   ਕਦੇ ਵਸਦੇ ਸੀ ਮੀਲਾਂ ਦੂਰ
   ਦੂਰੀਆਂ ਦੀ ਨਜਦੀਕੀ ਵਧਾ ਗਿਆ....


   ਸੋਸ਼ਲ ਸਮਾਜ ਅਲੱਗ ਹੀ ਭਾਣਾ ਵਰਤਾ ਗਿਆ
   ਨਕਲੀ ਜਿਹੇ ਚਿਹਰੇ ਦਿਖਾ ਗਿਆ
   ਦੇਖੇ ਸ਼ੌਂਕ ਬੜੇ ਅਜੀਬ ਜਿਹੇ ਲੋਕਾਂ ਦੇ
   ਮੁੰਡਾ ਬਣੇ ਕੁੜੀ ਤੇ ਕੁੜੀ ਬਣਾਵੇ
   ਆਈ.ਡੀ ਮੁੰਡੇ ਦੇ ਨਾਮ ਤੇ
   ਵਾਹ ੳ ਰੱਬਾ ਖੇਲ ਦੇਖ ਸੰਸਾਰ ਦੇ....


   ਸੋਸ਼ਲ ਸਮਾਜ ਖੋਲ ਗਿਆ ਕਈ ਰਾਹ
   ਦੱਬੇ ਸੀ ਰੂਹਾਂ ਦੇ ਚਾਅ
   ਕਿਰਤੀਆਂ ਦੀ ਕਿਰਤ ਫੈਲਾਈ
   ਦੱਬੀ ਸੀ ਕਲਾ, ਦੁਨੀਆ ਸਾਹਮਣੇ ਆਈ
   ਆਮ ਜਿਹੇ ਇਨਸਾਨ ਦੀ ਅਹਿਮੀਅਤ ਦਿਖਾਈ


   ਸੋਸ਼ਲ ਸਮਾਜ ਬਣਿਆ ਸ਼ੀਸ਼ਾ
   ਦੁਨੀਆ ਦੇ ਜਾਵੇ ਭੇਦ ਦਿਖਾਈ
   " ਪ੍ਰੀਤ " ਦੇਖ ਦੁਨੀਆ ਸਾਰੀ
   ਜਾਵੇ ਹੁਣ ਮੁੱਠੀ ਚ ਸਮਾਈ
   ਜਾਤ - ਪਾਤ ਜਾਂ ਅਮੀਰ ਗਰੀਬ ਦਾ
   ਸੋਸ਼ਲ ਸਮਾਜ ਕਰਦਾ ਕੋਈ ਭੇਦ ਨਾ
   ਹਰ ਵਰਗ ਸਮਾ ਗਿਆ
   ਸੋਸ਼ਲ ਸਮਾਜ ਛਾ ਗਿਆ ਬਈ ਛਾ ਗਿਆ

ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਰਾਹਗੀਰ ਬਣ ਜਨਮ ਲਿਆ
ਜਿੰਦਗੀ ਦਾ ਸਫ਼ਰ ਬੜਾ ਨਿਰਾਲਾ
ਕੁਝ ਹੱਸ ਬਿਤਾ ਗਏ
ਕੁਝ ਬਿਤਾ ਗਏ ਕਿਸੇ ਨੂੰ ਹਸਾ
ਕੁਝ ਕੋਸਦੇ ਰਹਿੰਦੇ ਆਪਣਿਆਂ ਨੂੰ
ਕੁਝ ਬਣਾ ਗਏ ਦਿਲਾਂ ਵਿਚ ਥਾਂ...


ਧਾਰਾ ਪਾਣੀ ਦੀ ਵਾਂਗ
ਜਿੰਦਗੀ ਚਲਦੀ ਬਿਨਾਂ ਰੁਕੇ
ਉੱਚੇ ਨੀਵੇਂ ਪਾਰ ਕਰਦੀ ਰਹਿੰਦੀ ਪੜਾਅ
ਨੀਵਾਂ ਹੋ ਕੇ ਤੁਰਿਆ ਜੋ ਤਰ ਜਾਂਦਾ
ਭੇਦ ਜਿਊਣ ਦਾ ਰਾਹੇ ਪਾ ਜਾਂਦਾ...


ਹਿੰਮਤ ਤੇ ਚੰਗੀ ਸੋਚ
ਦੋ ਮੁਨਾਰੇ ਰੌਸ਼ਨ ਕਰਦੇ
ਹਰ ਇਨਸਾਨ ਦਾ ਦੁੱਖ ਹਰਦੇ
ਸੋਚਾਂ ਵਿਚ ਨਾ ਗੁਜਾਰ ਦਿਨ ਤੇ ਰਾਤ
ਕਿਰਤ ਕਰ ਫਲ਼ ਮਿਹਨਤ ਦਾ ਪਾ
ਜਿੰਦਗੀ ਦਾ ਹਰ ਦਾ ਪਲ ਲੈ ਹੰਢਾ...


ਸੋਚ ਕਰੀਂ ਕਿਸੇ ਜੀਵ ਨੂੰ ਹਰਜਾ
ਤੈਨੂੰ ਜੀਵਨ ਦੇਣ ਵਾਲਾ ਵਸਦਾ
ਹਰ ਕਣ - ਕਣ ਵਿਚ ਅਗਾਧ
ਰੱਬ ਜੋਤੀ ਸਰੂਪ ਦਿਸਦਾ
ਹਰ ਦੁਖਿਆਰੇ ਦੀ ਮਦਦ ਨੂੰ
ਹੱਥ ਆਪਣਾ ਵਧਾ....


ਰਹਿਮਤ ਤੇਰੀ ਬਰਸੀ ਰੱਬਾ
ਤਾਂ ਹੀ ਪਿਆ ਧਰਤੀ ਦੀ ਰਾਹ
ਰਾਹਗੀਰ ਹਾਂ ਤੁਰਿਆ ਜਾਂਦਾ
" ਪ੍ਰੀਤ " ਪਾ ਲਈ ਜਿੰਦਗੀ ਦੀ ਰਾਹ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਫ਼ਾਸਲਾ ਤਾਂ ਬਸ ਏਨਾ ਹੀ ਸੀ
ਜਿਵੇਂ ਪਲ `ਚ ਸਾਲ ਬਦਲ ਗਿਆ
ਦਿਲ ਤੇ ਦਿਮਾਗ ਬਦਲ ਗਿਆ
ਜਿਵੇਂ ਸਮਾਂ ਪਹਿਚਾਣ ਬਦਲ ਗਿਆ
ਕੋਰਾ ਕਾਗਜ ਕਿਤਾਬ ਬਦਲ ਗਿਆ
ਖਿਆਲ ਤੇ ਅਹਿਸਾਸ ਬਦਲ ਗਿਆ
ਪੈਸੇ ਪਿੱਛੇ ਇਨਸਾਨ ਬਦਲ ਗਿਆ....


ਤੈਅ ਨਾ ਹੋਇਆ ਇਹ ਫ਼ਾਸਲਾ
ਤੇਰੇ ਮੇਰੇ ਵਿਚਕਾਰ ਦਾ
ਖਿਆਲ ਤੇਰੇ ਅਲਫਾਜ਼ ਬਣ ਗਏ
ਲਫਜ਼ ਮੇਰੇ ਕਿਤਾਬ ਬਣ ਗਏ
ਕੁਝ ਮਿੱਠੇ ਅਹਿਸਾਸ ਬਣ ਗਏ
ਕੁਝ ਜਖ਼ਮ ਬੇਹਿਸਾਬ ਬਣ ਗਏ
ਨਾ ਕੋਈ ਅੰਤ ਕਹਾਣੀ ਦਾ ਹੋਇਆ
ਨਾ ਕੋਈ ਸਿਰਲੇਖ ਕਿਤਾਬ ਨੂੰ ਛੋਹਿਆ...


ਬਦਲੀ ਨਾ ਪਰੀਤ " ਪ੍ਰੀਤ " ਵੇ ਤੇਰੀ
ਬਦਲ ਗਈ ਸ਼ਾਇਦ ! ਤਕਦੀਰ ਤੇਰੀ
ਹੱਥਾਂ ਦੀਆਂ ਲੀਕਾਂ, ਮਿਟ ਗਈਆਂ ਪਿਆਰ ਦੀਆਂ
ਕੁਝ ਤੋਂ ਨਾ ਸਹਿ ਹੋਈਆਂ
ਪਲਾਂਘਾਂ ਤੇਰੀਆਂ ਸਟਾਰ ਦੀਆਂ
ਸਾਦਗੀ ਦਾ ਕੋਈ ਮੁੱਲ ਨਾ ਪੈਂਦਾ
ਚਮਕਦਾ ਕੱਚ ਵੀ ਹੀਰੇ ਦੇ ਭਾਅ ਵਿਕੇਂਦਾ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਇੱਕ -ਇੱਕ ਕਰਕੇ ਦਿਨ ਬੀਤੇ
ਦਿਨ ਬੀਤੇ ਨਿਕਲਿਆ ਸਾਲ
ਰੱਬਾ ਮਿਲਾ ਦੇਵੀਂ ਉਹਨਾਂ ਨੂੰ
ਜਿਹੜੇ ਵਿਛੜੇ ਸੀ ਇਸ ਸਾਲ...


ਖੁਸ਼ੀਆਂ ਨਾਲ ਘਰ ਭਰ ਦੇਵੀਂ
ਦੇਵੀਂ ਸਬਰ ਸੰਤੋਖ ਤੇ ਪਿਆਰ
ਮਿਟਾ ਕੇ ਮੈਲ ਦਿਲਾਂ ਦੀ
ਦੁਸ਼ਮਣ ਵੀ ਬਣ ਜਾਣ ਯਾਰ
ਖੁੱਲ ਜਾਣ ਖਾਤੇ ਦਿਲ ਦੀ ਵਹੀ `ਚ
ਕਰਜ਼ ਨਿਕਲੇ ਤਾਂ ਨਿਕਲੇ ਪਿਆਰ
ਵੰਡੀਆਂ ਗਈਆਂ ਜੋ ਕੰਧਾਂ ਨਫ਼ਰਤ ਦੀਆਂ
ਢਹਿ - ਢੇਰੀ ਹੋ ਜਾਣ ਸਭ
ਜਦ ਆਵੇ ਨਵਾਂ ਸਾਲ....


ਮੁੱਕ ਜਾਵੇ ਗਰੀਬੀ ਤੇ ਤੰਗੀ
ਦਿਲ ਦੀ ਅਮੀਰੀ ਨਾ ਰੋਟੀ ਦਿੰਦੀ
ਭੁੱਖਾ ਨਾ ਕੋਈ ਸੌਂਵੇਂ
ਦੋ ਵਕਤ ਤਾਂ ਦੇਵੀਂ ਰਜਾ
ਠੁਰ - ਠੁਰ ਕਰਦੀ ਸਰਦੀ
ਤਨ ਤੇ ਨਾ ਜਾਵੇ ਹੰਢਾਈ
ਕਰ ਦੇਵੀਂ ਕੋਈ ਉਪਾਅ
ਨਵਾਂ ਸਾਲ ਦੇ ਦੇਵੇ
ਮਿਹਨਤ ਦਾ ਮੁੱਲ ਪਾ....


ਪਰਦੇਸਾਂ ਵਿਚ ਪੁੱਤ ਕਰਨ ਕਮਾਈ
ਮਾਵਾਂ ਦੀਆਂ ਨਜ਼ਰਾਂ ਟਿਕੀਆਂ ਦਰ ਤੇ
ਉਡੀਕਣ ਦਿਨ ਰਾਤ ਪੁੱਤਾਂ ਨੂੰ
ਮਿਲਣ ਦੀ ਘੜੀ ਬਣਾ
ਤਰਸਦਿਆਂ ਨਿਕਲੇ ਕਈ ਸਾਲ
ਇਸ ਵਾਰ ਕਰ ਪੂਰੀ ਮੁਰਾਦ...


ਸੁੱਖਾਂ ਮੰਗਦਾ " ਪ੍ਰੀਤ " ਵੇ ਰੱਬਾ
ਖ਼ੈਰ ਦੇਵੀਂ ਝੋਲੀ ਪਾ
ਨਵਾਂ ਸਾਲ ਮੁਬਾਰਕ ਸਭ ਨੂੰ
ਲਾ ਦੇਵੇ ਖੁਸ਼ੀਆਂ ਦੇ ਅੰਬਾਰ


ਸਾਲ 2019 ਦੀ ਆਮਦ ਤੇ
ਆਪ ਸਭ ਨੂੰ ਬਹੁਤ - ਬਹੁਤ ਮੁਬਾਰਕਾਂ ਜੀ
ਹਸਦੇ ਰਹੋ ਵਸਦੇ ਰਹੋ


ਪ੍ਰੀਤ ਰਾਮਗੜ੍ਹੀਆ
 ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਸਮਾਂ ਬਦਲ ਗਿਆ, ਕਹਿੰਦੇ ਅੱਜਕੱਲ ਲੋਕ
ਡਿਜੀਟਲ ਹੋ ਗਈ, ਲੱਗਦਾ ਹੁਣ ` ਸੋਚ '
ਆਨਲਾਈਨ ਹੁੰਦੀਆਂ ਮੁਲਾਕਾਤਾਂ
ਦਿਨ ਛੋਟੇ ਲੰਮੀਆਂ ਰਾਤਾਂ
ਮੁਕ ਗਈ ਵਿਚਾਰਾਂ ਦੀ ਸਾਂਝ
ਸੋਸ਼ਲ ਸੰਦੇਸ਼ਾਂ ਦੀਆਂ ਹੁੰਦੀਆਂ ਬਰਸਾਤਾਂ...


ਵਿਅਸਤ ਹੋ ਗਏ ਸਭ ਆਪਣੇ ਆਪ `ਚ
ਨਿਗਾਹ ਟਿਕੀ ਰਹਿੰਦੀ ਮੋਬਾਇਲ ਤੇ
ਖੁਦ ਹੱਸੀ ਜਾਣ ਪੜ੍ਹ -ਪੜ੍ਹ ਜੋਕ
ਸ਼ੇਅਰ ਕਰਨ ਸਭ ਬਿਨਾਂ ਰੋਕ - ਟੋਕ
ਅਜਨਬੀ ਜਿਹੇ ਆਪਣੇ ਹੋ ਗਏ
ਘਰ ਪਰਿਵਾਰ ਵੀ ਪੜੋਸੀ ਜਿਹੇ ਹੋ ਗਏ....


ਵੰਨ -ਸੁਵੰਨੇ ਪੋਜ ਬਣਾ ਕੇ
ਸੈਲਫੀ ਲਈ ਜਾਣ ਹਰ ਥਾਂ ਤੇ ਜਾ ਕੇ
ਇੰਟਰਨੈੱਟ ਤੇ ਪਾ ਕੇ ਫੋਟੋਆਂ
ਕਰਦੇ ਗਿਣਤੀ ਲਾਈਕਸ ਵਧਾ ਕੇ
ਮਨਭਾਉਂਦਾ ਸਾਥੀ ਬਣ ਗਿਆ
ਇੰਟਰਨੈੱਟ ਨਾਲ ਰੂਹ ਦਾ ਰਿਸ਼ਤਾ ਜੁੜ ਗਿਆ....


ਘਰ ਵਿਚ ਬਜ਼ੁਰਗਾਂ ਦੀ ਪੁੱਛਣ ਬਾਤ ਨਾ
ਸੋਸ਼ਲ ਮੀਡੀਆ ਤੇ ਸਤਿਕਾਰਦੇ ਨੇ
ਭਗਵਾਨ ਦੇ ਦਰਸ਼ਨ ਵੀ ਅੱਜਕੱਲ
ਆਨਲਾਈਨ ਆਮ ਜਿਹੇ ਨੇ
ਕਹਿੰਦੇ ਹੁੰਦੀਆਂ ਪੂਰੀਆਂ ਮੰਨਤਾਂ
ਕਰ ਦਿਉ ਸ਼ੇਅਰ ਜੇ ਸੌ ਵਾਰੀ....


" ਪ੍ਰੀਤ " ਸੋਚ ਵਿਚਾਰ `ਚ ਪਿਆ
ਬਦਲਿਆ ਯੁੱਗ ਤਰੱਕੀ ਵੱਲ ਜਾਂ ਫਿਰ
ਹੋ ਗਿਆ ਗੁਲਾਮ ਇਨਸਾਨ
ਮਾੜੀ ਨਹੀਂ ਤਕਨੀਕ ਕੋਈ
ਵਰਤੋਂ ਹੋਵੇ ਜੇ ਸਹੀ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਪੈੜਾਂ ਦੇ ਨਿਸ਼ਾਨ ,
ਰੂਹ ਮੇਰੀ ਤੇ ਅੱਜ ਵੀ ਨੇ ।
ਲੈ ਗਏ ਚਾਹੇ ਸਾਰੀਆਂ ਨਿਸ਼ਾਨੀਆਂ,
ਉਹ ਜਾਂਦੇ - ਜਾਂਦੇ....।


ਖੁਸ਼ਬੂ ਬਣ ਕੇ ,
ਵਸੇ ਸੀ ਸਾਹਾਂ ਵਿਚ ।
ਰੁਕਿਆ ਨਾ ਹਾਸਾ ,
ਤੁਰ ਗਏ ਨਜ਼ਰਾਂ ਝੁਕਾ ।
ਸ਼ਿਕਵਾ ਨਹੀਂ ਸੀ ਕੋਈ ,
ਉਹਦੀ ਜੁਦਾਈ ਦਾ ,
ਕਿਉਂਕਿ ! ਖੁਸ਼ ਸੀ ਉਹ ,
ਸਾਨੂੰ ਛੱਡ ਕੇ..... ।


ਅਲਫਾਜ਼ ਮੇਰੇ ਗੀਤ ਤੇਰੇ ਬਣਾਉਂਦੇ ਆ ,
ਖੁਸ਼ੀ ਤੇਰੇ ਵਿਹੜੇ ਦੀ ਚਾਹੁੰਦੇ ਆ ,
ਮੁੜ ਸਾਰ ਨਾ ਲਈਂ ਤੂ ਮੇਰੀ ,
ਬੰਦ ਨੇ ਰਸਤੇ ਸਾਰੇ ,
ਜਿਹੜੇ ਵਾਪਿਸ ਮੇਰੇ ਵੱਲ ਆਉਂਦੇ ਆ... ।


ਸੁਰਖ ਖਾਬ ਦਿਖਾ ਕੇ ,
ਢਾਹੀਂ ਨਾ ਕਿਸੇ ਹੋਰ ਦਿਲ ਦੀ ਢੇਰੀ ,
ਇਸ਼ਕ ਰੱਬੀ ਰੂਪ ਇਬਾਦਤ ,
ਬਦਨਾਮ ਨਾ ਕਰੀਂ ,
ਭੱਠੀ ਸੁਆਰਥ ਦੀ ਵਿਚ ਪਾ ਕੇ.... ।


" ਪ੍ਰੀਤ " ਦੱਸ ਕੋਈ ਰਾਹ ,
ਦਸਤਕ ਨਾ ਦੇਵੇ ਕੋਈ ,
ਦਿਲ ਦੇ ਦਰਵਾਜ਼ੇ ਤੇ ਕੋਈ ਆ ਕੇ ।
ਬਚ ਦਿਲਾ ਦੁਨੀਆ ਮਤਲਬੀ ਤੋਂ ,
ਐਂਵੇਂ ਨਾ ਕਰਿਆ ਕਰ ਪਿਆਰ ,
ਜਜ਼ਬਾਤਾਂ ਦੇ ਘੇਰੇ ਵਿਚ ਆ ਕੇ ।


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਦਰਗਾਹਾਂ ਤੇ ਲੱਗਦੇ ਮੇਲੇ
ਪੱਥਰਾਂ ਨੂੰ ਲੋਕੀ ਪੂਜਦੇ ਆ
ਦਿਨ ਰਾਤ ਕਰਨ ਉਪਰਾਲੇ
ਮਿਹਰ ਰੱਬ ਦੀ ਲੋਚਦੇ ਆ...


ਰੱਬ ਅੱਗੇ ਕਰਨ ਅਰਦਾਸਾਂ
ਚਾਹੁਣ ਮਨਭਾਉਂਦੀ ਸੌਗਾਤਾਂ
ਚੜ੍ਹਨ ਚੜ੍ਹਾਵੇ ਮਹਿੰਗੀਆਂ ਵਸਤਾਂ
ਹੱਕ ਕਿਸੇ ਗਰੀਬ ਦਾ ਮਾਰ....


ਕਰਨ ਮਜਦੂਰ ਮਜਦੂਰੀ ਦਿਨ ਰਾਤ
ਫਿਰ ਵੀ ਬੱਚੇ ਵਿਲਕਦੇ ਭੁੱਖ ਨਾਲ
ਕਿਉਂ ਨਹੀਂ ਦਿਸਦਾ ਰੱਬ
ਕਿਸੇ ਗਰੀਬ ਇਨਸਾਨ ਚ...


ਸ਼ਿਲਾ ਤੇ ਨਾਮ ਲਿਖਾ ਕੇ
ਦਾਨੀ ਸੱਜਣ ਅਖਵਾਉਂਦੇ ਨੇ
ਠੋਕਰ ਮਾਰ ਕਿਸੇ ਲੋੜਵੰਦ ਦੇ
ਗਰੀਬ ਦਾ ਮਜਾਕ ਉਡਾਉਂਦੇ ਨੇ...


ਜੈ - ਜੈਕਾਰ ਆਪਣੀ
ਅੱਜਕਲ ਸਾਰੇ ਚਾਹੁੰਦੇ ਨੇ
ਸੌਂ ਗਈ ਏ ਜਮੀਰ
ਦਿਖਾਵਾ ਹਰ ਪਲ ਚਾਹੁੰਦੇ ਨੇ...


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ, ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਰੁੱਖਾਂ ਤੇ ਵਸਦੀਆਂ ਕਈ ਜਾਨਾਂ
ਰੁੱਖ ਬਣਦੇ ਹਵਾ ਦਾ ਸ੍ਰੋਤ
ਭੁੱਲ ਨਾ ਜਾਇੳ ਕਿਤੇ
ਮੁੱਕ ਗਏ ਇਹ ਰੁੱਖ ਜੇ
ਸਾਹਾਂ ਵਿਚ ਜਹਿਰ ਘੁਲ ਜਾਊ
ਨਾ ਹੋਣੇ ਕੋਈ ਬਾਗ ਬਗੀਚੇ
ਧਰਤੀ ਦਾ ਪਾਣੀ ਸੁੱਕ ਜਾਊ
ਆਪਣੀ ਜਿੰਦਗੀ ਖੁਦ ਮਿਟਾ ਕੇ
ਇਨਸਾਨ ਫਿਰ ਕੌਣ ਕਹਿਲਾਊ ....


ਨਾ ਕੱਟੀਏ , ਆਉ ਰੁੱਖ ਬਚਾਉ
ਇੱਕ - ਇੱਕ ਰੁੱਖ ਹੋਰ ਲਗਾਉ
ਵਾਤਾਵਰਣ ਜੀਵਨ ਅਨੁਕੂਲ ਬਣਾਉ....


ਕੁਦਰਤ ਨਾਲ ਸਾਡੀ ਇਹ ਅਣਦੇਖੀ
ਕਿਤੇ ਆਪਣੇ ਲਈ
ਬਣ ਨਾ ਜਾਵੇ ਖਤਰੇ ਦੀ ਘੰਟੀ
ਬੰਜਰ ਜ਼ਮੀਨ ਤੇ ਸੋਕੇ ਨਾ ਪਾ ਦੇਵੇ
ਬੂੰਦ ਪਾਣੀ ਲਈ ਨਾ ਤਰਸਾ ਦੇਵੇ...


ਸਮਾਂ ਨਾ ਹੱਥੋਂ ਖੁੰਝਾਈਏ
ਆਉ ਰੁੱਖ ਨਾ ਕੱਟੀਏ
ਹੋਰ ਲਗਾਈਏ
ਫ਼ਰਜ ਕੁਦਰਤ ਪ੍ਰਤੀ ਆਪਣਾ ਨਿਭਾਈਏ


ਪ੍ਰੀਤ ਰਾਮਗੜ੍ਹੀਆ
ਲੁਧਿਆਣਾ,  ਪੰਜਾਬ
ਮੋਬਾਇਲ : +918427174139
E-mail : Lyricistpreet@gmail.com

ਕਾਗਜ ਦੀ ਕਿਸ਼ਤੀ ਚ ਸਵਾਰ ਹੁੰਦੀ

ਮੁਹੱਬਤ ਏਨੀ ਲਾਪਰਵਾਹ ਹੁੰਦੀ

ਜਾਤਾਂ ਪਾਤਾਂ ਤੋਂ ਦੂਰ

ਮਹਿਬੂਬ ਤੇ ਕੁਰਬਾਨ ਹੁੰਦੀ....


ਰੰਗ ਨਾ ਦੇਖਦੀ ਚਮੜੀ ਦਾ

ਦਿਲ ਨੂੰ ਦਿਲ ਦੀ ਰਾਹ ਹੁੰਦੀ

ਕੀ ਕਰਨੇ ਰਾਣੀ ਹਾਰ

ਮਹਿਬੂਬ ਬਣ ਜਾਂਦਾ ਸ਼ਿੰਗਾਰ.....


ਮੁਹੱਬਤ ਹੁੰਦੀ ਅਣਜਾਣ

ਜਗ ਦੀਆਂ ਰੀਤਾਂ ਦੀ ਨਾ ਪਰਵਾਹ ਹੁੰਦੀ

ਰੂਹ ਦੀ ਰੂਹ ਨਾਲ ਗੱਲਬਾਤ ਹੁੰਦੀ

ਜਿਸਮ ਮੁੱਕ ਜਾਂਦਾ ਮੁੱਕ ਜਾਵੇ

ਮੁਹੱਬਤ ਦਰਗਾਹੀਂ ਪ੍ਰਵਾਨ ਹੁੰਦੀ.....


ਮੁਹੱਬਤ ਰੂਪ ਰੱਬ ਦਾ

ਇਲਾਹੀ ਇਬਾਦਤ ਦੀ ਰਾਹ ਹੁੰਦੀ

ਮੁਹੱਬਤ ਆਸ਼ਿਕਾਂ ਦੀ ਨਹੀਂ ਜਾਗੀਰ ਹੁੰਦੀ

ਦੁਨੀਆ ਫਿਰੇ ਰੱਬ ਲੱਭਦੀ

ਮੁਹੱਬਤ ਵਸਦੀ ਹਰ ਉਸ ਦਿਲ ਚ

ਰੱਬ ਪਾਉਣ ਦੀ ਜਿਸ ਨੂੰ ਚਾਹ ਹੁੰਦੀ

ਪ੍ਰੀਤ ਰਾਮਗੜ੍ਹੀਆ
 ਲੁਧਿਆਣਾ, ਪੰਜਾਬ
ਮੋਬਾਇਲ :  +918427174139
E-mail : Lyricistpreet@gmail.com

26 NOV. 2018