ਸ਼੍ਰੋਮਣੀ ਕਮੇਟੀ ਵੱਡੀ ਕਿ ਜਥੇਦਾਰ ? - ਮੇਜਰ ਸਿੰਘ ਬੁਢਲਾਡਾ
ਸ਼੍ਰੋਮਣੀ ਗੁਰਦੁਆਰਾ ਕਮੇਟੀ ਅੰਮ੍ਰਿਤਸਰ ਫੁੱਲ ਪਾਵਰ,
ਇਹ ਆਪਣੀ ਮਨਮਰਜ਼ੀ ਰਹੀ ਪੁਗਾ ਲੋਕੋ।
ਇਹਦੇ ਆਧੀਨ ਅਕਾਲ ਤਖ਼ਤ ਦਾ 'ਜਥੇਦਾਰ' ਹੁੰਦਾ
ਜਦ ਮਰਜ਼ੀ ਦੇਵੇ ਹਟਾਅ ਅਤੇ ਲਾ ਲੋਕੋ।
'ਜਥੇਦਾਰ' ਦਾ ਕਾਰਜਕਾਲ ਨਾ ਪੱਕਾ ਤਹਿ ਕਰਦੀ,
ਤਾਂ ਜੋ ਮਨਮਰਜ਼ੀ ਨਾਲ ਸਕੇ ਚਲਾ ਲੋਕੋ।
ਹੁਣ ਦੱਸੋ ਸ਼੍ਰੋਮਣੀ ਕਮੇਟੀ ਵੱਡੀ ਕਿ ਜਥੇਦਾਰ ?
ਮੈਨੂੰ ਇਹ ਸਮਝ ਰਹੀ ਨਾ ਆ ਲੋਕੋ।
ਲੇਖਕ - ਮੇਜਰ ਸਿੰਘ ਬੁਢਲਾਡਾ
94176 42327
'ਕੁੜੀਆਂ ਨੇ ਮੱਲਾਂ ਮਾਰੀਆਂ ਨੇ' - ਮੇਜਰ ਸਿੰਘ ਬੁਢਲਾਡਾ
ਅੱਠਵੀਂ, ਦਸਵੀਂ, ਬਾਰਵੀਂ ਕਲਾਸ ਵਿਚੋਂ,
ਕੁੜੀਆਂ ਤਿੰਨੇ ਸਥਾਨਾਂ ਵਿੱਚ ਮੱਲਾਂ ਮਾਰੀਆਂ ਨੇ।
ਸਰਕਾਰੀ ਸਕੂਲਾਂ ਦੇ ਮੋਹਰੀ ਰਹੇ ਬੱਚੇ,
ਬਹੁਤਿਆਂ ਦੇ ਮਾਪੇ ਕਰਨ ਦਿਹਾੜੀਆਂ ਨੇ।
ਇਹਨਾਂ ਦੀਆਂ ਕੀਤੀਆਂ ਮਿਹਨਤਾਂ ਰਾਸ ਆਈਆਂ,
ਤਾਂਹੀਂ ਉਚੀਆਂ ਭਰੀਆਂ ਉਡਾਰੀਆਂ ਨੇ।
ਇੱਕਵੰਜਾ ਹਜ਼ਾਰ ਦੇਕੇ ਤੇ ਬਾਕੀ ਐਲਾਨ ਕਰਕੇ,
ਸਰਕਾਰ ਨੇ ਪਹਿਲੀ ਵਾਰ ਧੀਆਂ ਸਤਿਕਾਰੀਆਂ ਨੇ।
ਔਰਤ ਨੂੰ ਨੀਵਾਂ ਦਿਖਾਉਂਦੀਆਂ ਅਨੇਕ ਗੱਲਾਂ,
ਇਹਨਾਂ ਆਪਣੀ ਕਾਬਲੀਅਤ ਨਾਲ ਨਕਾਰੀਆਂ ਨੇ।
'ਮੇਜਰ' ਧੀਆਂ ਪੁੱਤਾਂ ਵਿੱਚ ਨਾ ਕਦੇ ਫ਼ਰਕ ਸਮਝੋ,
ਇਹ ਕਿਵੇਂ ਵੀ ਪੁੱਤਾਂ ਨਾਲੋਂ ਨਾ ਮਾੜੀਆਂ ਨੇ।
ਲੇਖਕ - ਮੇਜਰ ਸਿੰਘ ਬੁਢਲਾਡਾ
94176 42327
'ਮੁੱਦਾ ਵੀ ਗਵਾ ਲਿਆ - ਮੇਜਰ ਸਿੰਘ ਬੁਢਲਾਡਾ
ਜਲੰਧਰ ਚ ਹੋਇਆ ਇਕੱਠ,ਕਈ ਰੰਗ ਵਿਖਾ ਗਿਆ।
ਕਹਿੰਦੇ "ਦੋਗਲਿਆਂ ਦੀਆਂ ਇਹ ਜੱਫੀਆਂ ਪਵਾ ਗਿਆ।"
ਜਿਹੜੇ ਕੰਮ ਲਈ ਇਕੱਠੇ ਹੋਏ, ਉਹ ਤਾਂ ਨਾ ਹੋਇਆ,
ਸਗੋਂ ਉਲਟਾ ਸਿਆਪਾ ਇਹਨਾਂ ਨਵਾਂ ਗਲ ਪਾ ਲਿਆ।
ਜੋ ਬੋਲਕੇ ਇਹਨਾਂ ਨੇ ਉਥੇ ਕਰਿਆ ਤਮਾਸ਼ਾ
ਇਹਨਾਂ ਦੇ ਆਪਣੇ ਚਿਹਰਿਆਂ ਤੋਂ ਮੁਖੌਟੇ ਲੁਹਾ ਗਿਆ।
ਮਸਾਂ ਮਿਲਿਆ ਸੀ ਜੋ ਦੂਜੇ ਵਿਆਹ ਵਾਲਾ 'ਮੁੱਦਾ'
ਮੈਨੂੰ ਲਗਦਾ ਵਿਰੋਧੀਆਂ ਨੇ ਉਹ ਵੀ ਗਵਾ ਲਿਆ।
ਚਿੱਤ ਚੇਤੇ ਵੀ ਨਹੀਂ ਸੀ ਜਿਹਨਾਂ ਦੇ ਵਿਆਹ,
ਉਹਨਾਂ ਬਜ਼ੁਰਗਾਂ ਦੇ ਵਿਆਹ ਦੀਆਂ ਗੱਲਾਂ ਕਰਵਾ ਗਿਆ।
ਮੇਜਰ ਸਿੰਘ ਬੁਢਲਾਡਾ
94176 42327
ਗੀਤ : 'ਵਿਰੋਧੀਆਂ ਤੋਂ ਜ਼ਰਿਆ ਨਾ ਜਾਵੇ ' - ਮੇਜਰ ਸਿੰਘ ਬੁਢਲਾਡਾ
ਲੋਕਾਂ ਨੇ ਜਿਤਾਏ, ਗਏ ਆਮ ਲੋਕ ਜਿੱਤ ਜੀ।
ਬੈਠਦੇ ਨੇ ਜਾਕੇ ਜਦ ਵਿਧਾਨ ਸਭਾ ਵਿੱਚ ਜੀ।
ਇਹ ਵਿਰੋਧੀਆਂ ਤੋਂ ਜ਼ਰਿਆ ਨਾ ਜਾਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਕਹਿੰਦੇ "ਮੁਬਾਇਲ ਚਾਰਜ਼ ਕਰਨ ਵਾਲੇ,
ਆ ਗਏ ਵਿਧਾਨ ਸਭਾ ਵਿੱਚ ਜੀ।
ਉਹ ਵੀ MLA ਬਣ ਗਏ,
ਜੋ ਸਰਪੰਚੀ ਸਕਦੇ ਨਾ ਜਿੱਤ ਜੀ।"
ਝੋਰਾ ਇਹਨਾਂ ਦੇ ਹੱਡਾਂ ਨੂੰ ਖਾਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਐੱਮ ਐੱਲ ਏ ਸਹਿਬਾਨਾਂ ਨੂੰ 'ਮਟੀਰੀਅਲ' ਦੱਸਦੇ।
ਉਡਾਉਂਦੇ ਨੇ ਮਖੌਲ ਇਹ ਤੰਜ ਭੈੜੇ ਕੱਸਦੇ।
ਆਪ ਕਿੰਨੇ ਸਿਆਣੇ, ਬੋਲ-ਬਾਣੀ ਦੱਸੀ ਜਾਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਬੁਖਲਾਏ ਦਿੰਦੇ ਨੇ ਬਿਆਨ, ਲੋਕ ਉਡਾਉਂਦੇ ਨੇ ਮਖੌਲ ਜੀ।
ਰਿਹਾ ਮੁੱਦਾ ਨਾ ਕੋਈ, ਇਹਨਾਂ ਵਿਰੋਧੀਆਂ ਦੇ ਕੋਲ ਜੀ।
ਦਿਨ ਰਾਤ ਨੂੰ ਚੈਨ ਨਾ ਆਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਪੈਨਸ਼ਨਾਂ ਇਕ ਤੋਂ ਵੱਧ ਕਰ ਦਿੱਤੀਆਂ ਨੇ ਬੰਦ ਜੀ।
ਘਪਲੇਬਾਜ਼ਾਂ ਨੂੰ ਰਹੇ ਵਾਰੀ ਵਾਰੀ ਟੰਗ ਜੀ।
ਡਰਨ, ਵਾਰੀ ਸਾਡੀ ਨਾ ਕਿਤੇ ਲੱਗ ਜਾਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਅਕਾਲੀ ਕਾਂਗਰਸੀਆਂ ਨੇ,
ਵਿਆਹ ਨੂੰ ਬਣਾ ਰੱਖਿਆ ਹੈ ਮੁੱਦਾ ਜੀ।
ਇਹਨਾਂ ਦੇ ਦਿਮਾਗ਼ ਉਤੇ ਠੀਕਰਾ ਵੱਜ ਗਿਆ ਮੂਧਾ ਜੀ।
ਹੋਰ ਮੁੱਦਾ ਨਾ ਇਹਨਾਂ ਨੂੰ ਕੋਈ ਥਿਆਵੇ
ਸੁਪਨਿਆਂ 'ਚ ਰਹਿਣ ਦਿਸਦੇ
ਪਰ ਪੇਸ਼ ਵੀ ਕੋਈ ਨਾ ਜਾਵੇ
ਨਾਲੇ ਭਗਵੰਤ ਮਾਨ ਦਿਸਦਾ...।
ਮੇਜਰ ਸਿੰਘ ਬੁਢਲਾਡਾ
94176 42327
ਸ਼ਹੀਦਾਂ ਦੇ ਸਿਰਤਾਜ ਦਾ ਰੁਤਬਾ' - ਮੇਜਰ ਸਿੰਘ 'ਬੁਢਲਾਡਾ'
ਬਾਦਸ਼ਾਹ 'ਜਹਾਂਗੀਰ' ਨੇ 'ਪੰਜਵੇਂ ਪਾਤਸ਼ਾਹ' ਨੂੰ,
ਮਾਰਨ ਲਈ ਸਖ਼ਤ ਹੁਕਮ ਸੁਣਾਇਆ ਸੀ।
'ਯਾਸਾ' ਮੁਤਾਬਕ ਨਾ ਧਰਤੀ ਤੇ ਖੂਨ ਡਿੱਗੇ,
ਤਾਹੀਂ ਤੱਤੀ ਤਵੀ ਉਤੇ ਬਿਠਾਇਆ ਸੀ।
ਤੱਤੀ ਰੇਤ ਪਾਈ ਸਾਰੇ ਸਰੀਰ ਉਤੇ,
ਜ਼ਾਲਮਾਂ ਤਰਸ ਰਤਾ ਨਾ ਖਾਇਆ ਸੀ।
"ਤੇਰਾ ਭਾਣਾ ਮੀਠਾ ਲਾਗੇ" ਉਚਾਰ ਮੂੰਹੋਂ,
ਅਨੋਖਾ ਕਾਰਨਾਮਾ ਕਰ ਦਿਖਾਇਆ ਸੀ।
ਪੂਰਾ ਰਾਹ ਸੀ ਬਚਨ ਦਾ ਮੌਤ ਕੋਲੋਂ,
ਪਰ ਐਸਾ ਕੋਈ ਨਾ ਰਾਹ ਅਪਣਾਇਆ ਸੀ।
'ਮੇਜਰ' ਤਸੀਹੇ ਭਰੀ ਮੌਤ ਗਲ ਲਾਈ,
ਸ਼ਹੀਦਾਂ ਦੇ ਸਿਰਤਾਜ ਦਾ ਰੁਤਬਾ ਪਾਇਆ ਸੀ।
ਲੇਖਕ - ਮੇਜਰ ਸਿੰਘ 'ਬੁਢਲਾਡਾ'
94176 42327
21.04.2023 ਨੂੰ ਜਨਮ ਦਿਨ ਤੇ ਵਿਸ਼ੇਸ਼ - 'ਪੰਜਾਬੀ ਦਾ ਪਹਿਲਾ ਪ੍ਰੋਫੈਸਰ' - ਮੇਜਰ ਸਿੰਘ ਬੁਢਲਾਡਾ
ਪੰਜਾਬੀ ਦਾ 'ਪਹਿਲਾ ਪ੍ਰੋਫੈਸਰ' ਹੋਣ ਦਾ ਵੱਡਾ ਮਾਣ ਮਿਲਿਆ,
'72 ਕਿਤਾਬਾਂ' ਦਾ ਲੇਖਕ ਪ੍ਰੋਫੈਸਰ 'ਦਿੱਤ ਸਿੰਘ' ਲੋਕੋ।
ਪਿਤਾ ਸੰਤ 'ਦਿਵਾਨ ਸਿੰਘ' ਘਰ, ਮਾਤਾ 'ਰਾਮ ਕੌਰ' ਦੀ ਕੁੱਖੋਂ
ਜਨਮ ਹੋਇਆ 'ਇੱਕੀ ਅਪ੍ਰੈਲ ਅਠਾਰਾਂ ਸੋ ਪੰਜਾਹ' ਵਿੱਚ ਲੋਕੋ।
ਜੀਵਨ ਸਾਥੀ ਬਿਸ਼ਨ ਕੌਰ,ਪਿੰਡ ਨੰਦਗੜ੍ਹ ਕਲੌੜ, ਫ਼ਤਹਿਗੜ੍ਹ ਸਾਹਿਬ,
ਬਲਦੇਵ ਸਿੰਘ, ਵਿਦਿਆਵੰਤੀ ਕੌਰ ਸੀ ਧੀ ਤੇ ਪੁੱਤ ਲੋਕੋ।
ਉਸ ਵਕਤ ਐਨੀਆਂ ਕਿਤਾਬਾਂ ਲਿਖਕੇ ਰਿਕਾਰਡ ਕਾਇਮ ਕਰਨਾ,
ਇਹ ਵੀ ਕੋਈ ਛੋਟੀ ਨਹੀਂ ਸੀ ਜਿੱਤ ਲੋਕੋ।
ਪ੍ਰਸਿੱਧ ਕਵੀ,ਪੱਤਰਕਾਰੀ ਦੇ ਪਿਤਾਮਾ, ਖਾਲਸਾ ਅਖ਼ਬਾਰ ਦੇ ਬਾਨੀ,
ਜਿਸ ਦੇ ਅੰਦਰੋਂ ਜੁੜੇ ਸੀ 'ਸਿੱਖੀ' ਨਾਲ ਹਿੱਤ ਲੋਕੋ।
'ਆਰੀਆ ਸਮਾਜੀ' ਸਵਾਮੀ 'ਦਯਾਨੰਦ' ਨਾਲ ਦੋ ਵਾਰ ਬਹਿਸ ਹੋਈ,
ਦੋਨੋਂ ਵਾਰ ਹਰਾਕੇ ਕਰਿਆ ਸਵਾਮੀ 'ਦਯਾ ਨੰਦ' ਚਿੱਤ ਲੋਕੋ।
'ਸਤਾਈ ਸੋ ਏਕੜ' ਦਾ ਮਾਲਕ ਬਾਬਾ ਖੇਮ ਸਿੰਘ 'ਬੇਦੀ' ,
ਅੰਮ੍ਰਿਤਸਰ ਦਰਬਾਰ ਸਾਹਿਬ ਹਰ ਮੰਦਾ ਕੰਮ ਕਰਦਾ ਨਿੱਤ ਲੋਕੋ।
ਗੁਰੂ 'ਨਾਨਕ' ਦੀ ਤੇਰਵੀਂ ਵੰਸ਼ ਵਿਚੋਂ ਦੱਸਕੇ ਬਣ ਬੈਠਾ ਗੁਰੂ,
ਅੰਗਰੇਜ਼ਾਂ ਦੇ ਥਾਪੜੇ ਕਰਕੇ ਸਮਝਦਾ ਸਭ ਨੂੰ ਟਿੱਚ ਲੋਕੋ।
ਪ੍ਰੋ. ਦਿੱਤ ਸਿੰਘ ਨੇ ਨਾ ਕਿਸੇ ਭੋਰਾ ਪ੍ਰਵਾਹ ਕੀਤੀ,
'ਬੇਦੀ' ਦੇ ਥੱਲਿਓਂ ਬਾਹਰ ਮਾਰੀ ਸੀ 'ਗੱਦੀ' ਖਿੱਚ ਲੋਕੋ।
ਸਿੱਖੀ ਦੇ ਠੇਕੇਦਾਰਾਂ ਨੇ ਭੋਰਾ ਨਾ ਪਾਈ ਕਦਰ ਇਹਦੀ,
ਸ਼ਾਇਦ ਇਹਦੀ 'ਜ਼ਾਤ' ਨਿਗਾਹ ਵਿੱਚ ਬੈਠੀ ਨਾ ਫਿੱਟ ਲੋਕੋ।
ਨਹੀਂ ਤਾਂ ਇਹਦੇ ਨਾਮ ਤੇ ਅਨੇਕਾਂ ਸਕੂਲ ਕਾਲਜ ਬਣਵਾਏ ਹੁੰਦੇ।
'ਮੇਜਰ' ਜੇ ਪ੍ਰੋਫੈਸਰ ਦਿੱਤ ਸਿੰਘ 'ਰਵਿਦਾਸੀਆ' ਵਿੱਚੋਂ ਨਾ ਆਏ ਹੁੰਦੇ।
ਲੇਖਕ - ਮੇਜਰ ਸਿੰਘ ਬੁਢਲਾਡਾ
94176 42327
ਵਿਸਾਖੀ ਤੇ ਵਿਸ਼ੇਸ਼ -
'ਗੁਰੂ ਗੋਬਿੰਦ ਸਿੰਘ ਜੀ' - ਮੇਜਰ ਸਿੰਘ 'ਬੁਢਲਾਡਾ'
ਮੇਰੇ ਸ਼ਹਿਨਸ਼ਾਹ ਗੁਰੂ ਗੋਬਿੰਦ ਸਿੰਘ ਤੋਂ,
ਮੈਂ ਜਾਵਾਂ ਬਲਿਹਾਰ ਲੋਕੋ।
ਜਿਸਨੇ ਦੱਬੇ ਕੁਚਲਿਆਂ ਲੋਕਾਂ ਨੂੰ,
ਲਾਕੇ ਗਲ਼ ਨਾਲ ਦਿੱਤਾ ਸਤਿਕਾਰ ਲੋਕੋ।
ਜਿਹਨਾਂ ਤੇ ਲੱਗੀਆਂ ਸੀ ਪਾਬੰਦੀਆਂ,
ਜਿਹਨਾਂ ਦੇ ਖੋਹੇ ਸੀ ਸਭੇ ਅਧਿਕਾਰ ਲੋਕੋ।
ਨਫ਼ਰਤ ਕਰਦੇ ਸੀ ਅਖੌਤੀ ਉੱਚ ਜਾਤੀ,
ਨੀਚ ਸਮਝਕੇ ਦਿੰਦੇ ਦੁਰਕਾਰ ਲੋਕੋ।
ਅਖੌਤੀ ਉੱਚੇ ਨੀਵਿਆਂ ਨੂੰ ਇੱਕ ਬਾਟੇ,
'ਅੰਮ੍ਰਿਤ' ਛਕਾਇਆ ਸੀ ਨਾਲ ਪਿਆਰ ਲੋਕੋ।
ਸਸਤਰਹੀਣ ਲੋਕਾਂ ਨੂੰ ਫੜਾ ਸਸਤਰ,
ਚੜਾਇਆ ਘੋੜਿਆਂ ਤੇ ਕਰਕੇ ਤਿਆਰ ਲੋਕੋ।
ਸੱਚੀ ਸੁੱਚੀ ਵਿਚਾਰਧਾਰਾ ਮੇਰੇ 'ਪਾਤਿਸ਼ਾਹ' ਦੀ,
ਜੋ ਦਿੱਤੀ ਬਹੁਤਿਆਂ ਨੇ ਵਿਸਾਰ ਲੋਕੋ।
'ਮੇਜਰ' ਤਾਹੀਂ ਅੱਜ ਸਿੱਖ ਕੌਮ ਅੰਦਰ,
ਆਇਆ ਹੈ ਵੱਡਾ ਨਿਘਾਰ ਲੋਕੋ।
ਸੰਪਰਕ : 94176 42327
'ਬਹੁਗਿਣਤੀ ਨੇ ਬੇਈਮਾਨ' - ਮੇਜਰ ਸਿੰਘ ਬੁਢਲਾਡਾ
ਦੇਸ਼ ਵਿੱਚ ਬਹੁਗਿਣਤੀ ਮੂਰਖਾਂ ਦੀ
ਬੜੀ ਘਾਟ ਇਥੇ ਗਿਆਨੀਆਂ ਦੀ।
ਅੰਧ ਵਿਸ਼ਵਾਸ਼ੀਆਂ ਦੀ ਵੱਡੀ ਭੀੜ,
ਨਾ ਕਦਰ ਕਰੇ ਵਿਗਿਆਨੀਆਂ ਦੀ।
ਗ਼ਰੀਬਾਂ ਦੀ ਗਿਣਤੀ ਵਧਣ ਲਈ,
ਹਾਕਮ ਸੋਚ ਭਰੀ ਸ਼ੈਤਾਨੀਆਂ ਦੀ।
ਘਾਟ ਨਾ ਭੁੱਖ ਨਾਲ ਮਰਦਿਆਂ ਦੀ,
ਵੱਡੀ ਘਾਟ ਹੈ ਰੱਜੇ ਦਾਨੀਆਂ ਦੀ।
ਘਾਟ ਨਾ ਨੀਤ ਦੇ ਭੁੱਖਿਆਂ ਦੀ,
ਹੈ ਘਾਟ ਨੀਤੋ ਰੱਜੇ ਪ੍ਰਾਣੀਆਂ ਦੀ।
ਖੁਸ਼ੀਆਂ ਮਾਣਦੇ ਪਏ ਨੇ ਬੜੇ ਲੋਕੀ,
ਵਧੇਰੇ ਪੰਡ ਚੁੱਕੀ ਫਿਰਨ ਪ੍ਰੇਸ਼ਾਨੀਆਂ ਦੀ।
ਜ਼ਾਤ ਪਾਤ ਹੈ ਛੂਆ ਛਾਤ ਬੜੀ,
ਬਹੁਗਿਣਤੀ ਹੈ ਜ਼ਾਤ ਦੇ ਹਾਮੀਆਂ ਦੀ।
ਇਮਾਨਦਾਰਾਂ ਦੀ ਵੱਡੀ ਘਾਟ ਇਥੇ,
ਮੇਜਰ ਬਹੁਗਿਣਤੀ ਨੇ ਬੇਈਮਾਨ ਯਾਰੋ।
ਪਤਾ ਨਹੀਂ ਦੇਸ਼ ਮੇਰੇ ਦਾ ਕੀ ਬਣੂ ?
ਕੁਰੱਪਟ ਲੱਗੇ ਦੇਸ ਨੂੰ ਖਾਣ ਯਾਰੋ।
ਮੇਜਰ ਸਿੰਘ ਬੁਢਲਾਡਾ
94176 42327
'ਗਿਆਨ ਦੇ ਲੰਗਰ ਲਾਏ ਹੁੰਦੇ' - ਮੇਜਰ ਸਿੰਘ ਬੁਢਲਾਡਾ
'ਸਿੱਖੀ' ਦੀ ਸਮਝ ਜੇ ਹੁੰਦੀ 'ਮੰਡੀਰ' ਤਾਈਂ,
ਵਾਰਾਂ ਯੋਧਿਆਂ ਦੀਆਂ ਸੁਣਦੇ ਸੁਣਾਂਵਦੇ ਜੀ।
ਕਿਲਕਾਰੀਆਂ ਮਾਰਦੇ ਨਾ ਕਰਦੇ ਹੁੱਲੜਬਾਜ਼ੀ,
ਵਕਤਾਂ ਵਿਚ ਪੈਂਦੇ ਨਾ ਕਿਸੇ ਨੂੰ ਪਾਂਵਦੇ ਜੀ।
'ਹੋਲੇ ਮੁਹੱਲੇ' ਦਾ ਲੈਂਦੇ ਇਹ ਆਨੰਦ ਪੂਰਾ,
ਨਾ ਇਹ ਆਪਣੀ ਕਰਤੂਤ ਖਿੰਡਾਂਵਦੇ ਜੀ।
ਚਾਂਭਲੀ ਮੁੰਡੀਰ ਨੂੰ ਕਿਸੇ ਨਾ ਵਰਜਨਾਂ ਸੀ ,
ਨਾ ਕਿਸੇ ਖਾਲਸੇ ਨੂੰ ਮਾਰ ਮੁਕਾਂਵਦੇ ਜੀ।
ਜੇ ਸਿੱਖਾਂ ਨੇ ਗਿਆਨ ਦੇ ਲੰਗਰ ਲਾਏ ਹੁੰਦੇ,
ਮੇਜਰ ਐਸੇ ਦਿਨ ਨਾ ਕਦੇ ਆਂਵਦੇ ਜੀ।
ਲੇਖਕ- ਮੇਜਰ ਸਿੰਘ ਬੁਢਲਾਡਾ
94176 42327
'ਸਿੱਖੀ ਦੀਆਂ ਹੋਣ ਗੱਲਾਂ' - ਮੇਜਰ ਸਿੰਘ ਬੁਢਲਾਡਾ
'ਲੰਗਰ' ਬਹੁਤ ਲਾ ਲਏ ਖਾਣ ਪੀਣ ਦੇ,
ਹੁਣ ਗਿਆਨ ਦੇ ਲੰਗਰ ਲਗਾਓ ਸਿੱਖੋ!
ਵਿਗੜੀ ਫਿਰਦੀ ਇਥੇ 'ਮੁੰਡੀਰ' ਜਿਹੜੀ,
ਗੁਰੂ ਦੀ ਸੋਚ ਇਹਨਾਂ ਨੂੰ ਸਮਝਾਓ ਸਿੱਖੋ!
ਚੰਗੇ ਵਿਦਵਾਨਾਂ ਦੀਆਂ ਲਿਖਤਾਂ ਪੜ੍ਹਨ ਲਈ,
ਹਰ ਇਕ ਨੂੰ ਆਦਤ ਪਵਾਓ ਸਿੱਖੋ!
ਦਿਮਾਗ਼ਾਂ ਵਿਚੋਂ ਕੱਢਣ ਲਈ ਕੂੜ ਤੁਸੀਂ,
ਇਹਨਾਂ ਦੇ ਦਿਮਾਗ਼ ਵਰਤਣ ਲਾਓ ਸਿੱਖੋ!
ਹਰ ਪਾਸੇ ਸਿੱਖੀ ਦੀਆਂ ਹੋਣ ਗੱਲਾਂ,
ਮੇਜਰ ਕੋਈ ਐਸੀ ਵਿਉਂਤ ਬਣਾਓ ਸਿੱਖੋ!
ਲੇਖਕ- ਮੇਜਰ ਸਿੰਘ ਬੁਢਲਾਡਾ
94176 42327
