19-10-2026

ਪਹਿਲਾਂ ਪਰਗਟ ਸਿੰਘ ਹਿਮਾਚਲ ਦੀਆਂ ਕੈਮੀਕਲ ਨਸ਼ਾ ਫ਼ੈਕਟਰੀਆਂ ਬੰਦ ਕਰਵਾਉਣ- ਸ਼ਵੇਤ ਮਲਿਕ

ਸ਼ਵੇਤ ਮਲਿਕ ਜੀ, ਖੁੱਲ੍ਹੀਆਂ ਸਬਸਿਡੀਆਂ ਤੇ ਟੈਕਸ-ਛੋਟਾਂ ਦੇ ਕੇ ਇਹ ਖੁਲ੍ਹਵਾਈਆਂ ਕੀਹਨੇ ਸੀ?

ਭਾਰਤ ਉੱਪਰ ਟੈਰਿਫ਼ ਲਗਾਉਣ ਵਾਲੇ ਕਾਨੂੰਨ ‘ਤੇ ਟਰੰਪ ਨੇ ਖ਼ੁਦ ਹੀ ਰੋਕ ਲਗਾਈ- ਇਕ ਖ਼ਬਰ

ਸਿਆਸੀ ਲੋੜ ਹੈ ਮਿੱਤਰੋ ਬਹੁਤ ਡਾਢੀ, ਥੁੱਕ ਕੇ ਚੱਟਣ ਵਿਚ ਸ਼ਰਮ ਨਾ ਕੋਈ।

ਪੰਜਾਬ ਪੁਲਿਸ ਦਾ ਹੈੱਡ ਕਾਂਸਟੇਬਲ 15 ਕਿੱਲੋ ਹੈਰੋਇਨ ਸਣੇ ਗ੍ਰਿਫ਼ਤਾਰ- ਇਕ ਖ਼ਬਰ

ਜ਼ਰਾ ਉੱਠ ਕੇ ਦੇਖ ਲੈ ਰੁਕਨਦੀਨਾ, ਇੱਥੇ ਵਾੜ ਹੀ ਖੇਤ ਨੂੰ ਖਾਂਵਦੀ ਏ।

ਅਲਬਰਟਾ ਰੈਫ਼ਰੈਂਡਮ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ਕਾਰਨੀ ਦੀ ਅਮਰੀਕਾ ਨੂੰ ਚਿਤਾਵਨੀ- ਇਕ ਖ਼ਬਰ

ਜ਼ਰਾ ਸੋਚ ਕੇ ਗੰਦਲ ਨੂੰ ਹੱਥ ਪਾਈਂ, ਕਿਹੜੇ ਏਂ ਤੂੰ ਸਾਗ ਤੋੜਦੀ।

ਏਸ਼ੀਆ ‘ਚ ਸਾਈਬਰ ਵਿਤੀ ਧੋਖਾਧੜੀ ਦੇ ਮਾਮਲਿਆਂ ‘ਚ ਪਾਕਿਸਤਾਨ ਸਿਖਰ ‘ਤੇ- ਇਕ ਖ਼ਬਰ

ਬਦਨਾਮ ਭੀ ਹੋਂਗੇ ਤੋ ਕਿਆ ਨਾਮ ਨਾ ਹੋਗਾ।

ਸਿੰਘਾਸਨ ਖ਼ਾਲੀ ਕਰੋ, ਜਨਤਾ ਆ ਰਹੀ ਹੈ- ਸ਼ਸ਼ੀ ਥਰੂਰ

ਚੁੱਕ ਚਰਖ਼ਾ ਪਰ੍ਹਾਂ ਕਰ ਪੀੜ੍ਹੀ, ਛੜਿਆਂ ਨੇ ਬੋਕ ਬੰਨ੍ਹਣਾਂ।

ਜੰਤਰ ਮੰਤਰ ਬੰਦ ਕਰਨ ਦੇ ਵਿਰੁੱਧ ਅਸੀਂ ਆਪਣਾ ਅੰਦੋਲਨ ਹੋਰ ਤਿੱਖਾ ਕਰਾਂਗੇ- ਦੀਪਕੇ

ਵਾਰਸ ਸ਼ਾਹ ਨਾ ਮੁੜਾਂ ਰੰਝੇਟੜੇ ਤੋਂ, ਭਾਵੇਂ ਬਾਪ ਦੇ ਬਾਪ ਦਾ ਬਾਪ ਆਵੇ।

ਪੂਰਾ ਭਾਰਤ ਅੱਜ ਸੁਪਰੀਮ ਕੋਰਟ ਵਲ ਮਾਰਚ ਕਰੇਗਾ- ਰਾਹੁਲ ਗਾਂਧੀ

ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ, ਦਾਰੂ ਪੀ ਕੇ ਮਿੱਤਰਾਂ ਨੇ।

ਸੁਪਰੀਮ ਕੋਰਟ ਦੇ ਚੀਫ਼ ਜਸਟਿਸ ਨੇ ਵਿਰੋਧੀ ਧਿਰ ਨਾਲ ਮੁਲਾਕਾਤ ਕਰਨ ਤੋਂ ਕੀਤਾ ਇਨਕਾਰ- ਇਕ ਖ਼ਬਰ

ਮੂੰਹ ਉਂਗਲਾਂ ਘੱਤ ਕੇ ਕਹਿਣ ਸਭੇ, ਕਾਰੇ ਕਰਨ ਥੀਂ ਇਹ ਨਾ ਸੰਗਦਾ ਏ।

ਸਿਸਟਮ ਨੂੰ ਵਿਦਿਆਰਥੀ ਨਹੀਂ, ਅੰਨ੍ਹੇ ਭਗਤ ਚਾਹੀਦੇ ਹਨ- ਰਾਹੁਲ ਗਾਂਧੀ

ਟੁੱਟ ਪੈਣੇ ਜੇਠ ਦਾ ਮੁੰਡਾ, ਚੀਰਾ ਬੰਨ੍ਹ ਕੇ ਸਾਹਮਣੇ ਬਹਿੰਦਾ।

ਟਰੇਨਾਂ ਰੱਦ ਕਰਨ ਜਾਂ ਭਾਵੁਕ ਅਪੀਲਾਂ ਕਰਨ ਨਾਲ ਅੰਦੋਲਨ ਨਹੀਂ ਰੁਕਦੇ ਹੁੰਦੇ- ਰਵੀਇੰਦਰ ਸਿੰਘ

ਬੀਜ ਰਹੀ ਤੂੰ ਦਿੱਲੀਏ ਬੀਜ ਅੱਕਾਂ ਦੇ, ਵੱਢ ਚੰਦਨ ਦਾ ਟਹਿਣਾ। 

‘ਇਕ ਦੇਸ਼, ਇਕ ਚੋਣ’ ਸਿਰਫ਼ ਨਾਅਰਾ ਹੈ, ਇਰਾਦਾ ‘ਇਕ ਦੇਸ਼, ਇਕ ਰਾਜਨੀਤਕ ਪਾਰਟੀ’ ਦਾ ਹੈ- ਦੀਪਕੇ

ਕੰਢੇ ਕੰਢੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਲੜਾਈ ਆਸਾਨ ਨਹੀਂ ਹੋਵੇਗੀ, ਲੰਬੇ ਅੰਦੋਲਨ ਲਈ ਤਿਆਰ ਰਹੋ- ਕਾਕਰੋਚ ਜਨਤਾ ਪਾਰਟੀ

ਵਿਹੜੇ ਖੇੜਿਆਂ ਦੇ ਤਿਲਕਣਬਾਜ਼ੀਆਂ ਨੇ, ਜ਼ਰਾ ਸੰਭਲ ਕੇ ਕਦਮ ਟਿਕਾਉ ਬੱਚਾ।

ਹਰ ਵਿਅਕਤੀ ਨੂੰ ਨਿਆਂ ਤੱਕ ਪਹੁੰਚ ਦਾ ਬਰਾਬਰ ਅਧਿਕਾਰ- ਸੁਪਰੀਮ ਕੋਰਟ

ਭਗਤੇ ਨੂੰ ਖੰਡ ਪਾ ਦਿਉ, ਐਰ-ਗ਼ੈਰ ਨੂੰ ਸ਼ੱਕਰ ਦਾ ਦਾਣਾ।

ਸੀ.ਜੇ.ਪੀ. ਨੇ ਵਿਰੋਧ ਪ੍ਰਦਰਸ਼ਨ ਜਾਰੀ ਰੱਖਣ ਦਾ ਲਿਆ ਸੰਕਲਪ- ਇਕ ਖ਼ਬਰ

ਸੁੱਚਿਆਂ ਰੁਮਾਲਾਂ ਨੂੰ, ਲਾ ਦੇ ਧੰਨ ਕੁਰੇ ਗੋਟਾ।

ਦੋ ਸਾਲਾਂ ਤੋਂ ਪਰਵਿੰਦਰ ਸਿੰਘ ਦੇ ਕਤਲ ਦੀ ਸਾਜ਼ਿਸ਼ ਰਚ ਰਿਹਾ ਸੀ ਅਸ਼ਵਨੀ- ਇਕ ਖ਼ਬਰ

 ‘ਮੱਕਾ ਸਮਝੌਤਾ’ ਲਾਗੂ ਹੁੰਦਿਆਂ ਹੀ ਇਰਾਨ ਨੇ ਪਾਕਿਸਤਾਨ ਵਿਰੁੱਧ ਖੋਲ੍ਹਿਆ ਮੋਰਚਾ- ਇਕ ਖ਼ਬਰ

 ਦੂਜੇ ਦੇਸ਼ਾਂ ’ਤੇ ਪਾਬੰਦੀਆਂ ਲਗਾ ਕੇ ਹੁਣ ਅਮਰੀਕਾ ਖ਼ੁਦ ਰੂਸ ਤੋਂ ਤੇਲ ਖ਼ਰੀਦੇਗਾ- ਇਕ ਖ਼ਬਰ

 ਰਾਸ਼ਟਰਪਤੀ ਨੇ ਵੋਟ ਚੋਰੀ ਤੋਂ ਇਨਕਾਰ ਨਹੀਂ ਕੀਤਾ- ਰਾਹੁਲ ਗਾਂਧੀ

ਚੋਣ ਕਮਿਸ਼ਨ ਵਿਰੁਧ ਰਾਜਘਾਟ ‘ਤੇ ਡਟੀ ਵਿਰੋਧੀ ਧਿਰ- ਇਕ ਖ਼ਬਰ

 ਨਿਕਾਸੀ ਨਾ ਹੋਣ ਕਾਰਨ ਐਫ.ਸੀ.ਆਈ. ਗੁਦਾਮਾਂ ਅੰਦਰ ਰੁਲ਼ ਰਿਹਾ ਅਨਾਜ- ਇਕ ਖ਼ਬਰ

ਕੇਰਲਮ ‘ਚ ਗਿਆਨੇਸ਼ ਕੁਮਾਰ ਖ਼ਿਲਾਫ਼ ਰਿਸ਼ਵਤ ਦਾ ਕੇਸ ਮੁੜ ਖੁੱਲ੍ਹਿਆ- ਇਕ ਖ਼ਬਰ

ਰੂਸ ਹਮੇਸ਼ਾ ਯੂਕਰੇਨ ਨਾਲ ਗੱਤਲਾਤ ਲਈ ਤਿਆਰ- ਕ੍ਰੈਮਲਿਨ

ਅਮਰੀਕਾ ਵਲੋਂ ਮੁੜ ਇਰਾਨ ਉੱਤੇ ਵੱਡੇ ਹਮਲੇ ਦੀ ਤਿਆਰੀ- ਇਕ ਖ਼ਬਰ

ਤਾਮਿਲਨਾਡੂ: ਹਿੰਦੀ ਵਿਚ ਸਾਈਨਬੋਰਡ ਲਿਖਣ ਕਾਰਨ ਦੋ ਅਫ਼ਸਰ ਮੁਅਤਲ- ਇਕ ਖ਼ਬਰ

13.10.2026

‘ਯੁੱਧ ਨਸ਼ਿਆਂ ਵਿਰੁੱਧ’ ਦੀ ਟੀ-ਸ਼ਰਟ ਪਾ ਕੇ ਡਰੱਗ ਵੇਚ ਰਿਹਾ ਨੌਜਵਾਨ ਫੜਿਆ ਗਿਆ- ਇਕ ਖ਼ਬਰ

ਬਗਲ ਮੇਂ ਛੁਰੀ, ਮੂੰਹ ਮੇਂ ਰਾਮ ਰਾਮ।

ਭਾਜਪਾ ਜਿੰਨੇ ਮਰਜ਼ੀ ਛਾਪੇ ਮਰਵਾ ਲਵੇ, ਸਾਡੇ ਕੋਲੋਂ ਕੁਝ ਨਹੀਂ ਲੱਭਣਾ- ਭਗਵੰਤ ਮਾਨ                   

ਨੰਗਾ ਪੁੱਤ ਚੋਰਾਂ ‘ਚ ਖੇਲੇ।

ਅੰਮ੍ਰਿਤਸਰ ਅਤੇ ਲੁਧਿਆਣਾ ਵਿਚ ਗ਼ੈਰ-ਕਾਨੂੰਨੀ ਮਾਈਨਿੰਗ ਦਾ ਪਰਦਾ ਫ਼ਾਸ਼- ਮੰਤਰੀ ਗੋਇਲ

ਇਹ ਪਰਦੇ ਤਾਂ ਕਈ ਸਾਲਾਂ ਤੋਂ ਫ਼ਾਸ਼ ਹੋ ਰਹੇ ਐ, ਬਸ ਐਕਸ਼ਨ ਹੀ ਨਹੀਂ ਹੁੰਦਾ ਕੋਈ।

ਅਮਰਜੀਤ ਸਿੰਘ ਚਾਵਲਾ ਕੇਸ ਦੀ ਪੜਤਾਲ ਸੀ.ਬੀ.ਆਈ. ਤੋਂ ਕਰਵਾਈ ਜਾਵੇ- ਐਡਵੋਕੇਟ ਧਾਮੀ

ਕਿਉਂਕਿ ਸੀ.ਬੀ.ਆਈ. ਸਾਡੀ ਭੂਆ ਐ, ਭਤੀਜਿਆਂ ਨੂੰ ਉਹ ਤੱਤੀ ਹਵਾ ਨਹੀਂ ਲੱਗਣ ਦੇਵੇਗੀ।

ਕਾਨੂੰਨ ਤੋੜਿਆ ਤਾਂ ਚੋਣ ਕਮਿਸ਼ਨ ਦੇ ਫ਼ੈਸਲੇ ਹੋਣਗੇ ਰੱਦ- ਸੁਪਰੀਮ ਕੋਰਟ

ਹੁਣ ਹੋਰ ਕਿਹੜੇ ਸਬੂਤ ਚਾਹੀਦੇ ਆ, ਸਭ ਕੁਝ ਤਾਂ ਹੋ ਗਿਆ ਨੰਗਾ ਸੁਪਰੀਮ ਕੋਰਟ ਜੀ।

ਭਾਰਤ ‘ਚ ਅਧਿਆਪਕਾਂ ਦੀਆਂ 11 ਲੱਖ ਆਸਾਮੀਆਂ ਖ਼ਾਲੀ- ਯੂਨੈਸਕੋ

ਨਾ ਕੋਈ ਪੜ੍ਹੇ ਲਿਖੇ ਤੇ ਨਾ ਮੰਗੇ ਨੌਕਰੀ।

ਜੰਮੂ ‘ਚ ਸਿੱਖਾਂ ਵਲੋਂ ਪੰਜਾਬੀ ਭਾਸ਼ਾ ਦੀ ਬਹਾਲੀ ਲਈ ਪ੍ਰਦਰਸ਼ਨ- ਇਕ ਖ਼ਬਰ

ਨਹਿਰੂ ਵਲੋਂ ਦਿਤਾ ਹੋਇਆ ਨਿੱਘ ਮਾਣੋ ਸਿੱਖੋ।

ਪੰਜਾਬ ‘ਚ ਹੁਣ ਬਦਲਾਅ ਦੀ ਲੋੜ- ਮਨੋਜ ਤਿਵਾੜੀ

ਤਿਵਾੜੀ ਸਾਬ ਕੇਂਦਰ ਬਾਰੇ ਕੀ ਖਿਆਲ ਐ?

ਪਾਕਿਸਤਾਨ ਨੇ ਮੱਕਾ ਸਮਝੌਤੇ ਤੋਂ ਪੈਰ ਪਿਛਾਂਹ ਖਿੱਚਣੇ ਸ਼ੁਰੂ ਕੀਤੇ- ਇਕ ਖ਼ਬਰ

ਕੋਹ ਤੁਰੀ ਨਾ ਅਖੇ ਬਾਬਾ ਤ੍ਰਿਹਾਈ।

ਚਾਵਲਾ ਮਾਮਲੇ ‘ਚ ਸੁਖਬੀਰ ਬਾਦਲ ਅਤੇ ਸ਼੍ਰੋਮਣੀ ਕਮੇਟੀ ਦੀ ਚੁੱਪ ਵੱਡੇ ਸਵਾਲ ਖੜ੍ਹੇ ਕਰ ਰਹੀ ਹੈ- ਬਲਤੇਜ ਪੰਨੂੰ

ਚੋਰ ਦੀ ਮਾਂ ਕੋਠੀ ‘ਚ ਮੂੰਹ।

ਮੌਜੂਦਾ 111 ਸਾਂਸਦਾਂ ਅਤੇ ਵਿਧਾਇਕਾਂ ਨੇ ਬਦਲੀ ਪਾਰਟੀ- ਏ.ਡੀ.ਆਰ.

ਗੰਗਾ ਗਏ ਗੰਗਾ ਰਾਮ, ਜਮਨਾ ਗਏ ਜਮਨਾ ਦਾਸ।

ਸੀ.ਜੇ.ਪੀ. ਦੇ ਵਿਰੋਧ ਪ੍ਰਦਰਸ਼ਨ ਕਾਰਨ ਜਨਤਾ ਹੋਈ ਪ੍ਰੇਸ਼ਾਨ- ਇਕ ਖ਼ਬਰ

ਸੀ.ਜੇ.ਪੀ. ਕਰ ਕੇ ਨਹੀਂ ਪੁਲਿਸ ਦੀਆਂ ਧਾੜਾਂ ਕਰ ਕੇ ਜਨਤਾ ਪ੍ਰੇਸ਼ਾਨ ਹੋਈ।

ਅਹੁਦਾ ਸੰਭਾਲਣ ਤੋਂ ਪਹਿਲਾਂ ਫੂਕ- ਫੂਕ ਕੇ ਕਦਮ ਰੱਖ ਰਹੇ ਹਨ ਪਰਗਟ ਸਿੰਘ- ਇਕ ਖ਼ਬਰ

ਗੋਰਾ ਰੰਗ ਨਾ ਕਿਸੇ ਨੂੰ ਰੱਬ ਦੇਵੇ, ਸਾਰਾ ਪਿੰਡ ਵੈਰ ਪੈ ਗਿਆ।

ਪ੍ਰਧਾਨ ਧਾਮੀ ਨੂੰ ਸੰਗਤਾਂ ਦੇ ਹਰ ਸਵਾਲ ਦਾ ਜਵਾਬ ਦੇਣਾ ਪਵੇਗਾ- ਪੁਨਰ ਸੁਰਜੀਤ ਅਕਾਲੀ ਦਲ

ਜਦੋਂ ਕੱਢ ਕੇ ਵਹੀ ਲੇਖਾ ਮੰਗਿਆ, ਫਿਰ ਕੀ ਜਵਾਬ ਦੇਵੇਂਗਾ?

ਵਿਵਾਦਾਂ ‘ਚ ਘਿਰੇ ਚੋਣ ਕਮਿਸ਼ਨ ਨੇ ਲਏ ਅਹਿਮ ਫ਼ੈਸਲੇ- ਇਕ ਖ਼ਬਰ

ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

================================================================================

14.09.2026

ਸੰਦੀਪ ਮਹਿਤਾ ਨੇ ਰਾਜਸਥਾਨ ਦੀ ਹਾਈ ਕੋਰਟ ਦੇ ਜੱਜ ਵਿਰੁੱਧ ਸੀ.ਜੇ.ਆਈ. ਨੂੰ ਲਿਖੀ ਚੌਥੀ ਚਿੱਠੀ- ਇਕ ਖ਼ਬਰ

ਚਿੱਠੀਆਂ ਸਾਹਿਬਾਂ ਜੱਟੀ ਨੇ, ਲਿਖ ਮਿਰਜ਼ੇ ਵਲ ਪਾਈਆਂ।

ਮੈਨੀਫ਼ੈਸਟੋ ਤਿਆਰ ਕਰਨ ਲਈ ਕਾਂਗਰਸ ਲੋਕਾਂ ਦੀ ਰਾਇ ਲੈ ਰਹੀ ਹੈ- ਇਕ ਖ਼ਬਰ

ਮੇਰੀ ਜੁੱਤੀ ਨੂੰ ਲਵਾ ਦੇ ਘੁੰਗਰੂ, ਜੇ ਤੂੰ ਮੇਰੀ ਤੋਰ ਵੇਖਣੀ।

ਪਾਕਿਸਤਾਨ ਅੰਦਰ ਪੰਜਾਬੀਆਂ ਦਾ ਦਬਦਬਾ ਹੋਣ ਕਾਰਨ ਦੂਜੇ ਸੂਬਿਆਂ ‘ਚ ਬਿਗਾਨਗੀ ਦਾ ਅਹਿਸਾਸ- ਇਕ ਰਿਪੋਰਟ

ਮੇਰਾ ਮੋਰਨੀ ਜਿਹੀ ਦਾ ਗਲ਼ ਖਾਲੀ, ਆਪ ਤਾਂ ਜ਼ੰਜੀਰੀ ਰੱਖਦਾ।

ਕੇਂਦਰੀ ਪੂਲ ਵਿਚੋਂ ਹਿੱਸੇ ਆਉਂਦੀ ਪੂਰੀ ਬਿਜਲੀ ਨਾ ਮਿਲਣ ਕਰ ਕੇ ਵਧਿਆ ਸੰਕਟ- ਸੌਂਦ

ਮੇਰੀ ਰੱਖ ਲਈ ਸੁੱਥਣ ‘ਚੋਂ ਟਾਕੀ, ਟੁੱਟ ਪੈਣੇ ਦਰਜੀ ਨੇ।                                    

 ਬੇਅਦਬੀ ਮਾਮਲਿਆਂ ‘ਚੋਂ ਬਚਣ ਲਈ ਸੁਖਬੀਰ ਭਾਜਪਾ ਤੋਂ ਮਦਦ ਮੰਗ ਰਿਹੈ- ਗਿਆਸਪੁਰਾ

ਉਹਦਾ ਹੱਕ ਬਣਦੈ ਬਈ! ਹੁਣੇ ਹੁਣੇ ਉਹਨੇ ਪੰਜਾਬ ਯੂਨੀਵਰਸਿਟੀ ‘ਚ ਏ.ਬੀ.ਵੀ.ਪੀ. ਨੂੰ ਜਿਤਾਇਆ ਹੈ।

ਸੁਖਬੀਰ ਬਾਦਲ ਐਸ.ਆਈ.ਟੀ. ਅੱਗੇ ਪੇਸ਼ ਨਹੀਂ ਹੋਏ- ਇਕ ਖ਼ਬਰ

ਸਈਆਂ ਭਏ ਕੋਤਵਾਲ, ਅਬ ਡਰ ਕਾਹੇ ਕਾ।

ਨਸ਼ਿਆਂ ਵਿਰੁੱਧ ਫ਼ੈਸਲਾਕੁੰਨ ਜੰਗ ਲੜਨ ਵਾਲਾ ਪੰਜਾਬ ਪਹਿਲਾ ਸੂਬਾ- ਕੇਜਰੀਵਾਲ

ਨਸ਼ਿਆਂ ਵਿਰੁਧ ਆਵਾਜ਼ ਉਠਾਉਣ ਵਾਲੇ ਆਮ ਲੋਕਾਂ ‘ਤੇ ਡਾਂਗ ਵਰ੍ਹਾਉਣ ਵਾਲਾ ਵੀ ਪੰਜਾਬ ਪਹਿਲਾ ਸੂਬਾ।

ਜੇਲ੍ਹ ‘ਚ ਬੰਦ ਪ੍ਰਜਵਲ ਰੇਵੰਨਾ ਦੇ ਮੋਬਾਈਲ’ਚੋਂ ਮਿਲੇ ਅਸ਼ਲੀਲ ਵੀਡੀਓ- ਇਕ ਖ਼ਬਰ

ਵਾਦੜੀਆਂ ਸਜਾਦੜੀਆਂ ਨਿਭਣ ਸਿਰਾਂ ਦੇ ਨਾਲ਼।

ਅਮਰੀਕਾ ‘ਚ ਟਰੰਪ ਦੇ ਵੋਟਰਾਂ ਨੂੰ 5000 ਡਾਲਰ ਦੇਣ ਦੇ ਵਾਅਦੇ ਨੇ ਛੇੜੀ ਗਲੋਬਲ ਬਹਿਸ- ਇਕ ਖ਼ਬਰ

ਮੈਨੂੰ ਡਿਗਦੇ ਨੂੰ ਆਣ ਬਚਾਇਆ, ਭਲਾ ਹੋਵੇ ਮੇਰੇ ‘ਯਾਰ’ ਦਾ।

ਬ੍ਰਿਕਸ ਵਲੋਂ ਆਈ.ਐਮ.ਐਫ. ਅਤੇ ਵਿਸ਼ਵ ਬੈਂਕ ‘ਚ ਸੁਧਾਰ ਦੀ ਮੰਗ- ਇਕ ਖ਼ਬਰ

ਮੇਰੇ ਚੰਦਰੇ ਜੇਠ ਦੇ ਛੋਲੇ, ਕਦੇ ਨਾ ਕਿਹਾ ਸਾਗ ਤੋੜ ਲੈ।

‘ਆਪ’ ਦੇ ਹਮਲਿਆਂ ਤੋਂ ਡਰੇਗੀ ਨਹੀਂ ਭਾਜਪਾ- ਕੇਵਲ ਸਿੰਘ ਢਿੱਲੋਂ

ਚੰਨ ਬਣ ਗਿਆ ਠਾਣੇਦਾਰ, ਹੁਣ ਮੈਂ ਨਹੀਂ ਡਰਦੀ।

ਅਮਰੀਕੀ ਡਾਲਰ ਦੇ ਮੁਕਾਬਲੇ ਭਾਰਤੀ ਕਰੰਸੀ ‘ਚ ਭਾਰੀ ਗਿਰਾਵਟ- ਇਕ ਖ਼ਬਰ

ਮੋੜੀਂ ਮੋੜੀਂ ਵੇ ਗੁਲਜ਼ਾਰੀ, ਭੇਡਾਂ ਦੂਰ ਗਈਆਂ।

ਪੰਜਾਬ ਨਾਲ ਧੋਖਾ ਕਰ ਕੇ ਰਾਘਵ ਚੱਢਾ ਹੁਣ ਪੰਜਾਬ ਨੂੰ ਬਦਨਾਮ ਕਰ ਰਹੇ ਨੇ- ਧਾਲੀਵਾਲ

ਲੱਡੂ ਖਾ ਕੇ ਚੁਬਾਰੇ ਵਿਚੋਂ ਨਿਕਲੀ, ਮੱਖੀਆਂ ਨੇ ਪੈੜ ਨੱਪ ਲਈ।

ਪੰਜਾਬੀ ਨੂੰ ਜੰਮੂ-ਕਸ਼ਮੀਰ ਦੀ ਸਰਕਾਰੀ ਭਾਸ਼ਾ ਦਾ ਦਰਜਾ ਦੇਣ ਲਈ ਸੌਂਪਿਆ ਮੰਗ ਪੱਤਰ- ਇਕ ਖ਼ਬਰ

ਹੁਣ ਅੱਕਾਂ ਤੋਂ ਭਾਲ਼ਦੀ ਡੇਲੇ, ਜੱਟਾਂ ਨੇ ਕਰੀਰ ਪੁੱਟ ਲਏ।

ਮੋਹਨਜੀਤ ਅਤੇ ਗੁਲਜ਼ਾਰ ਸਿੰਘ ਦੇ ਮਾਮਲਿਆਂ ਨੂੰ ਲੈ ਕੇ ਭਾਜਪਾ ਦਾ ਵਫ਼ਦ ਰਾਜਪਾਲ ਨੂੰ ਮਿਲਿਆ- ਇਕ ਖ਼ਬਰ

ਕੰਢੇ ਕੰਢੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

===================================================================

08.09.2026

ਐਸ.ਆਈ.ਆਰ. ਦਾ ਉਦੇਸ਼ ਵੋਟਰ ਸੂਚੀ ‘ਚ ਹੇਰਾਫੇਰੀ ਕਰਨਾ ਹੈ- ਕਪਿਲ ਸਿੱਬਲ

ਉੱਚਾ ਹੋ ਗਿਆ ਅੰਬਰ ਦਾ ਤਾਰਾ, ਜਲ ਵਿਚ ਰੋਣ ਮੱਛੀਆਂ।

ਪੰਜਾਬ ਕੈਬਨਿਟ ਵਲੋਂ ਹਾਈ ਕੋਰਟ ਦੇ ਨਵੇਂ ਚੀਫ਼ ਜਸਟਿਸ ਦੀ ਨਿਯੁਕਤੀ ਵਿਰੁੱਧ ਮਤਾ ਪਾਸ- ਇਕ ਖ਼ਬਰ

ਵਰ ਹਾਣ ਦਾ ਜਿਹਨੇ ਨਾ ਲੱਭਿਆ, ਸਬਰ ਵਿਚੋਲੇ ‘ਤੇ।

ਕਾਂਗਰਸ ਹਾਈ ਕਮਾਂਡ ਨੇ ਬਘੇਲ ਦੀ ਥਾਂ ਪਾਇਲਟ ਨੂੰ ਪੰਜਾਬ ਦੀ ਕਮਾਂਡ ਸੰਭਾਲੀ- ਇਕ ਖ਼ਬਰ

ਮੁੰਡੇ ਗੱਭਰੂ ਸ਼ੁਕੀਨ ਬਥੇਰੇ, ਤੇਰੇ ਉੱਤੇ ਡੋਰ ਮਿੱਤਰਾ।

ਇਰਾਨ ਨਾਲ ਵਪਾਰ ਕਾਰਨ ਅਮਰੀਕਾ ਨੇ ਭਾਰਤ ਦੀਆਂ ਚਾਰ ਕੰਪਨੀਆਂ ‘ਤੇ ਪਾਬੰਦੀਆਂ ਲਾਈਆਂ- ਇਕ ਖ਼ਬਰ

ਵੇ ਘਰ ਤੇਲਣ ਦੇ, ਤੇਰਾ ਚਾਦਰਾ ਖੜਕੇ।

ਕਾਕਰੋਚ ਪਾਰਟੀ ਤੋਂ ਵੱਖ ਹੋਏ ਧੜੇ ਨੇ ਬਣਾਈ ਸੀ.ਜੇ.ਪੀ. ਜਮਹੂਰੀ ਪਾਰਟੀ- ਇਕ ਖ਼ਬਰ

ਕੋਹ ਤੁਰੀ ਨਾ ਅਖੇ ਬਾਬਾ ਤ੍ਰਿਹਾਈ।

ਯੋਗੀ ਨੇ ਚੋਣਾਂ ਮੌਕੇ ਮਥੁਰਾ-ਵ੍ਰਿੰਦਾਬਨ ਦਾ ਰਾਗ਼ ਛੇੜਿਆ- ਇਕ ਖ਼ਬਰ

ਕੰਢੇ ਕੰਢੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਮੁਲਾਜ਼ਮਾਂ ਤੇ ਪੈਨਸ਼ਨਰਾਂ ਵਲੋਂ ਸਰਕਾਰ ਵਿਰੁੱਧ ਆਰ-ਪਾਰ ਦੀ ਲੜਾਈ ਦਾ ਐਲਾਨ- ਇਕ ਖ਼ਬਰ

ਤੇਰੇ ਬੂਹੇ ਅੱਗੇ ਡਾਂਗ ਖੜਕਾਉਣੀ, ਦਾਰੂ ਪੀ ਕੇ ਮਿੱਤਰਾਂ ਨੇ।

ਸਰਕਾਰੀ ਵਿਭਾਗਾਂ ਵਿਰੁੱਧ 2025 ‘ਚ ਭ੍ਰਿਸ਼ਟਾਚਾਰ ਦੀਆਂ 70584 ਸ਼ਿਕਾਇਤਾਂ ਮਿਲੀਆਂ- ਇਕ ਖ਼ਬਰ

ਜਿਨ੍ਹਾਂ ਲੋਕਾਂ ਨੇ ਸ਼ਿਕਾਇਤ ਨਹੀਂ ਕੀਤੀ ਉਨ੍ਹਾਂ ਦੀ ਗਿਣਤੀ ਕਿੰਨੀ ਹੋਵੇਗੀ?

ਅਕਾਲੀ ਦਲ ਹੁਣ ਭਾਜਪਾ ਦੇ ਸਹਾਰੇ ਆਪਣਾ ਵਜੂਦ ਬਚਾਅ ਰਿਹੈ- ਇਕ ਖ਼ਬਰ

ਜਿੰਦ ਯਾਰ ਦੀ ਬੁੱਕਲ ਵਿਚ ਨਿਕਲੇ, ਸੁਰਗਾਂ ਨੂੰ ਜਾਣ ਹੱਡੀਆਂ।

ਪੰਥਕ ਹੋਣ ਦਾ ਦਾਅਵਾ ਕਰਨ ਵਾਲੇ ਅਕਾਲੀ ਦਲ ਦਾ ਪੀ.ਯੂ. ਚੋਣਾਂ ‘ਚ ਚਿਹਰਾ ਬੇਨਿਕਾਬ- ਇਆਲੀ

ਬਗ਼ਲ ਮੇਂ ਛੁਰੀ, ਮੂੰਹ ਮੇਂ ਰਾਮ ਰਾਮ।

ਟਰੰਪ ਨੇ ਤੀਸਰੇ ਕਾਰਜਕਾਲ ਲਈ ਚੋਣ ਲੜਨ ਦੀ ਇੱਛਾ ਪ੍ਰਗਟਾਈ- ਇਕ ਖ਼ਬਰ

ਯਾਰਾ ਮੋਦੀਆ ਕੋਈ ਢੰਗ ਦੱਸ ਦੇ, ਮਾਰ ਛੜੱਪਾ ਮੈਂ ਗੱਦੀ ਨੂੰ ਹੱਥ ਪਾਵਾਂ।

ਈ.ਡੀ. ਸਬੂਤ ਦੇਣ ਦੀ ਥਾਂ ‘ਆਪ’ ਨੂੰ ਬਦਨਾਮ ਕਰ ਰਹੀ ਹੈ- ਅਮਨ ਅਰੋੜਾ

ਪਾਣੀ ਡੋਲ੍ਹਗੀ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਪਿਆ।

‘ਛਾਤਰੋਂ ਕੀ ਗੂੰਜ’ ਪ੍ਰੋਗਰਾਮ ਲਈ ਇੰਦੌਰ ‘ਚ ਰਾਹੁਲ ਗਾਂਧੀ ਨੂੰ ਸਟੇਡੀਅਮ ਨਹੀਂ ਮਿਲਿਆ- ਇਕ ਖ਼ਬਰ

ਨਿੰਮ ਦਾ ਤੂੰ ਮਾਣ ਨਾ ਕਰੀਂ, ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ।

ਭਗਵੰਤ ਮਾਨ ਨੇ ਲੋਕ ਮਿਲਣੀ ਦੌਰਾਨ ਵਿਰੋਧੀ ਪਾਰਟੀਆਂ ‘ਤੇ ਸਾਧਿਆ ਨਿਸ਼ਾਨਾ- ਇਕ ਖ਼ਬਰ

ਪੱਲਾ ਮਾਰ ਕੇ ਬੁਝਾ ਗਈ, ਅੱਖ ਨਾਲ ਗੱਲ ਕਰ ਗਈ।

ਮੋਹਾਲੀ ‘ਚ ਚਾਰ ਘੰਟੇ ਦਾ ਪਾਵਰ ਕੱਟ ਦੱਸ ਕੇ ਲੋਕਾਂ ਨੂੰ ਬਾਰਾਂ ਘੰਟੇ ਸੁੱਕਣੇ ਪਾਇਆ- ਇਕ ਖ਼ਬਰ

ਹੋਕਾ ਵੰਙਾਂ ਦਾ, ਕੱਢ ਦਿਖਾਇਆ ਚੱਕੀਰਾਹਾ।

==================================================================

31.08.2026

ਕੈਨੇਡਾ ਨੇ ਅਮਰੀਕਾ ‘ਤੇ 50 ਫ਼ੀ ਸਦੀ ਜਵਾਬੀ ਟੈਰਿਫ਼ ਠੋਕਿਆ- ਇਕ ਖ਼ਬਰ

ਲੜ ਜੂੰ ਭਰਿੰਡ ਬਣ ਕੇ, ਮੈਨੂੰ ਨਰਮ ਕੁੜੀ ਨਾ ਜਾਣੀ।

ਛੇ ਸਾਲਾਂ ਅੰਦਰ 2.31 ਲੱਖ ਕਰੋੜ ਰੁਪਏ ਦੀ ਧੋਖਾਧੜੀ, ਰਿਕਵਰੀ ਮਹਿਜ਼ 2.7 ਫ਼ੀ ਸਦੀ- ਇਕ ਖ਼ਬਰ

ਅੰਨ੍ਹੀਂ ਪੀਂਹਦੀ, ਕੁੱਤਾ ਚੱਟ ਰਿਹੈ।

ਚੀਨੀ ਹੈਕਰਾਂ ਨੇ, ਜਸਟਿਸ ਡੀਪਾਰਟਮੈਂਟ, ਨਾਸਾ, ਫ਼ੈਡਰਲ ਰਿਜ਼ਰਵ ਅਤੇ ਸੈਨੇਟ ਨੂੰ ਬਣਾਇਆ ਨਿਸ਼ਾਨਾ- ਅਮਰੀਕਾ

ਮੇਰੀ ਕੀਹਨੇ ਲੁੱਟ ਲਈ ਪਤੰਗ ਵਾਲ਼ੀ ਡੋਰ।

ਮੋਦੀ ਸਰਕਾਰ ਨੇ ਪੂਰੀ ਇਕ ਪੀੜ੍ਹੀ ਦਾ ਭਵਿੱਖ ਖ਼ਤਰੇ ‘ਚ ਪਾਇਆ- ਖੜਗੇ

ਮੇਰੇ ਨਰਮ ਕਾਲ਼ਜੇ ਲੜ ਗਏ, ਲੱਡੂ ਖਾ ਲਏ ਤੇਰੇ ਤੇਲ ਦੇ।

ਅਮਰੀਕੀ ਟੈਰਿਫ਼ ‘ਚ ਘਿਰੇ ਅਮਰੀਕਾ- ਕੈਨੇਡਾ ਦੇ ਪੰਜਾਬੀ ਕਾਰੋਬਾਰੀ- ਇਕ ਖ਼ਬਰ

ਚਿੜੀਆਂ ਦੀ ਮੌਤ, ਗੰਵਾਰਾਂ ਦਾ ਹਾਸਾ।

ਕੈਨੇਡਾ ਦੀ ਓਨਟਾਰੀਓ ਲੇਕ ਦਾ ਨਾਮ ਬਦਲ ਕੇ ਲੇਕ ਅਮਰੀਕਾ ਰੱਖਣਾ ਚਾਹੁੰਦੇ ਹਨ ਟਰੰਪ- ਇਕ ਖ਼ਬਰ

ਮੇਰੀ ਜੁੱਤੀ ਨੂੰ ਲਵਾ ਦੇ ਘੁੰਗਰੂ, ਜੇ ਤੂੰ ਮੇਰੀ ਤੋਰ ਵੇਖਣੀ।

ਸ਼੍ਰੋਮਣੀ ਅਕਾਲੀ ਦਲ ਵਲੋਂ ‘ਪੰਜਾਬ ਬਚਾਉ’ ਮੁਹਿੰਮ ਤਹਿਤ ਰੈਲੀਆਂ ਦਾ ਐਲਾਨ- ਇਕ ਖ਼ਬਰ

ਹਾ ਹਾ ਹਾ ਹਾ ਹਾ ਹਾ ਹਾ ਪੰਜਾਬ ਬਚਾਉ ਹਾ ਹਾ ਹਾ............

ਲੋਕਾਂ ਦਾ ਪੈਸਾ ਲੋਕਾਂ ‘ਤੇ ਖ਼ਰਚ ਰਿਹਾਂ, ਵਿਰੋਧੀਆਂ ਨੂੰ ਤਕਲੀਫ਼- ਭਗਵੰਤ ਮਾਨ

ਗੋਰੇ ਰੰਗ ਨੇ ਸਦਾ ਨਹੀਂ ਰਹਿਣਾ, ਭਰ ਭਰ ਵੰਡ ਮੁੱਠੀਆਂ।

ਕਾਂਗਰਸ ਤੇ ਭਾਜਪਾ ਦਾ ਸਿੱਖ ਭਾਈਚਾਰੇ ਪ੍ਰਤੀ ਰਵਈਆ ਇਕੋ ਜਿਹਾ- ਬਲਤੇਜ ਪੰਨੂੰ

ਵਿਹੜੇ ਖੇੜਿਆਂ ਦੇ ਤਿਲਕਣਬਾਜ਼ੀਆਂ ਨੇ, ਜ਼ਰਾ ਸੋਚ ਕੇ ਪੈਰ ਟਿਕਾਈਂ ਬੱਚਾ।

ਮੁੱਖ ਮੰਤਰੀ ਦੇ ਅਹੁਦੇ ਦੀ ਮੈਨੂੰ ਕੋਈ ਇੱਛਾ ਨਹੀਂ- ਰਾਜਾ ਵੜਿੰਗ

ਵੇਖ ਫ਼ਰੀਦਾ ਕਿਆ ਹੂਆ, ਸ਼ੱਕਰ ਹੋਈ ਵਿਸ।

ਦਿੱਲੀ ਗੁਰਦੁਆਰਾ ਚੋਣਾਂ 2027: ਜਿਸ ਦੇ ਬੋਝੇ ‘ਚ ਹੋਣਗੇ ‘ਨੋਟ’, ਉਸੇ ਨੂੰ ਹੀ ਮਿਲਣਗੇ ਸਿੱਖ ‘ਵੋਟ’- ਇਕ ਖ਼ਬਰ

ਜਿਨ੍ਹਾਂ ਨੇ ਦੰਮ ਖ਼ਰਚੇ, ਆਪੇ ਤੈਨੂੰ ਲੈ ਜਾਣਗੇ।

ਸੌਦਾ ਸਾਧ ਨੂੰ ਵਾਰ-ਵਾਰ ਰਿਹਾਈ, ਬੰਦੀ ਸਿੰਘਾਂ ਨੂੰ ਇਨਕਾਰ- ਇਕ ਖ਼ਬਰ

ਜੇਠ ਨੂੰ ਲੱਸੀ ਨਹੀਉਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।

ਬੀ.ਐੱਲ.ਓ. ਭਾਰਤੀ ਲੋਕਤੰਤਰ ਦੀ ਨੀਂਹ- ਮੁੱਖ ਚੋਣ ਕਮਿਸ਼ਨਰ

ਚੋਣ ਕਮਿਸ਼ਨਰ ਸਾਹਿਬ ਇਨ੍ਹਾਂ ਨੂੰ ਹਿੰਦੂ ਰਾਸ਼ਟਰ ਦੀ ਨੀਂਹ ਕਹੋ।

ਬੇਇਨਸਾਫ਼ੀ ਤੇ ਗ਼ੁਲਾਮੀ ਵਿਰੁੱਧ ਖੜ੍ਹੇ ਹੋਣਾ ਹਰ ਨਾਗਰਿਕ ਦਾ ਫ਼ਰਜ਼- ਰਾਜਨਾਥ ਸਿੰਘ

ਹੋਕਾ ਵੰਙਾਂ ਦਾ, ਕੱਢ ਦਿਖਾਇਆ ਚੱਕੀਰਾਹਾ।

ਭਾਰਤ ਪ੍ਰਤੀ ਵਿਅਕਤੀ ਆਮਦਨ ‘ਚ ਬੰਗਲਾਦੇਸ਼ ਤੋਂ ਵੀ ਪਿੱਛੇ- ਕੇਜਰੀਵਾਲ

ਤੇਰਾ ਕੱਖ ਨਹੀਂ ਬਚਨੀਏਂ ਰਹਿਣਾ, ਛੜਿਆਂ ਦੇ ਹੱਕ ਮਾਰ ਕੇ।

---------------------------------------------------------------------------------------------------------------------

31.08.2026

ਇਮਰਾਨ ਖ਼ਾਨ ਨੂੰ ਹਸਪਤਾਲ ਭੇਜਣ ਦੇ ਫ਼ੈਸਲੇ ਵਿਰੁੱਧ ਸਰਕਾਰ ਪਹੁੰਚੀ ਸੁਪਰੀਮ ਕੋਰਟ- ਇਕ ਖ਼ਬਰ

ਨਾ ਤੜਪਨੇ ਕੀ ਇਜਾਜ਼ਤ ਹੈ ਨਾ ਫ਼ਰਿਆਦ ਕੀ, ਘੁਟ ਕੇ ਮਰ ਜਾਊਂ ਮਰਜ਼ੀ ਹੈ ਮਿਰੇ ਸੱਯਾਦ ਕੀ।

ਪੰਥ ਵਿਰੋਧੀ ਸ਼ਕਤੀਆਂ ਸਿੱਖ ਸੰਸਥਾਵਾਂ ਨੂੰ ਕਮਜ਼ੋਰ ਕਰਨ ‘ਚ ਰੁੱਝੀਆਂ- ਗੜਗੱਜ

ਮੰਜੀ ਫੇਰ ਕਿਸੇ ਦੀ ਦੇਖੀਏ ਜੀ, ਪੀੜ੍ਹੀ ਆਪਣੀ ਹੇਠ ਸੋਟਾ ਫੇਰ ਲਈਏ।

ਬੰਦੀ ਸਿੰਘਾਂ ਦੀ ਰਿਹਾਈ ਲਈ ਪ੍ਰਧਾਨ ਧਾਮੀ ਵਲੋਂ 21 ਅਗਸਤ ਦੇ ਪੰਜਾਬ ਬੰਦ ਦੀ ਹਮਾਇਤ- ਇਕ ਖ਼ਬਰ

ਜਦੋਂ ਤੁਹਾਡੇ ਆਕਾ ਸੱਤਾ ‘ਚ ਸਨ, ਉਦੋਂ ਇਹ ਹਮਾਇਤ ਕਿੱਥੇ ਸੀ?

ਜੱਜ ਕੋਈ ਰੱਬ ਨਹੀਂ, ਹਰ ਫ਼ੈਸਲਾ ਸਹੀ ਨਹੀਂ ਹੁੰਦਾ- ਜਸਟਿਸ ਕਰੋਲ

ਬਿਲਕੁਠ ਠੀਕ ! ਅਦਾਲਤਾਂ ‘ਚ ਫ਼ੈਸਲੇ ਹੁੰਦੇ ਨੇ ਇਨਸਾਫ਼ ਨਹੀਂ ਹੁੰਦਾ।

ਅਕਾਲੀ ਦਲ ਬਾਦਲ ਗੱਠਜੋੜ ਕਰਨ ਲਈ ਭਾਜਪਾ ਦੇ ਮਿੰਨਤਾਂ ਤਰਲੇ ਕਰ ਰਿਹਾ ਹੈ-ਵੜਿੰਗ

ਮੈਂ ਮਰ ਗਈ ਰਾਂਝਣਾਂ ਵੇ, ਕਦ ਗਲ਼ ਨਾਲ਼ ਲਾਵੇਂਗਾ।

ਟਰੰਪ ਨੇ ਕੈਨੇਡਾ ‘ਤੇ 50 ਫ਼ੀ ਸਦੀ ਟੈਰਿਫ਼ ਲਾਇਆ- ਇਕ ਖ਼ਬਰ

ਜ਼ੋਰ ਨਾ ਕੁੜੀ ਦਾ ਕੋਈ, ਰੋਂਦੀ ਨੂੰ ਤੋਰ ਦੇਣਗੇ।

326 ਸੰਸਦ ਮੈਂਬਰਾਂ ਅਤੇ 14 ਮੁੱਖ ਮੰਤਰੀਆਂ ਵਿਰੁੱਧ ਅਪਰਾਧਕ ਮਾਮਲੇ ਦਰਜ- ਇਕ ਖ਼ਬਰ

ਧਰਤੀ ਖੇੜਿਆਂ ਦੀ, ਵੱਢ ਵੱਢ ਹੀਰ ਨੂੰ ਖਾਂਦੀ।

ਅਮਰੀਕੀ ਸੰਗਠਨ ਨੇ ਆਰ.ਐੱਸ.ਐੱਸ. ‘ਤੇ ਪਾਬੰਦੀ ਲਗਾਉਣ ਦੀ ਕੀਤੀ ਮੰਗ- ਇਕ ਖ਼ਬਰ

ਸਲਵਾਨ ਜੱਲਾਦਾਂ ਨੂੰ ਆਖਦਾ, ਕਰੋ ਪੂਰਨ ਜਲਦ ਹਲਾਲ।

ਪੰਜਾਬ ‘ਚ ਭਾਜਪਾ ਸਰਕਾਰ ਬਣਾਉਣ ਲਈ ਪੂਰੀ ਤਾਕਤ ਲਗਾ ਦੇਵਾਂਗੇ- ਨਾਇਬ ਸਿੰਘ ਸੈਣੀ

ਕਾਹਨੂੰ ਆ ਗਿਉਂ ਬਸੰਤੀ ਚੀਰਾ ਬੰਨ੍ਹ ਕੇ, ਮਾਪਿਆਂ ਨੇ ਨਹੀਉਂ ਤੋਰਨੀ।

ਆਰਥਕ ਹਮਲਿਆਂ ਨਾਲ ਇਰਾਨ ਨੂੰ ਦੁਨੀਆਂ ਨਾਲੋਂ ਤੋੜ ਦੇਵਾਂਗੇ- ਟਰੰਪ

ਕੀ ਮੁਨਿਆਦਾਂ ਤੇਰੀਆਂ, ਪਾਣੀ ਦਿਆ ਬੁਲਬੁਲਿਆ।

ਟਰੰਪ ਨੇ ਭਾਰਤੀ ਚੋਣ ਪ੍ਰਣਾਲੀ ਦੀ ਕੀਤੀ ਪ੍ਰਸ਼ੰਸਾ- ਇਕ ਖ਼ਬਰ

ਲੰਡੇ ਨੂੰ ਮੀਣਾ ਸੌ ਵਲ਼ ਪਾ ਕੇ ਵੀ ਮਿਲ ਲੈਂਦਾ।

ਔਰਤਾਂ ਲਈ ਰਾਖਵਾਂਕਰਣ ਕਾਨੂੰਨ ਲਾਗੂ ਕਰਨ ਦੇਣ ਰਾਹੁਲ ਗਾਂਧੀ- ਸਮ੍ਰਿਤੀ ਇਰਾਨੀ

ਕੰਢੇ ਕੰਢੇ ਹੀਰ ਭਾਲ਼ਦਾ, ਰਾਂਝਾ ਪੱਜ ਮੱਝੀਆਂ ਦਾ ਲਾਵੇ।

ਮੋਦੀ ਸਰਕਾਰ ਜੈੱਨ ਜ਼ੀ ਨਾਲ ਬਣਾਏਗੀ ਰਾਬਤਾ- ਇਕ ਖ਼ਬਰ

ਮਰਦੀ ਨੇ ਅੱਕ ਚੱਬਿਆ, ਹਾਰ ਕੇ ਜੇਠ ਨਾਲ਼ ਲਾਈਆਂ।

ਸਪਾ ਗੱਠਜੋੜ ਨਹੀਂ ਤੋੜੇਗੀ, ਸਾਡੀ ਲੜਾਈ ਭਾਜਪਾ ਵਿਰੁੱਧ- ਅਖਿਲੇਸ਼ ਯਾਦਵ

ਪਿੱਠਾਂ ਨਾਲ ਪਿੱਠਾਂ ਜੋੜ ਕੇ, ਅਸੀਂ ਹੈ ‘ਦੁਸ਼ਮਣ’ ਨੂੰ ਢਾਉਣਾ।

ਅਮਰੀਕੀ ਜੱਜ ਵਲੋਂ 75 ਦੇਸ਼ਾਂ ਦੇ ਵੀਜ਼ੇ ਰੱਦ ਕਰਨ ਦੀ ਟਰੰਪ ਪ੍ਰਸ਼ਾਸਨ ਦੀ ਨੀਤੀ ਰੱਦ- ਇਕ ਖ਼ਬਰ

ਪਾਣੀ ਡੋਲ੍ਹ ਗਈ ਝਾਂਜਰਾਂ ਵਾਲ਼ੀ, ਕੈਂਠੇ ਵਾਲ਼ਾ ਤਿਲਕ ਗਿਆ।

===================================================================

24-08-2026

20.08.2026

ਸੁਖਬੀਰ ਬਾਦਲ ਵਲੋਂ ਭਾਜਪਾ ਨੂੰ ਬਿਨਾਂ ਸ਼ਰਤ ਸਮਰਥਨ ਦੇਣਾ ਸਿੱਖ ਕੌਮ ਨਾਲ ਧੋਖਾ ਹੈ- ਮਨਜੀਤ ਦਸੂਹਾ

ਇਹਦਾ ਬਾਪੂ ਵੀ ਨਾਲ ਦਿਆਂ ਨੂੰ ਹਨ੍ਹੇਰੇ ‘ਚ ਰੱਖ ਕੇ ਇਕੱਲਾ ਹੀ ਭਾਜਪਾ ਨਾਲ ਗੱਠਜੋੜ ਕਰ ਆਇਆ ਸੀ।

ਕਰਤਾਰ ਪੁਰ ਲਾਂਘਾ ਖੋਲ੍ਹਣ ਲਈ ਸੰਗਤ ਨੇ ਅੰਤਰਰਾਸ਼ਟਰੀ ਸਰਹੱਦ ‘ਤੇ ਕੀਤੀ ਮਹੀਨਾਵਾਰੀ ਅਰਦਾਸ- ਇਕ ਖਬ਼ਰ

ਬਸ ਇਹੋ ਕੁਝ ਪੱਲੇ ਰਹਿ ਗਿਆ, ਕੋਈ ਹੋਰ ਆਜ਼ਾਦੀ ਲੈ ਗਿਆ।

ਦੇਸ਼ ਨੇ ਕਈ ਚੁਣੌਤੀਆਂ ਪਾਰ ਕੀਤੀਆਂ, ਅਜੇ ਬਹੁਤ ਕੰਮ ਬਾਕੀ- ਚੀਫ਼ ਜਸਟਿਸ ਸੁਪਰੀਮ ਕੋਰਟ

ਅਜੇ ਕਾਕਰੋਚਾਂ ਲਈ ਕੋਈ ਹੋਰ ਢੁੱਕਵਾਂ ਨਾਮ ਲੱਭਣਾ।

ਅਮਰੀਕੀ ਅਦਾਲਤ ਨੇ ਗੌਤਮ ਅਡਾਨੀ ਵਿਰੁੱਧ ਅਪਰਾਧਕ ਮਾਮਲਾ ਕੀਤਾ ਖ਼ਾਰਜ- ਇਕ ਖ਼ਬਰ

ਇਕ ਹੱਥ ਦੇਹ, ਇਕ ਹੱਥ ਲੈ।

ਬਿਨਾਂ ਪੜ੍ਹੇ-ਸਮਝੇ ਬਿੱਲ ਪਾਸ ਕਰਵਾਉਣਾ ਲੋਕਤੰਤਰ ਦੇ ਉਲਟ- ਕੇਵਲ ਸਿੰਘ ਢਿੱਲੋਂ

ਢਿੱਲੋਂ ਸਾਹਿਬ ਜਿਹੜੀ ਕੜ੍ਹੀ ਸੰਸਦ ‘ਚ ਘੁਲ਼ਦੀ ਐ, ਉਸ ਬਾਰੇ ਕੀ ਕਹੋਗੇ?

ਪਿੰਡਾਂ ਦੇ ਵਿਕਾਸ ਲਈ ਪੰਜਾਬ ਸਰਕਾਰ ਵਲੋਂ ਫੰਡਾਂ ਦੀ ਕੋਈ ਕਮੀ ਨਹੀਂ ਆਉਣ ਦਿਤੀ ਜਾ ਰਹੀ- ਅਮਨ ਅਰੋੜਾ

ਤੇਰੇ ਅੱਗੇ ਥਾਨ ਸੁੱਟਿਆ, ਚਾਹੇ ਸੁੱਥਣ ਸੰਵਾ ਲੈ ਚਾਹੇ ਲਹਿੰਗਾ।

ਝੂੰਦਾਂ ਸਮੇਤ ਕਈ ਆਗੂ ਅਕਾਲੀ ਦਲ ਵਾਰਸ ਪੰਜਾਬ ਦੇ ਵਿਚ ਸ਼ਾਮਲ- ਇਕ ਖ਼ਬਰ

ਕਦੀ ਏਧਰ ਕਦੀ ਉੱਧਰ ਜਾਂਦੇ, ਕੰਧਾਂ ਵਿਚ ਵੱਜਦੇ ਫਿਰਦੇ ਨੇ।

ਮੇਰੀ ਕਾਕਰੋਚ ਸਬੰਧੀ ਟਿੱਪਣੀ ਦਾ ਗ਼ਲਤ ਇਸਤੇਮਾਲ ਕੀਤਾ ਗਿਆ- ਸੂਰਿਆ ਕਾਂਤ

ਕਿੱਥੇ ਚੱਲਿਆਂ ਬੂਬਨਿਆਂ ਸਾਧਾ, ਛੇੜ ਕੇ ਭ੍ਰਿੰਡ ਰੰਗੀਆਂ।

‘ਇੰਡੀਆ’ ਗੱਠਜੋੜ ਵਲੋਂ ਸਪੀਕਰ ਬਿਰਲਾ ਦੀ ਚਾਹ ਪਾਰਟੀ ਦਾ ਬਾਈਕਾਟ- ਇਕ ਖ਼ਬਰ

ਲੱਤ ਮਾਰੂੰਗੀ ਪੰਜੇਬਾਂ ਵਾਲ਼ੀ, ਪਰ੍ਹਾਂ ਹੋ ਜਾ ਚੱਟੂ ਵੱਟਿਆ।

ਜੰਤਰ ਮੰਤਰ ਸੀਜ਼ਨ 2 ਜਲਦੀ ਹੀ ਸ਼ੁਰੂ ਕੀਤਾ ਜਾਵੇਗਾ- ਅਭਿਜੀਤ ਦੀਪਕੇ

ਚੌਕੀਦਾਰੀ ਲੈ ਲੈ ਮਿੱਤਰਾ, ਤੇਰੇ ਲਗਦੇ ਨੇ ਬੋਲ ਪਿਆਰੇ।

ਸੰਸਦ ਸੈਸ਼ਨ ਦੇ ਆਖਰੀ ਦਿਨ ਵੀ ਐੱਨ.ਡੀ.ਏ. ਅਤੇ ‘ਇੰਡੀਆ’ ਆਹਮੋ ਸਾਹਮਣੇ- ਇਕ ਖ਼ਬਰ

ਕੁੰਢੀਆਂ ਦੇ ਸਿੰਙ ਫ਼ਸ ਗਏ, ਕੋਈ ਨਿੱਤਰੂ ਵੜੇਵੇਂ ਖਾਣੀ।

ਪੰਜਾਬ ਦੇ ਮੁੱਦੇ ਛੱਡ, ਕੁਰਸੀ ਦੀ ਲੜਾਈ ਲੜ ਰਹੀਆਂ ਸਿਆਸੀ ਧਿਰਾਂ- ਸਤਨਾਮ ਸੰਧੂ

ਸੁੱਤੀ ਪਈ ਨੇ ਲੁਹਾਈਆਂ ਚੂੜੀਆਂ, ਅਜੇ ਵੀ ਘੁਰਾੜੇ ਮਾਰਦੀ।

ਇਤਿਹਾਸ ਡਾ. ਮਨਮੋਹਨ ਸਿੰਘ ਨੂੰ ਸਭ ਤੋਂ ਪ੍ਰਭਾਵਸ਼ਾਲੀ ਪ੍ਰਧਾਨ ਮੰਤਰੀ ਵਜੋਂ ਯਾਦ ਰੱਖੇਗਾ- ਸੋਨੀਆ ਗਾਂਧੀ

ਅਲਫ਼ ਅੱਲਾ ‘ਚੰਬੇ’ ਦੀ ਬੂਟੀ, ਮੁਰਸ਼ਦ ਮਨ ਵਿਚ ਲਾਈ ਹੂ।

ਨਵੀਆਂ ਨਿਯੁਕਤੀਆਂ ਨੇ ਪੰਜਾਬ ਭਾਜਪਾ ‘ਚ ਛੇੜਿਆ ‘ਅੰਦਰੂਨੀ ਤੂਫ਼ਾਨ’- ਇਕ ਖ਼ਬਰ

ਕਿਹੜੇ ਯਾਰ ਦਾ ਗੁਤਾਵਾ ਕੀਤਾ, ਅੱਖ ਵਿਚ ਕੱਖ ਪੈ ਗਿਆ।

ਵਿਦਿਆਰਥੀਆਂ ‘ਤੇ ਹੋਏ ਅੱਤਿਆਚਾਰ ਦਾ ਜਵਾਬ ਅਮਿਤ ਸ਼ਾਹ ਨੂੰ ਦੇਣਾ ਹੀ ਪਵੇਗਾ- ਰਾਹੁਲ ਗਾਂਧੀ

ਇਨ੍ਹਾਂ ਸੁਹਣਿਆਂ ਮੂੰਹਾਂ ‘ਤੇ ਖ਼ਾਕ ਪੈਣੀ, ਕੁੰਡੇ ਲੱਗਣੇ ਅੰਤ ਹਵੇਲੀਆਂ ਨੂੰ।

======================================================================

10-08-2026

ਹੋਂਦ ਚਿੱਲੜ ਮਾਮਲੇ ‘ਚ ਸਾਨੂੰ ਇਨਸਾਫ਼ ਨਹੀਂ ਤਰੀਕਾਂ ਹੀ ਮਿਲ ਰਹੀਆਂ ਹਨ- ਇੰਜ: ਗਿਆਸਪੁਰਾ

ਬੜੇ ਨਾਦਾਨ ਹੋ ਮਿੱਤਰੋ, ਮਾਸ ਇੱਲਾਂ ਦੇ ਆਲ੍ਹਣੇ ‘ਚੋਂ ਭਾਲ਼ਦੇ ਹੋ।

ਖੇਤਰੀ ਦਲਾਂ ਦਾ ਕਮਜ਼ੋਰ ਹੋਣਾ ਭਾਰਤੀ ਰਾਜਨੀਤੀ ਲਈ ਚਿੰਤਾਜਨਕ- ਇਕ ਲੇਖ

ਗਲ਼ੀਆਂ ਹੋ ਜਾਣ ਸੁੰਞੀਆਂ, ਵਿਚ ਮਿਰਜ਼ਾ ਯਾਰ ਫਿਰੇ।

ਪੰਜਾਬ ਵਿਧਾਨ ਸਭਾ ਵਲੋਂ ਈਥਾਨੌਲ ਬਾਰੇ ਮਤਾ ਪਾਸ ਕਰਨਾ ਸਿਆਸਤ ਤੋਂ ਪ੍ਰੇਰਿਤ- ਕੇਵਲ ਢਿੱਲੋਂ

ਢਿੱਲੋਂ ਸਾਬ ਤੁਹਾਡਾ ਬਿਆਨ ਕਰੋੜਾਂ ਲੋਕਾਂ ਨਾਲ ਗ਼ਦਾਰੀ ਵਾਲਾ ਹੈ।

ਬਲਾਤਕਾਰੀ ਆਸਾ ਰਾਮ ਨੂੰ ਮਿਲੀ 20 ਦਿਨਾਂ ਦੀ ਪੈਰੋਲ- ਇਕ ਖ਼ਬਰ

ਲੌਢੇ ਵੇਲੇ ਮਾਹੀਏ ਆਉਣਾ, ਮੰਨ ਪਕਾਵਾਂ ਕਣਕ ਦਾ, ਅੰਦਰ ਜਾਵਾਂ ਬਾਹਰ ਜਾਵਾਂ ਲਾਲ ਚੂੜਾ ਛਣਕਦਾ।

ਪਹਿਲਾਂ ਪ੍ਰਧਾਨ ਮੰਤਰੀ ਆਪਣੀ ਡਿਗਰੀ ਦਿਖਾਉਣ, ਫਿਰ ਮੈਂ ਆਪਣਾ ਵਜ਼ੀਫ਼ਾ- ਪੱਤਰ ਜਨਤਕ ਕਰਾਂਗਾ- ਦੀਪਕੇ

ਤੂੰ ਡਾਲ ਡਾਲ, ਮੈਂ ਪਾਤ ਪਾਤ।

ਮੋਦੀ ਦੀ ਨੌਜਵਾਨਾਂ ‘ਚ ਮਕਬੂਲੀਅਤ ਤੋਂ ਘਬਰਾਏ ਹੋਏ ਨੇ ਰਾਹੁਲ ਗਾਂਧੀ- ਪੀਯੂਸ਼ ਗੋਇਲ

ਕੁਝ ਦਿਨ ਹੋਏ ਇਹ ਮਕਬੂਲੀਅਤ ਜੰਤਰ ਮੰਤਰ ‘ਤੇ ਆਪਣੀ ਚਰਮ ਸੀਮਾ ‘ਤੇ ਦੇਖੀ ਲੋਕਾਂ ਨੇ।

ਗੁਰੂ ਨਾਲ ਸਿੱਖ ਦੀ ਸ਼ਰਧਾ ਤੇ ਭਰੋਸੇ ਨੂੰ ਕੋਈ ਕਮਜ਼ੋਰ ਨਹੀਂ ਕਰ ਸਕਦਾ- ਗੜਗੱਜ

ਸਿਵਾਇ ਤੁਹਾਡੇ ਆਕਿਆਂ ਦੇ ਜੋ ਹਫ਼ਤੇ ਬਾਅਦ ਹੀ ਸ੍ਰੀ ਅਕਾਲ ਤਖ਼ਤ ਨੂੰ ਪਿੱਠ ਦੇ ਗਏ।
 

ਰਾਹੁਲ ਨੇ ਕੈਪਟਨ ਨੂੰ ਆਪਣਾ ਪਸੰਦੀਦਾ ਆਗੂ ਦੱਸਿਆ- ਇਕ ਖ਼ਬਰ

ਜਿਹੜਾ ਮੂਹਰਲੀ ਗੱਡੀ ਦਾ ਬਾਬੂ, ਉਹ ਮੇਰਾ ਵੀਰ ਕੁੜੀਓ।

ਸੁਖਬੀਰ ਬਾਦਲ ਨੇ ਪ੍ਰਧਾਨ ਮੰਤਰੀ ਮੋਦੀ ਨਾਲ ਕੀਤੀ ਮੁਲਾਕਾਤ- ਇਕ ਖ਼ਬਰ

ਤੇਰੀ ਮੇਰੀ ਇਕ ਜਿੰਦੜੀ, ਐਵੇਂ ਦੋ ਕਲਬੂਤ ਬਣਾਏ।

ਗੱਠਜੋੜ ਦੇ ਲਾਲਚ ‘ਚ ਅਕਾਲੀ ਪਾਰਟੀ ਭਾਜਪਾ ਅੱਗੇ ਝੁਕਣ ਲੱਗੀ- ਇਕ ਖ਼ਬਰ

ਜਿੱਥੇ ਚੱਲੇਂਗਾ ਚੱਲੂੰਗੀ ਨਾਲ਼ ਤੇਰੇ, ਟਿਕਟਾਂ ਦੋ ਲੈ ਲਈਂ।

ਸੀ.ਜੇ.ਪੀ. ਨੇ ਆਪਣੀ ਰਾਸ਼ਟਰੀ ਕਾਰਜਕਾਰੀ ਕਮੇਟੀ ਬਣਾਈ- ਇਕ ਖ਼ਬਰ

ਛੜੇ ਬੈਠ ਕੇ ਸਲਾਹਾਂ ਕਰਦੇ, ਰੱਬਾ ਹੁਣ ਕੀ ਕਰੀਏ।

ਸਾਖ ਗੁਆ ਚੁੱਕੀ ਅਕਾਲੀ ਪਾਰਟੀ ਭਾਜਪਾ ਨਾਲ ਸਮਝੌਤੇ ਲਈ ਹੋ ਰਹੀ ਹੈ ਤਰਲੋ-ਮੱਛੀ- ਬਲਤੇਜ ਪੰਨੂੰ

ਮੈਂ ਮਰ ਗਈ ਪੁੰਨਣਾ ਵੇ, ਤੇਰੀ ਪੈੜ ਨਜ਼ਰ ਨਹੀਂ ਆਉਂਦੀ।

ਰਾਮ ਮੰਦਰ ਚੰਦਾ ਚੋਰੀ ਕੇਸ ਦੀ ਜਾਂਚ ਮੁਕੰਮਲ, ਅਗਲੇ ਮਹੀਨੇ ਦਾਖ਼ਲ ਹੋਵੇਗੀ ਚਾਰਜਸ਼ੀਟ-ਇਕ ਖ਼ਬਰ

ਫ਼ਸਣੀਆਂ ਛੋਟੀਆਂ ਮੱਛੀਆਂ, ਵੱਡੀਆਂ ਨੇ ਬਚ ਜਾਣਾ।

 ਪੰਜਾਬ ‘ਚ ਸਥਿਰਤਾ ਤੇ ਸੁਰੱਖਿਆ ਕੇਵਲ ਕਾਂਗਰਸ ਹੀ ਦੇ ਸਕਦੀ ਹੈ- ਬਘੇਲ

ਤੁਹਾਡੀ ਸਟੇਜ ਦੀ ਸਥਿਰਤਾ ਤੇ ਸੁਰੱਖਿਆ ਦੇਖ ਕੇ ਕੋਈ ਸ਼ੱਕ ਰਹਿ ਜਾਂਦੀ ਐ?

ਜਦ ਤੱਕ ਅਮਰੀਕਾ ਆਪਣਾ ਰਵੱਈਆ ਨਹੀਂ ਸੁਧਾਰਦਾ, ਹੋਰਮੁਜ਼ ਨਹੀਂ ਖੋਲ੍ਹਿਆ ਜਾਵੇਗਾ- ਇਰਾਨ

ਬੰਦੇ ਦਾ ਪੁੱਤ ਬਣ ਵੈਲੀਆ, ਨਹੀਂ ਖੋਲ੍ਹਣਾ ਮੈਂ ਦਰਵਾਜ਼ਾ।

ਪੰਜਾਬ ਸਰਕਾਰ ਜੈਨ-ਜ਼ੀ ਨਾਲ ਚੱਟਾਨ ਵਾਂਗ ਖੜ੍ਹੀ ਹੈ- ਭਗਵੰਤ ਮਾਨ

ਤੈਨੂੰ ਤਾਪ ਚੜ੍ਹੇ, ਮੈਂ ਹੂੰਗਾਂ।

03.08.2026

ਪੰਜਾਬ ਸਰਕਾਰ ਨੌਜਵਾਨਾਂ ਨਾਲ਼ ਕਰ ਰਹੀ ਹੈ ਧੋਖਾ- ਨਾਇਬ ਸਿੰਘ ਸੈਣੀ

ਬਿਲਕੁਲ ਠੀਕ ਸੈਣੀ ਸਾਹਿਬ, ਪੰਜਾਬ ਸਰਕਾਰ ਨੂੰ ਦਿੱਲੀ ਤੋਂ ਕੁਝ ਸਿੱਖਣਾ ਚਾਹੀਦੈ।

ਭਾਰਤੀ ਕੰਪਨੀਆਂ ਨੇ ਵੱਡੀ ਮਾਤਰਾ ‘ਚ ਇਜ਼ਰਾਇਲ ਨੂੰ ਹਥਿਆਰ ਭੇਜੇ- ਐਮਨੈਸਟੀ ਇੰਟਰਨੈਸ਼ਨਲ

ਅਸਾਂ ਜੇਠ ਨੂੰ ਲੱਸੀ ਨਹੀਂ ਦੇਣੀ, ਦਿਉਰ ਭਾਵੇਂ ਦੁੱਧ ਪੀ ਲਵੇ।

ਹਲਕਾ ਘਨੌਰ ਤੋਂ ਸਾਬਕਾ ਵਿਧਾਇਕ ਮਦਨ ਲਾਲ ਜਲਾਲ ਪੁਰ ਕਾਂਗਰਸ ‘ਚੋਂ ਮੁਅੱਤਲ- ਇਕ ਖ਼ਬਰ

ਨਿੰਮ ਦਾ ਤੂੰ ਮਾਣ ਨਾ ਕਰੀਂ, ਸਾਨੂੰ ਤੋਤਿਆਂ ਨੂੰ ਬਾਗ਼ ਬਥੇਰੇ।

ਇਰਾਨ ਅਮਰੀਕਾ ਜੰਗ ‘ਚ ਸਾਊਦੀ ਅਰਬ ਦੀ ਐਂਟਰੀ- ਇਕ ਖ਼ਬਰ

ਮੈਂ ਜਾਣਾ ਜੋਗੀ ਦੇ ਨਾਲ਼, ਕੰਨੀਂ ਮੁੰਦਰਾਂ ਪਾ ਕੇ।

ਇਰਾਨ -ਅਮਰੀਕਾ ਵਿਚਾਲੇ ਜੰਗ ਵਿਚ ਯੂਕਰੇਨ ਨੇ ਵੀ ਲੱਤ ਫ਼ਸਾਈ- ਇਕ ਖ਼ਬਰ

ਤੂੰ ਕੌਣ ਬਈ? ਅਖੇ ਮੈਂ ਖਾਹ ਮਖਾਹ।

ਜਲਵਾਯੂ ਪਰਿਵਰਤਨ ਨਾਲ ਗ਼ਰੀਬਾਂ ‘ਚ ਮੌਤਾਂ ਅਤੇ ਅਮੀਰਾਂ ‘ਚ ਏ.ਸੀ. ਦੀ ਵਰਤੋਂ ਵਧੇਗੀ- ਇਕ ਰਿਪੋਰਟ

ਦੋ ਧੜਿਆਂ ਵਿਚ ਖ਼ਲਕਤ ਵੰਡੀ, ਇਕ ਲੋਕਾਂ ਦਾ ਇਕ ਜੋਕਾਂ ਦਾ।

ਕੌਮੀ ਏਕਤਾ ਹੀ ਸਾਡੀ ਸਭ ਤੋਂ ਵੱਡੀ ਤਾਕਤ- ਜਥੇਦਾਰ ਗੜਗੱਜ

ਪਰ ਏਕਤਾ ਸਿਰਫ਼ ਸੁਖਬੀਰ ਬਾਦਲ ਵਾਲੀ ਹੀ ਹੋਵੇ।

ਧਰਮੇਂਦਰ ਪ੍ਰਧਾਨ ਦੀ ਜਗ੍ਹਾ ਪ੍ਰਹਿਲਾਦ ਜੋਸ਼ੀ ਨੂੰ ਸਿੱਖਿਆ ਮੰਤਰੀ ਬਣਾਇਆ- ਇਕ ਖ਼ਬਰ

ਨੱਥਾ ਸਿੰਘ ਪ੍ਰੇਮ ਸਿੰਘ, ਵੰਨ ਐਂਡ ਦੀ ਸੇਮ ਥਿੰਗ।

ਕਿਸਾਨ ਅਤੇ ਕਾਕਰੋਚ ਪਾਰਟੀ ਦੇ ਸਾਂਝੇ ਮੁਹਾਜ਼ ਦੀ ਚਰਚਾ ਤੇਜ਼- ਇਕ ਖ਼ਬਰ

ਰੁੱਤ ਯਾਰੀਆਂ ਲਾਉਣ ਦੀ ਆਈ, ਬੇਰੀਆਂ ਦੇ ਬੇਰ ਪੱਕ ਗਏ।

ਬਰਤਾਨੀਆ ਦੇ 59ਵੇਂ ਪ੍ਰਧਾਨ ਮੰਤਰੀ ਦੇ ਅੱਗੇ ਬਹੁਤ ਚੁਣੌਤੀਆਂ- ਇਕ ਖ਼ਬਰ

ਕੋਠੀ ‘ਚ ਲਿਆ ਦੇ ਘੁੰਗਰੂ, ਬੱਗੇ ਬਲ਼ਦ ਖਰਾਸੇ ਜਾਣਾ।

ਚੰਨੀ ਦੀ ਅਗਵਾਈ ‘ਚ ਲੱਗੇ ਰੋਸ ਧਰਨੇ ‘ਚ ਵੜਿੰਗ ਧੜਾ ਰਿਹਾ ਦੂਰ- ਇਕ ਖ਼ਬਰ

ਮੱਝ ਲੈ ਦੇ ਬਾਪੂ ਵੇ, ਮੈਂ ਜੇਠ ਦੀ ਲੱਸੀ ਨਹੀਉਂ ਪੀਣੀ।

ਕੇਂਦਰ ਨੇ ਕਰਤਾਰਪੁਰ ਲਾਂਘਾ ਖੋਲ੍ਹਣ ਤੋਂ ਕੀਤਾ ਇਨਕਾਰ- ਇਕ ਖ਼ਬਰ

ਤੀਆਂ ਨੂੰ ਹਟਾਉਣ ਵਾਲ਼ਿਆ, ਤੇਰਾ ਹੋਵੇ ਨਰਕਾਂ ਵਿਚ ਵਾਸਾ।

ਕਾਕਰੋਚ ਪਾਰਟੀ ਨੇ ਮੁੜ ਸ਼ਾਂਤਮਈ ਅੰਦੋਲਨ ਕਰਨ ਦੀ ਦਿਤੀ ਧਮਕੀ- ਇਕ ਖ਼ਬਰ

ਟੋਲੀ ਆਉਂਦੀ ਛੜਿਆਂ ਦੀ, ਨਾਲ਼ਾ ਟੰਗ ਲੈ ਘੁੰਗਰੂਆਂ ਵਾਲ਼ਾ।

ਪ੍ਰਧਾਨ ਮੰਤਰੀ ਕੈਮਰੇ ਦਾ ਨਹੀਂ, ਆਪਣੇ ਦਿਲ ਦਾ ਐਂਗਲ ਬਦਲਣ- ਰਾਹੁਲ ਗਾਂਧੀ

ਕੀ ਕਰਨਾ ਕੱਪੜੇ ਰੰਗਿਆਂ ਨੂੰ, ਜੇ ਮਨ ਰੰਗਿਆ ਨਾ ਜਾਵੇ।

ਟਰੰਪ ਨੇ ਇਰਾਨ ਉੱਤੇ ਹਮਲੇ ਰੋਕਣ ਦਾ ਕੀਤਾ ਐਲਾਨ- ਇਕ ਖ਼ਬਰ

ਵੇ ਤੂੰ ਲਾਟੂ ਵਾਂਗੂੰ ਘੁੰਮਦਾ, ਤੇਰਾ ਕੀ ਇਤਬਾਰ ਕਰਾਂ।