ਵਤੀਰਾ

ਮੈਂ ਦਿਲ ਆਪਣੇ ਦੇ ਅਰਮਾਨਾਂ ਨੂੰ,
ਵਕਤ ਦੀ ਸੂਲੀ ਤੇ ਲਟਕਦਿਆ ਤੱਕਿਆ ਹੈ।

ਨਾਲ ਸਮੇਂ ਦੇ ਬਲਦਦੇ ਨੇ ਜੋ ਇੱਥੇ,
ਉਨ੍ਹਾਂ ਨਾਤਿਆਂ ਨੂੰ ਮੈਂ ਨਜ਼ਰੀਂ ਤੱਕਿਆ ਹੈ।

ਹਰ ਦਮ ਦੇ ਸਾਥੀ ਜੋ ਮੇਰੇ ਸਨ,
ਭੀੜ ਪਈ ਤੇ ਸਾਥ ਛੱਡਦਿਆਂ ਤੱਕਿਆ ਹੈ।

ਸੁਪਨੇ ਸਜਾਏ ਜਿਸ ਖ਼ਾਤਰ,
ਪਲਾਂ'ਚ ਉਸ ਨੂੰ ਗੈਰਾਂ ਵੱਲ ਤੱਕਿਆ ਹੈ।

ਕੀ ਆਖਾਂ ਮੇਰਾ ਕੌਣ ਹੈ ਦਰਦੀ,
ਬੇਹਾਲ ਵੇਖ ਕੇ ਹੱਸਦਿਆਂ ਮੈਨੂੰ ਤੱਕਿਆ ਹੈ।

ਸੋਹਰਤ ਦੇ ਨਾਲ ਸਭ ਆਏ ਕੋਲ ਮੇਰੇ,
ਤੰਗੀ'ਚ ਖੁੱਦ ਨੂੰ ਮੈਂ ਇੱਕਲਾ ਤੱਕਿਆ ਹੈ।

ਛੱਡ 'ਫ਼ਕੀਰਾ' ਇਹ ਹੈ ਦੁਨਿਆ ਦਾ ਵਤੀਰਾ,
ਕਦੇ ਮਾੜੇ ਦਾ ਸਹਾਰਾ ਬਣਦਿਆਂ ਕਿਸੇ ਨੂੰ ਤੱਕਿਆ ਹੈ।

ਵਿਨੋਦ ਫ਼ਕੀਰਾ,ਸਟੇਟ ਐਵਾਰਡੀ,
ਆਰੀਆ ਨਗਰ, ਕਰਤਾਰਪੁਰ,
ਜਲੰਧਰ।
ਮੋ.098721 97326
vinodfaqira8@gmial.com