ਔਰਤ - ਸੁਖਪਾਲ ਸਿੰਘ ਗਿੱਲ   

" ਕੁੜੀਏ ਕਿਸਮਤ ਥੁੜੀਏ ,
ਤੈਨੂੰ ਇੰਨਾ ਪਿਆਰ ਦਿਆ ,
ਜੀ ਕਰਦਾ ਆਪਣੇ ਹਿੱਸੇ ਦੀ ਦੁਨੀਆਂ ਵੀ ,
ਤੈਥੋਂ ਵਾਰ ਦਿਆ "  ਗੁਰਦਾਸ ਮਾਨ
ਕਿਸਮਤ ਥੁੜੀਆ ਦੀ ਦਸ਼ਾ  :- 
             ਤੂੰ ਜੰਮ ਪਈ ਐ ਕੁੜੀਏ  ਕਿੱਦਾਂ "  ਆਦਮੀ ਹੈਰਾਨ ਹਾਂ ਮੈਂ ,
      ਅਜੇ ਤੂੰ ਭਾਗਾਂ ਵਾਲੀ ਨਾ ਸਮਝੀ ,ਅੱਗੇ ਬੀਆਬਾਨ ਆਦਮੀ ਹਾਂ ਮੈਂ ।
   ਵਿੱਦਿਆ ਵਿਚਾਰੀ ਕੀ ਕਰੂੰਗੀ, ਅੱਗੇ ਸ਼ੈਤਾਨ ਆਦਮੀ ਹਾਂ ਮੈਂ ,
      ਤੈਨੂੰ ਹਵਸ਼ ਦਾ ਸ਼ਿਕਾਰ ਬਣਾਉਣ ਲਈ , ਤੇਰਾ ਮਹਿਮਾਨ ਵੀ ਹਾਂ ਮੈਂ ।
     ਦਾਜ ਦੇ ਦੈਂਤ ਤਿੱਖੇ ਕਰਨ  ਵਾਲਾ , ਅੱਜ ਇਨਸਾਨ ਵੀ ਹਾਂ ਮੈਂ ,
  ਕੁੜੀ ਜੰਮਣ ਲਈ ਕਸਾਈ ਬਣਦਾ , ਮੁੰਡੇ ਲਈ ਆਦਮੀ ਦੀ ਸ਼ਾਨ ਵੀ ਹਾਂ ਮੈਂ ।
    ਸਭ ਦੀ ਜੂਠ ਮਾਂਜਣ ਲਈ , ਮਰਦ ਪ੍ਰਧਾਨ ਦੀ  ਸ਼ਾਨ ਵੀ ਹਾਂ  ਮੈਂ ,
"  ਨਾਨਕ "  ਦੀ ਬਚਾਈ ਹੋਈ , ਮਰਦ ਦਾ ਈਮਾਨ ਵੀ ਹਾਂ ਮੈਂ ।
ਬਚਣ ਬਚਾਉਣ ਲਈ ਰੋਲਾ ਪਾਉਣਾ , ਬੇਲੋੜੀ ਕੁਰਬਾਨ ਵੀ ਹਾਂ ਮੈਂ ,
ਮਰਦ ਦੀ ਮਰਜ਼ੀ ਲਈ , ਵੀਰਾਨ ਅਤੇ ਸੁੰਨਸਾਨ ਵੀ ਹਾਂ ਮੈਂ ।
ਤੇਰੀ ਕੀਮਤ ਤੂੰ ਹੀ ਜਾਣੇ ,  ਤੇਰਾ ਅਨੁਵਾਦ ਅਤੇ ਅਨੁਭਵ ਤੋਂ ਅਗਿਆਨ ਵੀ ਹਾਂ ਮੈਂ ।
ਕਲਮਾਂ ਨੇ ਤੇਰੀ ਲੱਜ ਬਚਾਈ ,ਆਦਮੀ ਨਾ ਬਣਿਆ ਫੇਰ ਵੀ ਸ਼ੈਤਾਨ ਹੀ ਹਾਂ ਮੈਂ ।  
ਸੁਖਪਾਲ ਸਿੰਘ ਗਿੱਲ
ਅਬਿਆਣਾ ਕਲਾਂ 9878111445
ਅੱਠ ਮਾਰਚ ਇਸਤਰੀ ਦਿਵਸ ਤੇ ਵਿਸੇਸ