'ਸ਼ੇਰਨੀ ਦਾ ਦੁੱਧ' - ਮੇਜਰ ਸਿੰਘ ਬੁਢਲਾਡਾ
"ਸਿੱਖਿਆ ਸ਼ੇਰਨੀ ਦਾ ਦੁੱਧ ਹੈ,
ਜੋ ਪੀਵੇਗਾ ਉਹ ਦਹਾੜੇਗਾ।"
'ਜਿਸਦਾ ਮਤਲਬ ਜਿਸ ਕੋਲ ਸਿਖਿਆ,
ਉਹ 'ਅਨਿਆਂ' ਨੂੰ ਲਲਕਾਰੇ ਗਾ।
ਐਪਰ ਵੇਖਣ ਦੇ ਵਿੱਚ ਆ ਰਿਹਾ,
ਜਿਹਨਾਂ ਇਹ ਦੁੱਧ ਰੱਜਕੇ ਪੀਤਾ ਹੈ।
ਉਹ ਆਪਣੇ ਨਿੱਜੀ ਹਿੱਤਾਂ ਲਈ,
ਬੈਠਾ ਹਾਕਮ ਅੱਗੇ ਚੁੱਪ ਚਪੀਤਾ ਹੈ।
ਇਹ ਸ਼ੇਰਨੀ ਦਾ ਦੁੱਧ ਪੀਕੇ ,
ਫਿਰ ਵੀ ਰਹਿੰਦਾ ਡਰਦਾ ਹੈ।
ਇਸਨੂੰ ਹਾਕਮ ਜੋ ਕਹਿੰਦਾ ਹੈ,
ਬਿਨ ਦਹਾੜੇ ਓਹੀ ਕਰਦਾ ਹੈ।
ਸ਼ੇਰਨੀ ਦਾ ਦੁੱਧ ਪੀਣ ਵਾਲਿਆਂ ਦੀ,
ਹੈ ਗਿਣਤੀ ਬੇਅੰਤ ਲੱਖਾਂ ਹੀ।
ਤੁਸੀਂ ਲੰਮੀ ਨਿਗਾਹ ਮਾਰ ਲਵੋ,
ਦਹਾੜਨ ਵਾਲੇ ਥੋੜ੍ਹੇ ਜਿਹੇ ਮਸਾਂ ਹੀ।
ਇਹ ਕਥਨ ਗ਼ਲਤ ਸਾਬਤ ਕਰ ਦਿੱਤਾ,
'ਮੇਜਰ' ਵੇਖ ਲਓ ਬਹੁਤੇ ਲੋਕਾਂ ਨੇ,
'ਸ਼ੇਰਨੀ ਦਾ ਦੁੱਧ' ਪੀ ਜਿਹਨਾਂ ਦਹਾੜਨਾ ਸੀ।
ਉਹ ਫਿਰਦੇ ਮਾਰਦੇ ਮੋਕਾਂ ਨੇ।
ਮੇਜਰ ਸਿੰਘ ਬੁਢਲਾਡਾ
94176 42327
