ਫਿਰ ਆਪਣਾ ਕੀ ? - ਬਲਤੇਜ ਸੰਧੂ

ਸਭ ਕੁੱਝ ਦਾਅ ਤੇ ਲੱਗੇ ਝੁੱਗਾ ਚੌੜ ਕਰਾ ਜਾਵੇ
ਜਦ ਵਪਾਰ ਚ ਘਾਟਾ ਪਵੇ ਵਪਾਰੀ ਨੂੰ
ਬੰਦੇ ਨੂੰ ਕੱਖੋਂ ਹੌਲਾ ਕਰਕੇ ਰੱਖ ਦਿੰਦੀ
ਅਣਗੌਲਿਆ ਜੋ ਕਰੇ ਬਿਮਾਰੀ ਨੂੰ

ਡੱਕਾ ਤੋੜ ਕੇ ਕਦੇ ਨਾ ਕਰਦੇ ਦੂਹਰਾ
ਵੇਹਲੜ ਦਿਨੇ ਜੋ ਬਾਤਾਂ ਪਾਉਂਦੇ ਨੇ
ਖ਼ਿਆਲੀ ਮਹਿਲ ਰਹਿਣ ਬਣਾਉਂਦੇ
ਉਏ ਗੱਲੀ ਬਾਤੀ ਟਾਕੀ ਅੰਬਰੀਂ ਲਾਉਂਦੇ ਨੇ

ਸੋਹਣੇ ਹੋਣ ਦਾ ਜੋ ਕਰਦੇ ਮਾਣ ਬੜਾ
ਆਸਮਾਨ ਦੇ ਚੰਨ ਨੂੰ ਦਾਗ਼ੀ ਦੱਸਦੇ ਨੇ
ਐਹੋ ਜਿਹੇ ਮਿਲਣ ਬਥੇਰੇ ਝੂਠੇ ਹਮਦਰਦੀ
ਦੁੱਖ ਸੁਣ ਕੇ ਪਿੱਠ ਪਿੱਛੇ ਜੋ ਹੱਸਦੇ ਨੇ

ਆਪਣੇ ਛੱਡ ਜਾਂਦੇ ਪ੍ਰਛਾਵਾਂ ਵੀ ਸਾਥ ਨਿਭਾਉਂਦਾ ਨਾ
ਜਦ ਕੋਲ ਨਾ ਚੰਗੀ ਕਿਸਮਤ ਦੀ ਸਿਖ਼ਰ ਦੁਪਹਿਰ ਹੋਵੇ
ਸਾਡੇ ਬੁੱਲਾਂ ਉੱਤੋਂ ਸਾਡੇ ਈ ਹਾਸੇ ਲੁੱਟ ਦੇ ਨੇ
ਫਿਰ ਆਪਣਾ ਕੀ ਤੇ ਭਾਵੇਂ ਸੰਧੂਆਂ ਲੱਖ ਗੈਰ ਹੋਵੇ।
ਬਲਤੇਜ ਸੰਧੂ ਬੁਰਜ ਲੱਧਾ  ਬਠਿੰਡਾ
9465818158