'ਕੁੜੀਆਂ ਨੇ ਮੱਲਾਂ ਮਾਰੀਆਂ ਨੇ' - ਮੇਜਰ ਸਿੰਘ ਬੁਢਲਾਡਾ

ਅੱਠਵੀਂ, ਦਸਵੀਂ, ਬਾਰਵੀਂ ਕਲਾਸ ਵਿਚੋਂ,
ਕੁੜੀਆਂ ਤਿੰਨੇ ਸਥਾਨਾਂ ਵਿੱਚ ਮੱਲਾਂ ਮਾਰੀਆਂ ਨੇ।
ਸਰਕਾਰੀ ਸਕੂਲਾਂ ਦੇ ਮੋਹਰੀ ਰਹੇ ਬੱਚੇ,
ਬਹੁਤਿਆਂ ਦੇ ਮਾਪੇ ਕਰਨ ਦਿਹਾੜੀਆਂ ਨੇ।
ਇਹਨਾਂ ਦੀਆਂ ਕੀਤੀਆਂ ਮਿਹਨਤਾਂ ਰਾਸ ਆਈਆਂ,
ਤਾਂਹੀਂ ਉਚੀਆਂ ਭਰੀਆਂ ਉਡਾਰੀਆਂ ਨੇ।
ਇੱਕਵੰਜਾ ਹਜ਼ਾਰ ਦੇਕੇ ਤੇ ਬਾਕੀ ਐਲਾਨ ਕਰਕੇ,
ਸਰਕਾਰ ਨੇ ਪਹਿਲੀ ਵਾਰ ਧੀਆਂ ਸਤਿਕਾਰੀਆਂ ਨੇ।
ਔਰਤ ਨੂੰ ਨੀਵਾਂ ਦਿਖਾਉਂਦੀਆਂ ਅਨੇਕ ਗੱਲਾਂ,
ਇਹਨਾਂ ਆਪਣੀ ਕਾਬਲੀਅਤ ਨਾਲ ਨਕਾਰੀਆਂ ਨੇ।
'ਮੇਜਰ' ਧੀਆਂ ਪੁੱਤਾਂ ਵਿੱਚ ਨਾ ਕਦੇ ਫ਼ਰਕ ਸਮਝੋ,
ਇਹ ਕਿਵੇਂ ਵੀ ਪੁੱਤਾਂ ਨਾਲੋਂ ਨਾ ਮਾੜੀਆਂ ਨੇ।

ਲੇਖਕ - ਮੇਜਰ ਸਿੰਘ ਬੁਢਲਾਡਾ
94176 42327