ਸੂਰਜ ਉੱਠਦਾ ਦੇਰੀ ਨਾਲ - ਬਲਜਿੰਦਰ ਕੌਰ ਸ਼ੇਰਗਿੱਲ

ਅੱਜ ਕੱਲ੍ਹ ਸੂਰਜ ਉੱਠਦਾ ਦੇਰੀ ਨਾਲ,
ਧੁੰਦ 'ਚ ਲੁੱਕਕੇ ਬੈਠਦਾ ਬੱਦਲਾਂ ਨਾਲ |

ਫੋਨਾਂ 'ਤੇ ਗੱਲਾਂ ਚੱਲੀਆਂ ਪੁੱਛਦੇ ਸਭ ਸੂਰਜ ਦਾ ਹਾਲ,
ਕੀ ਸ਼ਹਿਰ ਤੁਹਾਡੇ ਆਇਆ ਸੂਰਜ ਧੁੱਪਾਂ ਨਾਲ |

ਨਿਕਲਿਆ ਤਾਂ ਸੀ ਭਾਈ ਮੁੜ ਗਿਆ ਛੇਤੀ ਨਾਲ,
ਸਾਰੇ ਇੰਤਜਾਰ ਕਰਦੇ ਸਵੇਰੇ ਤੋਂ ਬੇਸਬਰੀ ਨਾਲ |

ਸ਼ੀਤ ਲਹਿਰ ਦੇ ਮੌਸਮ 'ਚ ਬੰਦਾ ਕੰਬੇ ਹਰ ਹਾਲ,
ਇਹ ਨਿਕਲੇ ਅੱਖਾਂ ਚਮਕਾ-ਚਮਕਾ ਕੇ ਦੇਰੀ ਨਾਲ,

ਹੱਡ ਭੰਨਵੀਂ ਠੰਢ 'ਚ ਸਹਾਰਾ ਲੈਂਦੇ ਲੱਕੜਾਂ ਬਾਲ,
ਥੋੜੀ ਕੁ ਮਿੰਟਾਂ ਲਈ ਦਰਸ਼ਨ ਦੇ ਜਾਂਦਾ ਦੇਰੀ ਨਾਲ |

ਕੱਪੜੇ ਵੀ ਨਹੀਂਓ ਸੁੱਕਦੇ ਅੱਜ ਕੱਲ ਧੁੰਦ ਨਾਲ,
ਕੜਾਕੇ ਦੀ ਠੰਢ ਪੈਂਦੀ ਇਹ ਆਉਂਦਾ ਮੌਜਾਂ ਨਾਲ |

ਕੱਦੂ ਬਣਾਈ ਰੱਖਦਾ ਮੋਟੇ- ਮੋਟੇ ਕੱਪੜਿਆਂ ਨਾਲ,
ਧੁੱਪ ਵੀ ਜ਼ਰੂਰੀ ''ਬਲਜਿੰਦਰ'' ਸਰਦੀ ਦੇ ਨਾਲ- ਨਾਲ |

ਅੱਜ ਕੱਲ੍ਹ ਸੂਰਜ ਉੱਠਦਾ ਦੇਰੀ ਨਾਲ,
ਧੁੰਦ 'ਚ ਲੁੱਕਕੇ ਬੈਠਦਾ ਬੱਦਲਾਂ ਨਾਲ |

ਬਲਜਿੰਦਰ ਕੌਰ ਸ਼ੇਰਗਿੱਲ
ਮੁਹਾਲੀ
9878519278