ਦਿਲ ਦਾ ਹਾਲ ਸੁਣਾ ਦੇਵਾਂ - ਕੁਲਵੰਤ ਕਾਹਲੋਂ (ਕੈਲੀ)

ਦਿਲ ਦਾ ਹਾਲ ਸੁਣਾ ਦੇਵਾਂ
ਦੇਵੇਂ ਜੇ ਕਰ ਇਜਾਜ਼ਤ,
ਬਚਪਨ ਮੌਜਾਂ ਭਰਿਆ ਸੀ
ਜੋਬਨ ਰੰਗਾਂ ਚ ਬੇਹਿਸਾਬਕ।
ਵਿਰਸੇ ਦੇ ਵਿੱਚ ਮਿਲੀ ਗ਼ੈਰਤ
ਵੱਡ-ਵਡੇਰਿਆਂ ਦੇ ਬਾਬਤ,
ਵਿੱਚ ਪਰਦੇਸਾਂ ਬੇਬੱਸ ਹੋਏ
ਸਕੇ ਨਾਂ ਕਰ ਕੁਝ ਸਾਬਤ।
ਮਾਣ ਨਾਲ ਸਿਰ ਉੱਚਾ ਹੋਇਆ
ਪੜ੍ਹ ਪੰਜਾਬੀਆਂ ਦੀ ਸ਼ਹਾਦਤ,
ਵਿਯੋਗ ਚ ਮਾਲਾ-ਮਾਲ ਹੋਕੇ
ਲੱਗ ਪਏ ਕਰਨ ਇਬਾਦਤ।
ਲਿਖਣ ਲੱਗੇ ਜਜ਼ਬਾਤ ਜਦੋਂ
ਫੜ੍ਹ ਲਈ ਕਲਮ ਤੇ ਕਾਗ਼ਜ਼,
ਆਖਿਰ ਇਸ਼ਕ ਹਕੀਕੀ ਚੜਿਆ
ਲ਼ਿਖਦਉ ‘ਕੁਲਵੰਤ’ਕਿਤਾਬਤ।
ਕੁਲਵੰਤ ਕਾਹਲੋਂ (ਕੈਲੀ)