ਅਰਮਾਨ -  ਸੁਰਿੰਦਰਜੀਤ ਕੌਰ

( ਕਿਸਾਨਾਂ  ਦੇ ਸੰਘਰਸ਼  ਨੂੰ  ਸਮਰਪਤ )

ਦੀਵਿਆਂ ਨੇ  ਜ਼ੁਲਮ  ਹੁਣ  ਸਹਿਣਾ ਨਹੀਂ ।
ਇਹ   ਹਨੇਰਾ  ਦੇਰ  ਤੱਕ  ਰਹਿਣਾ  ਨਹੀਂ ।

ਅਣਕਹੇ  ਨੇ   ਬੋਲ  ਤੇ   ਅਰਮਾਨ   ਵੀ,
ਚੁੱਪ  ਸਾਡੀ  ਨੇ  ਵੀ  ਚੁੱਪ ਰਹਿਣਾ  ਨਹੀਂ ।

ਖੇਤਾਂ   ਦੇ   ਪੁੱਤਾਂ  ਦੇ   ਕਾਤਿਲ  ਕਾਫ਼ਰਾ,
ਪਹਿਨਿਆਂ  ਕੁਫ਼ਰ  ਹੈ   ਗਹਿਣਾ  ਨਹੀਂ ।

ਕਰ ਲੈ  ਤੋਬਾ ਜ਼ਾਲਿਮਾਂ  ਨੂੰ  ਜ਼ੁਲਮ  ਤੋਂ ,
ਜ਼ੁਲਮ  ਹੁਣ  ਮਜ਼ਲੂਮ ਨੇ ਸਹਿਣਾ ਨਹੀਂ ।

ਭੂਏ  ਹੁੰਦੀ   ਭੁੱਖ   ਦੇ   ਅਰਮਾਨ  ਦੇਖ,
ਭੁੱਖ  ਨੇ  ਭੁੱਖੀ   ਸਦਾ  ਰਹਿਣਾ   ਨਹੀਂ ।

ਪਾ ਖਿਆਲਾਂ  ਨੂੰ  ਨਾ ਪਿੰਜਰੇ ਵਿਚ  ਕਦੇ,
ਵਿਚ   ਕਲਾਵੇ ਪੌਣ ਨੇ  ਰਹਿਣਾ  ਨਹੀਂ ।

ਟੋਰਾਂਟੋ, ਕੈਨੇਡਾ
ਸੰਪਰਕ / +1 365-778-1819