ਤਾਇਆ ਬੱਕਰੀਆਂ ਵਾਲਾ - ਰਣਜੀਤ ਸਿੰਘ ਦੁਲੇ

30 September 2019

ਕਰਤਾਰਪੁਰ ਲਾਂਘੇ ਤੇ ਦੋ ਸ਼੍ਰੌ: ਕਮੇਟੀਆਂ ਨੇ ਪਾਈ ਕਾਂਵਾ ਰੋਲ਼ੀ : ਖਬਰ
ਤੁਹਾਨੂੰ ਕੀ ਫਰਕ ਪੈਂਦਾ ? ਤੁਸੀਂ ਤੇ ਗੋਲ੍ਹਕਾਂ ਭਰਨੀਆਂ ਭਰ ਦਿਓ ਹੁਮਹਮਾ ਕੇ !

ਗਣੇਸ਼ ਦੀਆਂ ਮੂਰਤੀਆਂ ਤਾਰਨ ਗਏ ਮਰੇ ੧੫ ਜਣੇ : ਖਬਰ
ਮਰੇ ਮਰੇ ਨਾਂ ਕਰਿਆ ਕਰੋ, ਸ਼ਹੀਦ ਹੀ ਸੰਮਝੋ !

ਕਾਂਗਰਸੀ ਆਪਸ ਵਿੱਚ ਫਸ ਪਏ ਲੂਡੂਆਂ ਕਰਕੇ : ਖਬਰ
ਹੋਰ ਕਿਹੜੀਆਂ ਗੱਲਾਂ ਨੂੰ ਜੱਟ ਮਰਦਾ, ਨੀ ਲੱਡੂ ਖਾ ਕੇ ਤੁਰਦੀ ਬਣੀ !

ਸ਼ਾਹ ਦੇ ਇਕ ਦੇਸ਼ ਇਕ ਭਾਸ਼ਾ ਵਾਲੇ ਬਿਆਨ ਤੋਂ ਭੜਕੇ ਦੱਖਣ ਵਾਲੇ : ਖਬਰ
ਇਹਨਾਂ  ਦਾਲ ਪੀਣੀਆਂ ਜਾਤਾਂ ਨੇ ਲੱਗਦਾ ਸਾਰੇ ਹੀ ਭਾਡੇ ਖਿਲਾਰ ਲੈਣੇ ਨੇ !

ਰਾਮਦੇਵ ਨੇ ਗੋਡਿਆਂ ਦਾ ਲੰਡਨ 'ਚ ਕਰਵਾਇਆ ਅਪ੍ਰੈਸ਼ਨ : ਖਬਰ
ਕਿਉਂ ਗਊ ਮੂਤਰ ਨਾਲ ਚੱਲੇ ਨੇ ਇਸ ਟੀਰੇ ਦੇ ਗੋਡੇ ?

ਕੈਪਟਨ ੬ ਹੋਰ ਵਧਾਇਕ  ਬਣਾਏ ਆਪਣੇ ਸਲਾਹਕਾਰ : ਖਬਰ
ਸਲਾਹ ਤੇ ਪਤੰਦਰ ਨੇ ਕਦੇ ਪ੍ਰਨੀਤਕੌਰ ਦੀ ਨੀ ਮੰਨੀ !

ਇਕ ਦੇਸ਼ ਇਕ ਬੋਲੀ ਹੋਣੀ ਚਾਹੀਦੀ ਹੈ : ਗੁਰਦਾਸ ਮਾਨ
ਲੱਗਦੈ ਇਹਨੂੰ ਵੀ ਆਪਣੇ ਹੰਸੂ ਵਾਂਗ ਪੌਣ ਆਉਣ ਲੱਗ ਪਈ !

ਮੂਸੇਵਾਲਾ ਮੰਗੇ ਮੁਆਫੀ ਤੇ ਗਾਵੇ ਕੌਮੀ ਗੀਤ : ਜੱਥੇਬੰਦੀਆਂ
ਜਨ ਗਨ ਮਨ ਵਾਲਾ ਚੱਲੂ ?

ਯੂ ਪੀ 'ਚ ਇਕ ਹੋਰ ਸਵਾਮੀ ਚਿਨਯਾਨੰਦ ਬਲਾਤਕਾਰ ਦੇ ਦੋਸ਼ 'ਚ ਗਿਆ ਅੰਦਰ
ਚਲੋ ਹੁਣ ੪ ਸਰੀ ਖੇਡਣ ਦੀ ਟੀਮ ਤਾਂ ਬਣ ਗਈ ਅੰਦਰ !

ਹਿੰਦੀ ਸਾਡੀ ਮਾਸੀ ਹੈ : ਗੁਰਦਾਸ ਮਾਨ
..ਤੇ ਨਕੋਦਰ ਵਾਲਾ ਮਲੰਗ ਇਹਦਾ ਫੂੱਫੜ ?

ਭਾਰਤ ਫਰਾਂਸ ਤੋਂ ਖਰੀਦੇਗਾ ੩੬ ਹੋਰ ਰਫੈਲ ਜਹਾਜ਼ : ਖਬਰ
ਅੱਛਾ ? ਪਹਿਲੇ ਵਾਲੀ ਲਾਈ ਕੁੰਡੀ ਥੋੜੀ ਛੋਟੀ ਰਿਹ ਗਈ ਸੀ ?

ਧਾਰਮਿਕ ਵਾਅਦਿਆਂ ਤੋਂ ਵੀ ਮੁਕਰਿਆ ਕੈਪਟਨ : ਸਿਮਰੋ
ਕੀ ਕਰੇ ਵਿਚਾਰਾ ? ਤੁਹਾਡੇ ਵਾਂਗ ਰਾਮ ਰਹੀਮ ਦੀ ਸਪੋਰਟ ਹੈਨੀ ਨਾਂ ਇਹਦੇ ਕੋਲ !

ਭਾਰਤ ਅਮਰੀਕਾ ਊਰਜਾ ਮਾਮਲੇ ਛੁਹੇਗਾ ਬੁਲੰਦੀਆਂ : ਮੋਦੀ
ਵੱਡੇ ਦੇ ਢੂਹੇ 'ਚ ਥੋੜਾ ਧਿਆਂਨ ਨਾਲ ਵੜੀਦਾ ਛੂਟੜਾ !