ਪੰਛੀ - ਚਮਨਦੀਪ ਸ਼ਰਮਾ

ਕੁਦਰਤ ਨੂੰ ਚਾਰ ਚੰਨ ਲਾਵਣ,
ਸੁਰੀਲੀ ਆਵਾਜ਼ ਨਾਲ ਪੰਛੀ।
ਮਨ ਨੂੰ ਬੜਾ ਹੀ ਭਾਉੇਂਦੇ ਨੇ,
ਜਦ ਡਾਰ ਬਣਾ ਉੱਡਣ ਪੰਛੀ।
ਕਲਾਕਾਰੀ ਦੀ ਕੌਣ ਰੀਸ ਕਰੂੰ,
ਆਲ੍ਹਣੇ ਖੁਦ ਬਣਾਉਂਦੇ ਪੰਛੀ।
ਨਫ਼ਰਤ ਤੋਂ ਕੋਸਾਂ ਦੂਰ ਰਹਿਣ,
ਭਾਸ਼ਾ ਪ੍ਰੇਮ ਦੀ ਜਾਨਣ ਪੰਛੀ।
ਮੂਰਖ ਲੋਕ ਬਣਾਉਂਣ ਨਿਸ਼ਾਨਾ,
ਚਲਾ ਹਥਿਆਰ ਉੱਪਰ ਪੰਛੀ।
ਰੱਖਿਆ ਲਈ ਕਾਨੂੰਨ ਬਥੇਰੇ,
ਫਿਰ ਵੀ ਘੱਟ ਰਹੇ ਨੇ ਪੰਛੀ।
ਰੁੱਖ ਕੱਟੇ ਨਿੱਜੀ ਹਿੱਤਾਂ ਲਈ,
ਤਾਂਹੀ ਗਾਇਬ ਹੋਏ ਹੁਣ ਪੰਛੀ।
'ਚਮਨ' ਕਹੇ ਸ਼ਰਮ ਕਰੋ ਲੋਕੋ !
 ਕੀ ਖੋਹਦੇ ਤੁਹਾਡੇ ਤੋਂ ਪੰਛੀ ?

ਚਮਨਦੀਪ ਸ਼ਰਮਾ, 298 ਮਹਾਰਾਜਾ ਯਾਦਵਿੰਦਰਾ ਇਨਕਲੇਵ,
ਨਾਭਾ ਰੋਡ, ਪਟਿਆਲਾ, ਸੰਪਰਕ- 95010  33005

31 Jan. 2019