ਗਣਤੰਤਰ ਦਿਵਸ - ਰਾਜਵਿੰਦਰ ਰੌਂਤਾ
ਹਾਂ ਜੀ ਹਾਂ ਜੀ
ਮਨਾਂਵਾਗੇ
ਗਣਤੰਤਰ ਦਿਵਸ
ਧੂਮਧਾਮ ਨਾਲ
ਸਮਾਰਟ ਫੋਨ ਮਿਲਣ
ਕਰਜਿ਼ਆਂ ਤੇ ਲੀਕ
ਵੱਜਣ
ਘਰ ਘਰ ਨੌਕਰੀ
ਨਸ਼ਿਆਂ ਦੇ ਤਸਕਰਾਂ ਨੂੰ ਜੇਲ੍ਹੀਂ ਡੱਕਣ
ਰਮਸਾ ਐੱਸ ਐੱਸ ਏ ਤੇ ਹੋਰ ਅਧਿਆਪਕਾਂ ਮੁਲਾਜ਼ਮਾਂ ਨੂੰ ਪੂਰੀ ਤਨਖਾਹ ਤੇ ਪੱਕਿਆਂ ਕਰਨ
ਦੀ ਖੁਸ਼ੀ ਚ
ਹਾਂ ਜੀ ਹਾਂ ਜੀ
ਅਸੀਂ
ਮਨਾਵਾਂਗੇ
ਗਣਤੰਤਰ ਦਿਵਸ
ਕਿਉਂਕਿ
ਸਾਥੋਂ ਖੋਹਿਆ ਜਾ ਰਿਹਾ ਮੁਫ਼ਤ ਤੇ ਮਿਆਰੀ ਸਿੱਖਿਆ ਸਿਹਤ ਦਾ ਅਧਿਕਾਰ ਸਰਕਾਰੀ ਬੱਸਾਂ ਤੇ ਹੋਰ
ਅਦਾਰਿਆਂ ਦਾ ਹੋ ਰਿਹਾ ਹੈ ਨਿੱਜੀਕਰਨ
ਕਿਉਂਕਿ ਬਥੇਰੇ ਪੈਸੇ ਨੇ
ਸਾਡੇ ਲੋਕਾਂ ਕੋਲ
ਭਲਾ ਕਿਤੇ ਥੋਹੜੇ ਹੁੰਦੇ ਨੇ
ਤਿੰਨ ਸੌ ਚਾਰ ਸੌ ਪੰਜ ਸੌ ਛੇ ਸੌ ਰੁਪੈ ਰੋਜ਼ਾਨਾਂ
ਪੂਰਾ ਪਰਿਵਾਰ ਪਾਲਣ ਲਈ
ਹਾਂ ਜੀ ਹਾਂ ਜੀ
ਅਸੀਂ ਮਨਾਵਾਂਗੇ ਗਣਤੰਤਰ ਦਿਵਸ
ਉਜੜੇ ਘਰਾਂ
ਕਤਲ ਕੀਤੇ ਦਰਖਤਾਂ ਪਿੰਡਾਂ ਦੀਆਂ ਯਾਦਾਂ ਤੇ ਨਿਸ਼ਾਨੀਆਂ ਦੀ ਹਿੱਕ ਤੇ ਪੈਰ ਧਰਕੇ
ਚੌਂਹ ਮਾਰਗੀ ਸੜਕਾਂ ਫਲਾਇਓਵਰਾਂ ਤੋਂ ਦੀ ਵਿਕਸਤ ਦੇਸ਼ ਦਾ ਨਜਾਰਾ ਜਰੂਰ ਦੇਖਦਿਆਂ
ਹਾਂ ਜੀ ਹਾਂ ਜੀ
ਉੱਥੇ ਜਾ ਕੇ ਬੋਲਾਂਗੇ
ਮਹਾਰਾਜਾ ਪਟਿਆਲਾ ਕੀ ਜੈ
ਖੁਸ਼ੀ ਖੁਸ਼ੀ
ਦੇਸ਼ ਦਾ ਤਿਰੰਗਾ ਫ਼ੜ੍ਹ ਕੇ।
ਰਾਜਵਿੰਦਰ ਰੌਂਤਾ,ਰੌਂਤਾ ਮੋਗਾ
9876486187
